Elimizde aýa sapasy nasharlaıtyn qalalar qatary qaıta kóbeıip keledi
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 13 qarashada Pavlodar, Qaraǵandy, Jezqazǵan, Balqash, Temirtaý, Almaty jáne Astana qalalarynda atmosferada lastaýshy zattardyń jınalýyna qolaıly meteorologııalyq jaǵdaılar kútiledi, – delingen habarlamada.
Buǵan deıin Ekibastuzda ekologııalyq talaptardy buzǵan kásiporyn 70 mln teńgege jýyq aıyppul tólegen bolatyn.
Sondaı-aq Soltústik Qazaqstan oblysynda ekologııalyq talaptardy oryndamaǵan 16 sýbekt ákimshilik jaýapkershilikke tartyldy.
Aıta keteıik, Qaraǵandy oblysynda aýaǵa 293,7 myń tonna zııandy zat taraǵan. Qazir aımaqta ekologııalyq ahýal kúrdeli.
