Elimizde balabaqshalardy qarjylandyrý júıesi qaıta qaraldy

ASTANA. KAZINFORM – Elimizde mektepke deıingi bilim berýdi qoljetimdi etý jáne onyń sapasyn arttyrý maqsatynda balabaqshalardy qarjylandyrý júıesi qaıta qaraldy.

Jańa ózgeris boıynsha ata-analar balasyna balabaqshany ózi tańdaı alady jáne balanyń bilim alýyna qajetti qarjy memleketten tikeleı mektepke deıingi uıymǵa emes, balanyń artynan tańdalǵan mekemege beriletin bolady. Mundaı mehanızm jekedegi jáne memlekettik balabaqshalar arasynda básekelestik qalyptastyrýǵa baǵyttalǵan. Óıtkeni olardyń basshylyǵy múmkindiginshe kóbirek bala tartý úshin bilim berý sapasyn arttyrýǵa jáne bilikti tárbıeshilerdi jumysqa alýǵa májbúr bolady.

- Qazirgi ýaqytta bul mehanızm Qazaqstannyń tórt qalasynda – Tarazda, Shymkentte, Túrkistanda jáne Oralda pılottyq rejımde engizilgen. Aldaǵy ýaqytta ony búkil el boıynsha masshtabtaý josparlanýda, dep jazdy Úkimetten.

Mektepke deıingi uıymdarda mektepke deıingi uıymdarǵa barmaıtyn balalardyń ata-analary úshin 4,2 myńnan astam konsýltatsııalyq pýnkt jumys isteıdi. Bul tarmaq balalardy tárbıeleý men damytýǵa mańyzdy kómek kórsetedi, olardy oqytý men mektepke daıyndaýdyń teń bastapqy jaǵdaılaryn qamtamasyz etedi.

Aǵymdaǵy jyly 328 myńnan astam ata-ana men balaǵa ádistemelik jáne pedagogıkalyq qoldaý kórsetildi. 

​​Eske sala keteıik, Qazaqstan balabaqshalarynda «Tilge boılaý» biregeı jobasy bastaldy.