Elimizde áskerı oqý oryndaryna túsý qaǵıdalary ózgerdi

ASTANA. KAZINFORM – Qorǵanys mınıstrliginiń jańa qaǵıdasy bıyl 18 sáýirden bastap kúshine enedi. 

Talapkerler ótinishti áskerı kolledjderdegi qabyldaý komıssııalaryna tapsyrady nemese elektrondyq úkimet portaly (egov.kz) arqyly jeke ETsQ-men nemese uıaly baılanys operatory usynǵan abonenttik nómirdi portaldaǵy jeke kabınetke tirkegen jáne qosqan jaǵdaıda bir rettik qupııasózben rastap, qujattar paketin tirkeıdi.

Qujattar tizimi:

— Erkin nysandaǵy ótinish nemese raport (tegi, aty-jóni, týǵan kúni, turǵylyqty mekenjaıy, zańdy ókilderiniń baılanys derekteri kórsetiledi);

— Jeke kýálik (túpnusqa tekserý úshin) nemese tsıfrlyq qujattar servısinen elektrondy nusqasy; 16 jasqa tolmaǵandar úshin týý týraly kýáliktiń kóshirmesi (túpnusqa tekserý úshin);

— Áskerı bılet kóshirmesi (tek áskerı qyzmetshiler men qordaǵy áskerı qyzmetshiler úshin, túpnusqa);

— Jalpy orta nemese tehnıkalyq jáne kásiptik bilim týraly attestat/dıplom (túpnusqa jáne kóshirme); áskerı kolledjge negizgi orta bilim negizinde túsetinder úshin negizgi orta bilim týraly kýálik;

— UBT sertıfıkaty (áskerı kolledjge túsetinder men merzimdi áskerı qyzmetin ótkerip, konkýrstan ótkenderden basqa); keminde 50 ball, onyń ishinde beıindik pán boıynsha — keminde 7 ball, basqa pánderden — keminde 3 ball;

— 075/ý nysanyndaǵy medıtsınalyq anyqtama jáne kelesi zertteýler (oqý ornyna kelgenge deıingi sońǵy 30 kún ishinde alynǵan):

— jalpy qan taldaýy;

— sıfılıske mıkroreaktsııa;

— jalpy zár taldaýy;

— muryn qýysynyń rentgenografııasy;

— 12 arnaly EKG (tynyshtyqta; qajet bolsa júktememen);

— keýde qýysyn flıýorografııa (úsh aıdan keshiktirilmeı);

— brýtsellezge qan taldaýy (mal ustaıtyndarǵa);

— ambýlatorııalyq naýqas kartasy;

— ekpe kartasy.

Ushý mamandyǵyna túsetin talapkerler qosymsha:

— Júktemeden keıingi EKG;

— Qalqansha bezi, júrek, nesep-jynys júıesi ÝDZ;

— Qandaǵy qant, V jáne S gepatıt markerleri;

— Tonaldy aýdıometrııa;

— Elektroentsefalografııa.

Qosymsha qujattar (bar bolsa):

Sporttyq razrıad, respýblıkalyq nemese halyqaralyq jarystardaǵy júldeli oryn, bilim olımpıadalaryndaǵy júldeler týraly qujattar (merzimdi qyzmetin ótkerip, konkýrstan ótkenderden basqa);

3×4 ólshemdi 4 fotosýret;

Ata-anasynyń qamqorlyǵynsyz qalǵan balalar (ata-anasynyń qaıtys bolýy, quqyǵynan aıyrylýy, habar-osharsyz ketýi jáne t. b.) tıisti qujattar kóshirmesi (túpnusqamen salystyrý úshin);

Áskerı qyzmette qaza tapqan nemese múgedek bolǵan, iz-túzsiz joǵalǵan áskerı qyzmetshilerdiń balalary — jergilikti áskerı basqarý organynyń anyqtamasy;

Arnaıy tekserýden ótkeni týraly anyqtama (negizgi orta bilim negizinde túsetinderden basqa);

Merzimdi áskerı qyzmet ótkergender — áskerı bólimdegi konkýrstan ótkeni týraly sertıfıkat.

Qosymsha sharttar:

Jalpy orta bilim negizinde túsetinder 10 maýsymǵa deıin jergilikti áskerı basqarý organyna nemese portal arqyly ótinish beredi;

Oqýǵa qabyldanǵandar áskerı kolledj aýmaǵynda turady jáne beıbit ýaqyt normalary boıynsha tamaqpen qamtamasyz etiledi;

Jalpy orta bilim negizinde oqýǵa qabyldanǵandar áskerı qyzmet ótkerý týraly kelisimshart jasasady;

Negizgi orta bilim negizinde oqıtyndar 3-kýrsqa kóshkende kelisimshart jasasady;

Oqýǵa qabyldanǵandar 29 tamyzǵa deıin kolledjge kelýge tıis;

Qujattar tolyq usynylsa — «jeke kabınetke» qabyldanǵany týraly habarlama jiberiledi;

Merzimdi áskerı qyzmet ótkergender oqý jylynda 24 jasqa tolmaǵan bolsa, 10 maýsymǵa deıin ótinish beredi;

Qaıta oqý úshin — erkin nysandaǵy ótinish pen transkrıpt usynylady;

Qujattar tolyq bolmasa nemese merzimi ótip ketse, ótinish qabyldanbaıdy. Portal arqyly ótingen jaǵdaıda — «jeke kabınetke» bas tartý mártebesi jiberiledi. Memlekettik qyzmet kórsetý nátıjesi qaǵaz nemese elektrondy túrde usynylady.

Eske sala ketsek, ótken jyly elimizdiń áskerı oqý oryndarynda jańa mamandyqtar paıda bolatyny aıtylǵan edi.