Elimizde avtokólikpen júk tasymaly qanshalyqty ósti

ASTANA. KAZINFORM – 2024 jyly avtokólikpen qansha júk tasymaldandy? Bul suraqqa QR Kólik mınıstrligi jaýap berdi.

Дальнобойщики грузовые авто Жүк көліктері трасса дорога тас жол
Фото: Александр Павский/ Kazinform

- 2024 jylǵy 9 aıdyń qorytyndysy boıynsha avtomobıl kóligimen eksporttyq-ımporttyq qarym-qatynasta 22,9 mlrd AQSh dollary somasyna 6,6 mln tonna júk tasymaldandy. Jalpy, 2024 jyldyń qorytyndysy boıynsha statıstıkalyq málimetter bıylǵy aqpan aıynda daıyn bolady, - delingen mınıstrliktiń Kazinform agenttigine bergen jaýabynda.

Sonymen qatar vedomstvo Qytaıdan Eýropaǵa baratyn júkterdiń el aýmaǵy arqyly tranzıtine qatysty túsinik berdi.

- 2024 jylǵy 9 aıda Qytaıdan Eýropa baǵytynda Qazaqstan aýmaǵy arqyly avtomobıl kóligimen tranzıttik tasymaldar 262 myń tonnany qurap, 2023 jylmen salystyrǵanda (106,1 myń tonna) 2,5 ese ósti jáne bul kórsetkishtiń odan ári ósedi, - dep atalyp ótken Kólik mınıstrligi aqparatynda.

Eske salsaq, 2023 jyly 9 aıda avtokólikpen 5,5 mln tonna júk tasymaldanǵan edi.

 

Сейчас читают