Elimizde aýyl sharýashylyǵy ónimin qaıta óńdeý úlesi jyl sońyna deıin 70%-ǵa jetedi
ASTANA. KAZINFORM – Premer-mınıstrdiń orynbasary – Ulttyq ekonomıka mınıstri Serik Jumanǵarınniń tóraǵalyǵymen ótken Ekonomıkalyq ósýdi qamtamasyz etý jónindegi jedel shtabtyń kezekti otyrysynda óńdeý ónerkásibiniń jekelegen sektorlaryn damytýdyń aldyn ala nátıjeleri qaraldy.
Bıylǵy eki aıda azyq-túlik jáne sýsyndar óndirisinde joǵary ósý qarqyny baıqalady. Azyq-túlik óndirisiniń kólemi 665 mlrd teńge, naqty kólem ındeksi (NKI) – jospardaǵy 104,3%-da – 111,9%.
Birinshi toqsanǵa boljam – 112%. Sýsyndar óndirisi 175,4 mlrd teńgege jetti, NKI – 104,2%, josparda 110,2%. Qańtar-naýryz aılaryna jospar – 110,3%.
Salystyrý úshin: ótken jyldyń qorytyndysy boıynsha Qazaqstanda 1,2 trln teńgege sýsyndar óndirildi.
Aýyl sharýashylyǵy vıtse-mınıstri Azat Sultanov atap ótkendeı, tamaq ónerkásibi turaqty damý serpinin kórsetip otyr. 2025 jyldyń qorytyndysy boıynsha tamaq ónimin óndirý kólemi 3,9 trln teńge. Bul 2024 jylǵy deńgeıden 8,1%-ǵa joǵary (3,3 trln teńge). 2026 jyly bul kórsetkishti 4,7 trln teńgege deıin jetkizý josparlanyp otyr.
Aıta keteıik, Qazaqstannyń aýyl sharýashylyǵy óniminiń Qytaıǵa eksporty 35% artty.
Aýyl sharýashylyǵy ónimin eksporttyq tasymaldaýǵa sýbsıdııalar berý qaǵıdasy engiziledi.
