Elimizde aýasy lastanǵan qalalar sany azaımaı tur
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 20 qarashada Kókshetaý, Pavlodar, Astana, Almaty, Jezqazǵan, Temirtaý, Qaraǵandy, Taldyqorǵan, Óskemen jáne Rıdder qalalarynda atmosferada lastaýshy zattardyń jınalýyna qolaıly meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Soltústik Qazaqstan oblysynda ekologııalyq talaptardy oryndamaǵan 16 sýbekt ákimshilik jaýapkershilikke tartyldy.
Al Qaraǵandy oblysynda aýaǵa 293,7 myń tonna zııandy zat tarady.
Sondaı-aq Atyraýda 31,8 myń gektar jerden kóterilgen shań qalaǵa qaýip tóndirip otyr.