Elimizde «Balaqaılar mektebi» baǵdarlamasy júzege asyrylyp jatyr
ASTANA. KAZINFORM — Jazǵy kanıkýl kezinde birinshi synyp aldynda balalardyń bastapqy múmkindikterin teńestirý úshin qysqarmerzimdi «Balaqaılar mektebi» baǵdarlamasy uıymdastyryldy. Bul bastama elimizde osymen ekinshi jyl qatarynan júzege asyrylyp keledi - dep habarlaıdy QR Oqý-aǵartý mınıstrliginiń baspasóz qyzmeti.
Baǵdarlama memlekettik jalpyǵa mindetti mektepke deıingi tárbıe men oqytý standartyna sáıkes ázirlengen jáne mektepke deıingi bilim men bastaýysh mektep arasyndaǵy sabaqtastyqty qamtamasyz etedi. Ol balalardy mektepke deıingi tárbıe men oqytýdyń úlgilik oqý baǵdarlamasynyń barlyq baǵyttary boıynsha mektepke daıyndaýǵa múmkindik beredi.
Baǵdarlama Memlekettik jalpyǵa mindetti mektepke deıingi tárbıe men bilim berý standartyna sáıkes ázirlendi. Ol mektepke deıingi bilim berý men bastaýysh mektep arasyndaǵy sabaqtastyqty qamtamasyz etedi, balalardy mektepke deıingi tárbıe men oqytýdyń úlgilik oqý baǵdarlamasynyń barlyq baǵyttary boıynsha mektepke aldyn ala daıyndaýǵa múmkindik beredi.
– Jaz maýsymynyń eki aıynda qysqa merzimdi mektepaldy daıarlyq kýrstary shamamen 25 myńǵa jýyq balany qamtydy. Oqytý merzimi bir aıǵa eseptelgen. Sabaqtar kún saıyn 30 mınýttan, 10 mınýttyq úzilistermen ótedi. Balalarǵa bastaýysh synyptyń bilikti muǵalimderi nemese mektepaldy daıarlyq pedagogteri sabaq beredi. Ásirese, balalardyń fızıkalyq, kommýnıkatıvtik, zııatkerlik, shyǵarmashylyq jáne áleýmettik-emotsıonaldyq daǵdylaryn damytýǵa, sondaı-aq mektepke degen oń kózqaras qalyptastyrýǵa basa nazar aýdarylady, – dedi mektepke deıingi bilim berý departamentiniń dırektory Manar Adamova.
Tamyz aıynda shamamen taǵy da 5,3 myń top quryp, 65,2 myń balany qamtý josparlanyp otyr. Osylaısha, bıylǵy jazda qysqa merzimdi mektepaldy daıarlyq kýrstarymen 90 myńǵa jýyq bala qamtylady.
Aıta keteıik, «Balaqaılar mektebi» baǵdarlamasyn uıymdastyrý – osyǵan deıin balabaqshaǵa barmaǵan balalar úshin mektepke deıingi bilimge qoljetimdilikti qamtamasyz etedi.
Túrkistan oblysynda balalarǵa arnalǵan modýldi lager ashylǵanyn jazǵan edik.