Elimizde áıelderdiń kóbi qaı salada jumys isteıdi?

ASTANA. KAZINFORM - Elimizde túrli salada 4 370 715 áıel  jumys isteıdi. Bul jumyspen qamtylǵan halyqtyń jalpy sanynyń 48,3%-y. 3,4 mln áıel jaldanyp jumys istese, 940 myń áıel ózin-ózi jumyspen qamtyǵan.

Ulttyq statıstıka bıýrosynyń málimetinshe, salalar bólinisinde áıelderdiń basym bóligi bilim berý salasynda jumys isteıdi. Bul barlyq jumyspen qamtylǵan áıeldiń 20%-y.

Kóterme jáne bólshek saýdada – 19,6%, aýyl sharýashylyǵynda – 9,7%, densaýlyq saqtaý jáne halyqqa áleýmettik qyzmet kórsetý salasynda 9,6%, ónerkásipte jumys isteıtin áıelderdiń 7,8%-y eńbek etedi.

Áıelderdiń eń az sany aqparat jáne baılanys salasynda tirkelip otyr. Naqtyraq aıtqanda, bul barlyq jumyspen qamtylǵan qyz-kelinshekterdiń 1,6%-y.