Elimizde árbir besinshi áıel jatyr moıny qaterli isiginen kóz jumady

ASTANA. KAZINFORM – Elimizde áıelder arasynda kezdesetin jatyr moıny qaterli derti qaterli isik aýrýlary arasynda ekinshi orynda tur. Bul týraly Densaýlyq saqtaý mınıstrliginiń Ulttyq qoǵamdyq densaýlyq saqtaý ortalyǵynyń basqarma tóraǵasy Aıjan Esmaǵambetova málim etti.  

Елімізде әрбір бесінші әйел жатыр мойны қатерлі ісігінен көз жұмады
Фото: Павлодар облысының Санитариялық-эпидемиологиялық бақылау департаменті

— Jatyr moıny qaterli isiginiń deńgeıi álemde de, elimizde de óte joǵary. Bul dert elimizde áıelder arasynda kezdesetin qaterli isikter arasynda ekinshi orynda tur. Álemde jyl saıyn 600 myń adam osy aýrýǵa shaldyǵady. Qazaqstanda orta eseppen jatyr moıny qaterli isigine shaldyqqan shamamen 2 myń naýqas anyqtalady, onyń 600-i qaıtys bolady, ıaǵnı ár besinshi áıel jatyr moıny qaterli isiginen kóz jumady, - dedi Aıjan Esmaǵambetova elordada ótken is-shara barysynda.

Odan ári ulttyq ortalyq basshysy vaktsına mańyzynyń úsh faktoryn atady, ıaǵnı tıimdi, qaýipsiz, ári reprodýktıvti fýnktsııaǵa eshqandaı áser etpeıdi.

— Vaktsınatsııamen qamtý deńgeıi ár óńirde ártúrli. Keıbir aımaqtarda 60%, keıbirinde 70%-ǵa jetken. Degenmen, vaktsınatsııa deńgeıi tómen aımaqtar da bar. Bul Atyraý oblysy, Astana men Almaty qalasy. Sondyqtan megapolısterde halyq arasynda túsindirý jumystaryn kóp júrgizý qajet. Osy oraıda semınarlar serııasyn elordadan bastaýdamyz, - deıdi ol.

Aıta keteıik, búgin elordada Ulttyq qoǵamdyq densaýlyq saqtaý ortalyǵynyń uıytqy bolýymen adam papılloma vırýsyna (APV) qarsy ekpe egý sharasyna arnalǵan konferentsııa ótti. Atalǵan sharaǵa sala mamandary qatysty. 

Buǵan deıin maman adam papılloma vırýsyna qarsy ekpe alý ne úshin mańyzdy ekenin túsindirip berdi. 

Sondaı-aq Qazaqstanda er balalarǵa da adam papılloma vırýsyna qarsy vaktsına egý josparda bary aıtyldy.  

Eske sala keteıik, byltyr qyrkúıekte elimizde jatyr moıny obyrynyń negizgi qozdyrǵyshy — adam papılloma vırýsyna (APV) qarsy qyzdardy jalpy vaktsınalaý bastaldy. Osy oraıda Kazinform agenttiginiń tilshisi Qazaqstanda atalǵan ınfektsııanyń taralý statıstıkasy qandaı, bul vırýs ne úshin qaýipti jáne nege ekpe alý qajet ekenine sholý jasaǵan edi. 

Úkimet adam papıllomasy vırýsyna qarsy vaktsına satyp alýǵa 9,7 mlrd teńgeden astam qarjy bóldi. 

Сейчас читают