Elimizde apta ishinde qandaı kadrlyq ózgeris boldy

Atpanyń alǵashqy kúni Memleket basshysynyń ókimimen Azamat Baqytjanuly Hasenov QR Memlekettik kúzet qyzmeti bastyǵynyń orynbasary – Aıryqsha maqsattaǵy kúshterdiń qolbasshysy laýazymyna taǵaıyndaldy.

Dál osy kúni Aıtqurman Omarbekov Qorǵanys mınıstriniń birinshi orynbasary – QR Qarýly Kúshteri Bas shtabynyń bastyǵy bolyp taǵaıyndaldy.

Ol Reseı Federatsııa Qorǵanys mınıstrliginiń Áskerı ýnıversıtetinde «Moraldyq-psıhologııalyq qamtamasyz etýdi uıymdastyrý» mamandyǵy boıynsha bilim alǵan. Odan bólek Eýrazııa gýmanıtarlyq ınstıtýtynda «ıÝrısprýdentsııa» mamandyǵyn támamdaǵan.

29 jyldyq eńbek jolynda ІІ dárejeli «Aıbyn» ordenimen, ІІ, ІІІ dárejeli «Minsiz qyzmeti úshin», ІІІ dárejeli «Elbasynyń qaýipsizdigin aıbyndy atqarǵany úshin» medaldarymen marapattalǵan.

Osy apthttps://kaz.inform.kz/news/tzhm-apparatinin-basshisi-tagayindaldi-6d5d1e11ada QR Úkimetiniń qaýlysymen Aıdar Tóletaıuly Jarylǵanov Qazaqstan Respýblıkasynyń Ádilet vıtse-mınıstri bolyp taǵaıyndaldy. 

Ol 1978 jyly Abaı oblysy, Semeı qalasynda dúnıege kelgen. «Semeı» memlekettik ýnıversıtetin, «Ádilet» joǵary quqyq mektebin bitirgen.

5 - qazan kúni Tótenshe jaǵdaılar mınıstriniń buıryǵymen Marǵulan Amanbaev mınıstrlik apparatynyń basshysy bolyp taǵaıyndaldy.

Ol 1973 jyly Ulytaý oblysy Jańaarqa aýdanynyń Drýjba aýylynda dúnıege kelgen. Jezqazǵan taý-ken tehnologııalyq ınstıtýtyn jáne QR TJM Kókshetaý tehnıkalyq ınstıtýtyn bitirgen. Tótenshe jaǵdaılar salasynda 26 jyldyq eńbek ótili bar.

Dál osy kúni Otandastar qorynyń prezıdenti taǵaıyndaldy. Bul qyzmetke Dáýrenbek Yrysqalı Raqymuly ornalasty.

Dıplomatııalyq mansabyn 1993 jyly QR Syrtqy ister mınıstrliginiń Konsýldyq basqarmasynyń referenti laýazymynan bastaǵan. Ár jyldary QR SІM Ortalyq apparatynda, sondaı-aq QR Germanııa men Shveıtsarııadaǵy sheteldik mekemelerinde basshylyq laýazymdarda qyzmet atqarǵan.

2020-2021 jyldary QR Omby qalasyndaǵy (Reseı Federatsııasy) Bas konsýly laýazymyn atqarǵan. 2021-2024 jyldary QR Germanııa Federatıvtik Respýblıkasyndaǵy Elshiliginiń Bonn qalasyndaǵy bólimshesiniń keńesshi-ýákili qyzmetin atqarǵan. 2024 jyly jeltoqsannan bastap QRSyrtqy ister mınıstrligi Konsýldyq qyzmet departamenti dırektorynyń orynbasary qyzmetin atqarǵan.

7-qazan kúni Quryltaıdyń eks-depýtaty Tatıana Saveleva Qorǵanys mınıstriniń orynbasary bolyp taǵaıyndaldy. Tıisti ókimge Prezıdent Qasym-Jomart Toqaev qol qoıdy. 

Al Abaı oblysynda bul kúni Tótenshe jaǵdaılar departamentiniń jańa basshysy taǵaıyndaldy. Tótenshe jaǵdaılar mınıstriniń buıryǵymen bul qyzmetke Erkin Otarǵalymuly keldi. 

