Elimizde apta ishinde qandaı kadrlyq ózgeris boldy

Aptanyń alǵashqy kúni Abaı oblysy týrızm basqarmasynyń basshysy laýazymyna Qýanysh Ábildaev taǵaıyndaldy.

Qýanysh Ábildaıuly 1989 jyly Qyzylorda oblysynda dúnıege kelgen.
2011 jyly Qazaq gýmanıtarlyq-zań ýnıversıtetin «Quqyqtaný» mamandyǵy boıynsha, 2014 jyly Qorqyt Ata atyndaǵy Qyzylorda memlekettik ýnıversıtetin «Ekonomıka» mamandyǵy boıynsha, 2024 jyly Qazaqstan Respýblıkasy Prezıdentiniń janyndaǵy Memlekettik basqarý akademııasynyń magıstratýrasyn «Memlekettik saıasat» mamandyǵy boıynsha bitirgen.

Eńbek jolyn 2009 jyly Qyzylorda oblysy Jalaǵash aýdandyq sotynda bastaǵan. 2011-2016 jyldary sot aktilerin oryndaý jáne memlekettik qyzmet salalarynda túrli laýazymdar atqarǵan. 2016-2019 jyldary Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń memlekettik qyzmet salasyndaǵy baqylaý basqarmasynyń basshysy, Qyzylorda oblysy ishki saıasat basqarmasy basshysynyń orynbasary qyzmetterin atqarǵan.

2025 jylǵy naýryzdan 2026 jylǵy sáýirge deıin Semeı qalasy ákiminiń orynbasary bolyp jumys istegen. Sondaı-aq Abaı oblysynyń Bala quqyqtaryn qorǵaý basqarmasynyń basshysy mindetin atqarǵan.

2026 jylǵy tamyzdan bastap osy ýaqytqa deıin Abaı oblysy Týrızm basqarmasynyń týrızmdi damytý bóliminiń basshysy qyzmetin atqardy.

Abaı oblysy sý resýrstary jáne ırrıgatsııa basqarmasynyń basshysy laýazymyna Ashat Smaılov taǵaıyndaldy.

Ashat Saıdahmetuly 1968 jyly 1 naýryzda Semeı oblysy Aqsýat aýdany Qyzyl-Kesik aýylynda dúnıege kelgen. Qaraǵandy memlekettik ýnıversıtetin «Býhgalterlik esep» mamandyǵy boıynsha bitirgen.

Eńbek jolyn 1991 jyly Aqsýat aýdandyq qarjy bóliminde kiristerdiń túsýin boljaý jáne ekonomıkalyq taldaý boıynsha aǵa ekonomıst retinde bastady. 

1997-2002 jyldary Tarbaǵataı aýdany qarjy bólimi meńgerýshisiniń orynbasary, 2002-2005 jyldary Tarbaǵataı aýdandyq ekonomıka bóliminiń basshysy, 2005-2007 jyldary Tarbaǵataı aýdany ákiminiń orynbasary qyzmetterin atqardy.

2007-2009 jyldary Tarbaǵataı aýdandyq qarjy bóliminiń, ekonomıka jáne bıýdjettik josparlaý bóliminiń bastyǵy, Kókjyra aýylynyń ákimi, 2009-2010 jyldary Tarbaǵataı aýdany ákimi apparatynyń basshysy, 2010-2018 jyldary Tarbaǵataı aýdany ákiminiń orynbasary boldy. 

2018-2020 jyldary Kókpekti aýdanynyń ákimi, 2020-2022 jyldary Tarbaǵataı aýdanynyń ákimi laýazymdarynda eńbek etti. 

2022-2024 jyldary Abaı oblysy Aqsýat aýdanynyń ákimi, 2024-2025 jyldary Abaı oblysy qarjy basqarmasynyń basshysy bolyp jumys istedi. 

