Elimizde aýa sapasy nasharlaıtyn qalalardyń qatary kóbeıdi
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
6 qyrkúıekte Astana, Almaty, Temirtaý, Qaraǵandy, túnde Jezqazǵan, Óskemen, Semeı, Aqtóbe, Atyraý qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, ekojúıelerdi qalpyna keltirý, parnıktik gazdardyń sińirilýin ulǵaıtý, kómirtek birlikterin qalyptastyrý maqsatynda elimiz 100 myń gektar jasandy orman qurý jobasyn bastaıdy.
Al jýyrda Almatyda tekserilgen ár tórtinshi kólik ekologııalyq normaǵa sáıkes kelmeıtini anyqtaldy.
Sondaı-aq Qaraǵandyda Topar MAES-ine 8 mln teńgeden astam aıyppul salynǵanyn jazdyq.