Ol azamattyq qorǵaý organdaryndaǵy qyzmetin 2002 jyly bastady. Qyzmet jyldarynda memlekettik órt baqylaýy, aqparattyq-taldaý jumysy jáne tótenshe jaǵdaılardyń aldyn alý salalarynda túrli laýazymdardy atqardy.

Qaraǵandy oblysynda oblystyq qurylys basqarmasynyń basshysy aýysty. Bul qyzmetke Maqsat Muqashev keldi.

Memlekettik qyzmette 15 jylǵa jýyq eńbek ótili bar Maqsat Muqashev buǵan deıin ekonomıkalyq damý jáne kólik salalarynda túrli jaýapty qyzmetter atqarǵan. Onyń eńbek jolyndaǵy negizgi kezeńder Qaraǵandy oblysynyń ákimdigi júıesindegi jumyspen jáne óńirlik kólik ınfraqurylymyna jetekshilik etýmen baılanysty. Taǵaıyndaý Qazaqstan Respýblıkasy Memlekettik qyzmet isteri agenttigimen kelisildi.

5-qazan kúni Aqmola oblysynyń ákimi ókimimen Ashat Ahmedıanov Arshaly aýdanynyń ákimi bolyp taǵaıyndaldy. Eńbek jolyn Atbasar aýdanynyń Novoaleksandrov aýyldyq okrýgi ákimi apparatynyń bas mamany bolyp bastaǵan. 

Ár jyldary Atbasar aýdanynyń Bastaý aýyldyq okrýgi ákimi apparatynyń bas mamany, Pokrov jáne Makeev aýyldyq okrýgteriniń ákimi, aýdandyq kásipkerlik bóliminiń basshysy qyzmetterin atqarǵan.

2023–2026 jyldary Zerendi aýdany ákiminiń orynbasary boldy. Al 2026 jylǵy aqpannan Aqmola oblysynyń kásipkerlik jáne ónerkásip basqarmasyn basqardy.

Pavlodar oblysynda Qadısha Begotaeva oblystyq ekonomıka jáne bıýdjettik josparlaý basqarmasynyń basshysy bolyp taǵaıyndaldy. 

Ol 1969 jyly dúnıege kelgen. 1990 jyly Qaraǵandy kooperatıvtik ınstıtýtyn támamdaǵan soń eńbek jolyn Jelezın aýdandyq tutynýshylar odaǵynda bas býhgalter, keıin bas býhgalterdiń orynbasary qyzmetterinen bastaǵan.

Soltústik Qazaqstan oblysynda Mádenıet, tilderdi damytý jáne arhıv isi basqarmasyna jańa basshy keldi. Bul qyzmetke Janat Seksenbaev ornalasty. 

Ol eńbek jolyn Qazaq ulttyq mýzyka akademııasynda bastaǵan. Ár jyldary «Degdar» gýmanıtarlyq qorynyń bas koordınatory, Astana ulttyq kartınalar galereıasy, Beıbitshilik jáne kelisim saraıynda kontserttik qyzmettiń basshysy bolyp eńbek etti.

Sondaı-aq QR Mádenıet jáne sport mınıstrliginiń R.Baǵlanova atyndaǵy «Qazaqkontsert» memlekettik kontserttik uıymynda arnaıy jobalardy uıymdastyrý jáne kontsert bóliminiń basshysy, dırektordyń orynbasary qyzmetterin atqardy. E.Rahmadıev atyndaǵy Memlekettik akademııalyq fılarmonııasy bas dırektorynyń orynbasary boldy.

6-shy qazan, ıaǵnı sársenbi Shyǵys Qazaqstan oblysy Altaı aýdanynyń ákimi bolyp Erkin Turarov taǵaıyndaldy. 

Jalpy eńbek ótili – 18 jyl, onyń ishinde memlekettik qyzmettegi ótili 15 jyldy quraıdy. Eńbek jolyn «Promstroı» JShS jobalaý tobynda sáýletshi taǵylymdamashy bolyp bastaǵan.

Dál osy kúni Qaraǵandy oblysynda TJD bastyǵy taǵaıyndaldy. Bul qymetke Tótenshe jaǵdaılar mınıstriniń buıryǵymen Manarbek Qaıyrgeldiuly Shapaǵatov keldi. 

