Elimizde aýa sapasy nasharlaıtyn qalalardyń sany búgin de azaımaı tur
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 7 qyrkúıekte Pavlodar, Almaty qalalarynda, túnde Qaraǵandy, Jezqazǵan, Balqash, Temirtaý, Óskemen, Semeı, Atyraý jáne Astana qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, ekojúıelerdi qalpyna keltirý, parnıktik gazdardyń sińirilýin ulǵaıtý, kómirtek birlikterin qalyptastyrý maqsatynda elimiz 100 myń gektar jasandy orman qurý jobasyn bastaıdy.
Sondaı-aq elimizde aýa sapasy nasharlaıtyn qalalardyń qatary kóbeıgenin jazdyq.
Al aǵashtardyń qalany qalaı qorǵaıtynyn, ıaǵnı jasyl jelektiń bes paıdasyn myna jerden oqı alasyz.
