Elimizde barlanǵan jerasty sýlarynyń 3,5 paıyzy ǵana paıdalanylady

ASTANA. KAZINFORM — Elimizde ártúrli maqsattaǵy jerasty sýlarynyń 4 803 keni bar. Bul týraly Senat depýtattarynyń saýalyna Premer-mınıstr Oljas Bektenovtiń jaýabynda aıtylǵan. 

— Sý qaýipsizdigi jáne jerasty sýlaryn sharýashylyq aınalymǵa tıimdi tartý máseleleri Úkimettiń erekshe baqylaýynda. Bul baǵyttaǵy jumys Qazaqstan Respýblıkasynyń jańa Sý kodeksi, Sý resýrstaryn basqarý júıesin 2030 jylǵa deıin damytý tujyrymdamasy aıasynda júrgizilýde, — dedi Úkimet basshysy jaýabynda.

Onyń dereginshe, búginde Qazaqstan Respýblıkasynda ártúrli maqsattaǵy jerasty sýlarynyń 4 803 ken orny barlanǵan.

— Bekitilgen paıdalaný qorlary táýligine 43,2 mln tekshe metr. Bul rette barlanǵan resýrstardyń shamamen 3,5 paıyzy ǵana is júzinde paıdalanylyp otyr. Barlyq qor paıdalanýǵa daıyn jáne tabıǵı jolmen tolyqtyrylyp otyrady, — dedi Oljas Bektenov.

Aıta keteıik, Sý resýrstary jáne ırrıgatsııa mınıstrligi 2027 jylǵa deıin Aqmola, Batys Qazaqstan, Qostanaı, Jetisý men Ulytaý oblystarynda jerasty sýynyń jańa kózderin anyqtaý boıynsha keshendi izdestirý-barlaý jumystaryn júrgizýdi josparlap otyr.