Manarbek Shapaǵatov azamattyq qorǵaý organdarynda 1992 jyldan bastap qyzmet atqarady. Qyzmet jyldary memlekettik órt baqylaý jáne qadaǵalaý, órtke qarsy qyzmet salalarynda túrli laýazymdarda eńbek etken.

Pavlodar oblysy Dene shynyqtyrý jáne sport basqarmasynda da jańa basshy. 

Serik Abdollauly Halelov 1974 jyly týǵan. Eki joǵary bilimi bar. Eńbek jolyn 1991 jyly bastaǵan.

Ár jyldary Shyǵys Qazaqstan oblysynyń balalar men jasóspirimder sport mektebinde jattyqtyrýshy-oqytýshy, Olımpıadalyq rezervti daıarlaý ortalyǵynyń basshysy, oblystyq týrızm, dene shynyqtyrý jáne sport basqarmasy basshysynyń orynbasary qyzmetterin atqarǵan.

Al 2026 jylǵy mamyrdan bastap QR Týrızm jáne sport mınıstrligi Sport jáne dene shynyqtyrý isteri komıtetiniń «Astana» olımpıadalyq daıarlaý ortalyǵynda sport ádiskeri boldy.

7-qazan kúni Aqmola oblysy Astrahan aýdanynyń ákimi bolyp Bergen Jumkeı taǵaıyndaldy. 

Eńbek jolynda Kókshetaý qalasyndaǵy «HQKO» MM fılıalynyń ınspektory, Shortandy aýdany ákiminiń apparaty uıymdastyrý-baqylaý bóliminiń bas mamany, Shortandy kentiniń ákimi, aýdandyq ishki saıasat, mádenıet jáne tilderdi damytý, jumyspen qamtý jáne áleýmettik baǵdarlamalar bólimderiniń basshysy qyzmetterin atqarǵan.

2018 jyly Aqmola oblysynyń ishki saıasat basqarmasy basshysynyń orynbasary boldy. Keıin Shortandy aýdany ákiminiń apparatyna basshylyq etken. Al 2021 jylǵy tamyzdan bastap Astrahan aýdanynyń ákimi bolyp taǵaıyndalǵanǵa deıin Qosshy qalasy ákiminiń orynbasary bolǵan.

8-qazan kúni Atyraý oblysy Qurmanǵazy aýdanyna jańa ákim taǵaıyndaldy. Bul qyzmetke Nursultan Bısembıev keldi. 

Nursultan Bısembıev esepshi-aýdıtor jáne ekonomıst mamandyqtary boıynsha bilim alǵan. Oblys ákimdigi taratqan aqparatqa súıensek, jańa ákimge halyqty jumyspen qamtý, ınjenerlik ınfraqurylymdy jańǵyrtý, jylý berý naýqanyna daıyndyq, aýyl sharýashylyǵy men balyq sharýashylyǵyn damytý syndy mindetter júkteldi.

9-shy qazan kúni Soltústik Qazaqstan oblysy boıynsha Іshki memlekettik aýdıt departamentiniń jańa basshysy taǵaıyndaldy. QR Qarjy mınıstrligi Іshki memlekettik aýdıt komıteti tóraǵasynyń buıryǵymen bul qyzmetke Sáken Qasymov keldi. 

Sáken Qasymov 1980 jyly Qyzylorda oblysynda týylǵan. Qazaq memlekettik basqarý akademııasyn, M.Ótemisov atyndaǵy Batys Qazaqstan ýnıversıtetin bitirgen, esepshi-ekonomıst, zańger.

Eńbek jolyn 2004 jyly Almaty qalasynyń qazynashylyq basqarmasynda jetekshi maman - jetekshi qazynashysynyń mindetin atqarýshy bolyp bastaǵan.

Al apta sońynda, ıaǵnı 10-shy qazan kúni Qarýly Kúshterdiń Arnaıy operatsııalar kúshteriniń qolbasshysy taǵaıyndaldy. Memleket basshysynyń ókimimen bul qyzmetke Saıat Isanov ornalasty.

Aıta keteıik, buǵan deıin ótken aptadaǵy kadrlyq taǵaıyndaýlar týraly jazǵanbyz.