Elimizde aýyl sharýashylyǵy eńbekkerleriniń ekinshi forýmy ótedi

ASTANA. KAZINFORM — Astanada ótetin forým bıyl qarasha aıyna josparlanǵan, dep habarlaıdy Aqordanyń baspasóz qyzmeti.

Aqmola oblysyna jumys saparymen barǵan Prezıdent óńirdegi aýyl sharýashylyǵy kásiporyndarynyń jetekshilerimen salanyń jaı-kúıi, sharýalardyń jetistikteri, sondaı-aq qordalanǵan máseleleri jóninde áńgimelesti.

Sóz arasynda Memleket basshysy bıyl qarasha aıynda Aýyl sharýashylyǵy eńbekkerleriniń ekinshi forýmy ótetinin aıtty. 

— Onda agroónerkásip keshenin damytý jáne memlekettik qoldaý máseleleri qarastyrylady, — dedi Prezıdent Toqaev.

Eske salsaq, budan buryn Memleket basshysy Aqmola oblysyndaǵy egin jınaý naýqanymen tanysqanyn jazǵan edik. Prezıdentke bıyl óńirdegi egis alqabynyń kólemi 300 myń gektarǵa ulǵaıyp, 5,5 mıllıon gektarǵa jetkeni baıandaldy.