Elimizde balyqty saqtandyrý tetigi engizilýi múmkin
ASTANA. KAZINFORM – «Akvaósirý týraly» zań jobasy aıasynda balyqty da saqtandyrý tetigi engizilýi múmkin. Bul týraly búgin Májiliste atalǵan zań jobasyn talqylaý aıasynda depýtat Sergeı Ponomarev aıtty.
«Búginde el turǵyndary jylyna 3 keli 700 gramm ǵana balyq tutynady. Bul óte az. Bizde balyq tek merekelik dastarhanǵa ǵana qoıylady. Onyń ózi negizinen qyzyl balyq, aqserke, ıaǵnı, syrttan kelgen ónim. Bizde Balqash, Zaısan, Kaspıı syndy sý qoımalary mol. Al balyq qaǵazda ǵana ósiriledi. Sondyqtan da Májiliske «Avkaósirý týraly» zań jobasy engizilip otyr jáne de balyq ósirý tıimdi bolý úshin, turǵyndardyń dastarhanynda balyq úzilmes úshin bárin jasaýǵa tyrysamyz. Aıtalyq, Ózbekstan, tipti Qyrǵyzstan bizden birneshe ese kóp balyq ósiredi», - dedi ol.
Onyń atap ótýinshe, elimizde balyq ósirýimen aınalysatyn sharýashylyqtar sany artyp keledi. Ótken jyly olardyń sany 500-ge jetti.
«Qazirgi ýaqytta balyqty da saqtandyrý qajet. Al bizde bul jaıt múldem aıtylmaǵan. Sıyrdy, jylqyny saqtandyramyz, biraq balyqty emes. Alaıda búkil álemde ony saqtandyrady eken. Bizde bekire, aqserke balyqtaryna qajetti azyq ta óndirilmeıdi. Tek sazanǵa qajetti azyq shyǵarylady. Bul da úlken probema», - dedi Sergeı Ponomarev.
Depýtat balyq ósirý tıimdi ekendigin aıtady.
«Máselen, bir sazan 800 myń ýyldyryq shashady. ıAǵnı, 800 myń shabaq alýǵa múmkindik bar. Biraq, ony balyqty toǵanda ne kólshikte ǵana ósirip alýǵa bolady. Jabaı tabıǵatty bul ýyldyryqtyń 5 paıyzynan ǵana shabaq ósip shyǵady», - dedi ol.
