Elimizde azyq-túlik óndirisi 2,4 esege artty
ASTANA. KAZINFORM – QR Aýyl sharýashylyǵy mınıstrligi 2019-2026 jyldar aralyǵyndaǵy derekterge súıene otyryp, osyndaı málimetter keltiredi.
Mınıstrlktiń habarlaýynsha, osy kezeńdegi eń aıqyn serpin ósimdik sharýashylyǵynda baıqaldy. Jalpy ónim kólemi 2,1 eseden astam – 2,8 trln teńgeden 5,9 trln teńgege deıin artty. Mal sharýashylyǵynda bul kórsetkish 1,7 esege – 2,3 trln teńgeden 3,8 trln teńgege deıin ósti.
Bul rette qaıta óńdeý sektory da nyǵaıyp kele jatqanyn aıta ketý kerek. Azyq-túlik óndirisi 2,4 esege – 1,7 trln teńgeden 4 trln teńgege, sýsyndar óndirisi 2,5 esege – 398 mlrd teńgeden 1 trln teńgege deıin ósti. Qaıta óńdeýdi damytý otandyq shıkizattyń qosymsha qunyn arttyrýǵa, ónim assortımentin keńeıtýge jáne el ishinde qosymsha óndiristik tizbekterdi qurýǵa múmkindik beredi.
Osy rette Qazaqstannyń syrtqy naryqtardaǵy pozıtsııalary nyǵaıyp kele jatqanyn aıta ketý kerek.
-Aýyl sharýashylyǵy ónimderiniń eksporty 2,1 eseden astam – 3,3 mlrd dollardan 7 mlrd dollarǵa deıin ósken. Eksporttyq áleýetti odan ári keńeıtý ónim sapasyn arttyrýmen, óńdeý qýattaryn damytýmen jáne jańa satý naryqtaryna shyǵýmen baılanysty,-delingen habarlamada.
Osyǵan deıin Qazaqstannyń maı ónimderi eksportyn 1,5 mlrd dollarǵa jetkizýdi kózdep otyrǵany týraly jazdyq.
