Elimizde azyq-túlik vaýcheri pılottyq jobasy iske qosylady
ASTANA. KAZINFORM — Vaýcher áleýmettik mańyzy bar azyq-túlikti ústeme baǵasyz satyp alýǵa múmkindik beredi. Jańa joba týraly tolyǵyraq Saýda jáne ıntegratsııa mınıstri Arman Shaqqalıev aıtyp berdi.
— Memleket basshysynyń ataýly áleýmettik kómekke kóshý jónindegi tapsyrmasyn oryndaý úshin áleýmettik mańyzy bar azyq-túlikke qoıylatyn 15% saýda ústemesin baqylaý kúsheıtiledi jáne halyqtyń áleýmettik osal sanatyna arnalǵan ataýly qoldaý sharalaryn júzege asyrǵaly jatyrmyz. Sonymen qatar tıimdi basqarý sheshimin qabyldaýǵa múmkindik beretin áleýmettik mańyzy bar azyq-túlik baǵasyn taldaý modýli iske asyrylady, — dedi Arman Shaqqalıev Úkimet otyrysynda.
Pılottyq joba sheńberinde ataýly áleýmettik kómek alýshylarǵa azyq-túlik vaýcheri beriledi.
— Vaýchermen áleýmettik mańyzy bar azyq-túlikti ústeme baǵasyz satyp alýǵa múmkindik beredi. Pılottyq jobany Aqkól, Kókshetaý jáne Pavlodar qalasynda iske qosýdy josparlap otyrmyz. Oǵan 1 myńǵa jýyq ataýly áleýmettik kómek alýshy kiredi. Joba óńirlerge sapar barysynda Parlament depýtattary tarapynan qoldaý tapty jáne qoǵamdyq talqylaýdan sátti ótti, — deıdi vedomstvo basshysy.
Aıta keteıik, elimizde jańa saýda marketpleısin iske qosý máselesin pysyqtalyp jatyr.