Búgin elimizde segiz qalanyń aýa sapasy nasharlaıdy – Qazgıdromet
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 11 qyrkúıekte Almaty, Óskemen qalalarynda, túnde Aqtóbe, Qaraǵandy, Jezqazǵan, Balqash, Temirtaý, Atyraý qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, ekojúıelerdi qalpyna keltirý, parnıktik gazdardyń sińirilýin ulǵaıtý, kómirtek birlikterin qalyptastyrý maqsatynda elimiz 100 myń gektar jasandy orman qurý jobasyn bastaıdy.
9 qyrkúıek kúni Óskemende aýaǵa taraǵan úsh zııandy zattyń mólsheri shekti deńgeıden asyp ketkeni belgili boldy.
Al keshe Qaraǵandyda 7 gektar jer órtenip, qalaǵa tútin jaıyldy.
Jalpy, aǵashtardyń qalany qalaı qorǵaıtynyn, ıaǵnı jasyl jelektiń bes paıdasyn myna jerden oqı alasyz.
