Elimizde avtokólik arzandady ma
ASTANA. KAZINFORM — QR Ónerkásip jáne qurylys mınıstri Ersaıyn Naǵaspaev Úkimet otyrysynan keıingi brıfıngte Qazaqstanda óndirilgen avtokólikterdiń baǵasy tómendegenin málimdedi.
— Avtokólik baǵasy tómendep keledi. Bul — jaqsy úrdis. Qolymda statıstıka bar. Qazaqstanda óndirilgen avtokólikter baǵasynyń ózgerý dınamıkasyn taldadyq. 2025 jyldyń qorytyndysy boıynsha olardyń baǵasy shamamen 5% tómendedi, — dedi Ersaıyn Naǵaspaev Úkimettegi brıfıng barysynda.
Sonymen qatar, mınıstrdiń aıtýynsha, shetelde óndirilgen avtokólikterdiń baǵasy, kerisinshe, azdap ósken.
Aıta keteıik, buǵan deıin byltyr elimizde 171 400 avtokólik shyǵarylǵanyn jazǵanbyz.
