Elimizde azamattyǵy joq qansha adam bar

ASTANA. KAZINFORM – Qazaqstanda qazirgi ýaqytta shamamen 7 myń azamattyǵy joq adam tirkelgen. Bul týraly Іshki ister mınıstrligi Kazinform agenttiginiń saýalyna jaýap berdi.

Zańnamaǵa sáıkes, Qazaqstan Respýblıkasynyń azamaty emes ári basqa memlekettiń azamattyǵyna tıesili ekenin dáleldeı almaıtyn adamdar azamattyǵy joq dep tanylady.

– Qazirgi ýaqytta elimizde azamattyǵy joq 7 myńǵa jýyq adam esepte tur, – dep jazylǵan jaýapta.

Aıta keteıik, «Qazaqstan Respýblıkasynyń azamattyǵy týraly» Zańǵa sáıkes azamattyqtan aıyrý tek erekshe jaǵdaılarda júzege asyrylady.

– Terrorıstik qylmystardy, sondaı-aq Qazaqstan Respýblıkasynyń ómirlik mańyzy bar múddelerine ózge de aýyr zııan keltirgen qylmystardy jasaǵany úshin ǵana sottyń sheshimimen azamattyqtan aıyrýǵa jol beriledi, – dep kórsetilgen atalǵan zańda.

Alaıda vedomstvo jaýabynda tirkeýdegi adamdar týraly málimetter keltirilmegen, ıaǵnı olardyń qandaı sebeptermen azamattyqtan aıyrylǵany naqtylanbaǵan.

«Qazaqstan Respýblıkasynyń azamattyǵy týraly» Zańnyń 14-babyna sáıkes, azamattyqtan aıyrylǵan tulǵalar azamattyǵy joq adam mártebesin alyp, tıisti qujat rásimdeı alady. Al Qazaqstan aýmaǵynda turaqty turatyn azamattyǵy joq adamdardyń elimizde týǵan balalary Qazaqstan Respýblıkasynyń azamaty bolyp tanylady.

Eske sala keteıik, Qazaqstannyń jańa Konstıtýtsııa jobasynda azamattyq máselesine qatysty talaptar kúsheıtildi. Endi «basqa eldiń azamattyǵy tanylmaıdy» degen bulyńǵyr uǵymnyń ornyna, «tyıym salynady» degen qatań norma keledi.

Sonymen qatar byltyr Qazaqstandaǵy halyq sany 195 480 adamǵa ósken.

Búgingideı sanaq, baza, tsıfr joq zamanda qazaqtar halyq sanyn qalaı bilgen? Kóshpeli qoǵamda «statıstıka» degen uǵym bolmaǵanymen, el óz sanyn shamalap bolsa da esepteı alǵan. Bul júıe qalaı jumys istegenin jazǵan bolatynbyz.