Elimizde baǵdarshamnyń sary túsi janǵan kezde joldan ótýge tyıym salyndy

ASTANA. KAZINFORM – Elorda polıtsııasy baǵdarshamnyń sary sıgnalyna ótýge tyıym salý týraly eskertti.

ІІM baspasóz qyzmetiniń málimetinshe, kóbine jol-kólik oqıǵalary baǵdarshamnyń sary túsi janyp turǵanda ótken kezde bolady. Bul rette júrgizýshilerge Qazaqstan Respýblıkasy Jol qozǵalysy erejeleriniń 5-taraýynyń 24-tarmaǵynyń 3-tarmaqshasyna sáıkes baǵdarshamnyń sary sıgnaly qozǵalysqa tyıym salatynyn, al jypylyqtaǵan jasyl sham jaqyn arada tyıym salý sıgnalynyń shyǵatynyn eskertedi. Mundaı buzýshylyqtardy beınebaqylaý kameralary avtomatty túrde tirkeıtin bolady.

«Osyǵan baılanysty júrgizýshilerdi jolda saq bolyp, jol erejesin saqtaýǵa shaqyramyz. Máselen, sońǵy bir jylda 3 myńnan astam oqıǵa tirkeldi. Jol-kólik oqıǵalary baǵdarshamnyń tyıym salynǵan sıgnalyna (qyzyl, sary) ótýi, onyń ishinde sary sıgnalyna ótkeni úshin bolǵan. Sonyń saldarynan 6 adam qaza taýyp, 246 adam jaraqat alǵan. Jyl basynan beri 400-ge jýyq jol apaty tirkeldi», - dep habarlady ІІM baspasóz qyzmeti.