2025 jyldyń aqpan aıynan osy ýaqytqa deıin Abaı oblysy ákiminiń keńesshisi qyzmetin atqarǵan.

Erlan Gomarov Temirtaý qalasy ákiminiń orynbasary qyzmetine taǵaıyndaldy. Buǵan deıin ol qala ákiminiń apparatyn basqarǵan, sondaı-aq jer qatynastary bóliminiń basshysy bolǵan.

Erlan Gomarov 1990 jylǵy 23 naýryzda Temirtaý qalasynda dúnıege kelgen. 2011 jyly akademık E. A. Bóketov atyndaǵy Qaraǵandy memlekettik ýnıversıtetin «Halyqaralyq quqyq» mamandyǵy boıynsha támamdap, quqyq bakalavry dárejesin alǵan.

Eńbek jolyn 2012 jyly Temirtaý qalasynyń jer qatynastary bóliminde bastaǵan. Ár jyldary osy bólimde jáne qala ákiminiń apparatynda bas maman, bas maman-zańger, memlekettik-quqyqtyq bólimniń basshysy qyzmetterin atqarǵan.

2021–2025 jyldary Temirtaý qalasynyń jer qatynastary bólimin basqardy. 2025 jylǵy qyrkúıekten 2026 jylǵy qazanǵa deıin qala ákiminiń apparat basshysy boldy.

Abaı oblysy balalar quqyqtaryn qorǵaý basqarmasynyń basshysy bolyp Aıjan Muqatova taǵaıyndaldy.

Aıjan Dáýitbekqyzy 1998 jyly Almatydaǵy Abylaı han atyndaǵy Qazaq memlekettik halyqaralyq qatynastar jáne álem tilderi ýnıversıtetin «aǵylshyn tili muǵalimi» mamandyǵy boıynsha bitirgen.

Eńbek jolyn 1998 jyly Semeıdegi Muhtar Áýezov atyndaǵy pedagogıkalyq kolledjde aǵylshyn tili muǵalimi bolyp bastaǵan.

2007-2017 jyldary atalǵan kolledjdiń aǵylshyn tili bóliminiń meńgerýshisi, 2017-2025 jyldary Semeı qalasyndaǵy fızıka-matematıkalyq baǵyttaǵy Nazarbaev Zııatkerlik mektebiniń joǵary sanatty pedagogi boldy. Osy mekteptiń KIVA baǵdarlamasynyń múshesi, býllıng jáne kıberbýllıng boıynsha jumys tájirıbesi bar.

Osy taǵaıyndaýǵa deıin Semeı medıtsınalyq kolledji dırektorynyń strategııalyq damytý jónindegi orynbasary qyzmetin atqardy.

Memleket basshysynyń jarlyǵy boıynsha Ermek Kósherbaev Qazaqstan Respýblıkasynyń Aýstrııa Respýblıkasyndaǵy Tótenshe jáne ókiletti elshisi, Qazaqstan Respýblıkasynyń Vena qalasyndaǵy halyqaralyq uıymdar janyndaǵy Turaqty ókili laýazymyna taǵaıyndaldy.

Qazaq KSR Syrtqy ister mınıstrliginiń qupııa qujattardy basqarý jónindegi aǵa ınspektory (08.1988-09.1988 jj)
Qazaq KSR Syrtqy ister mınıstriniń kómekshisi (09.1988-10.1989 jj)
Qazaq KSR Syrtqy ister mınıstrliginiń baspasóz jáne aqparat bóliminiń birinshi hatshysy (11.1989-06.1990 jj)
Qazaq KSR Syrtqy ister mınıstrliginiń konsýldyq bóliminiń birinshi hatshysy (06.1990-09.1991 jj)
Qazaqstan Respýblıkasy Syrtqy ister mınıstrliginiń Azııa elderi basqarmasynyń birinshi hatshysy (05.1993-08.1993 jj)
Qazaqstan Respýblıkasy Syrtqy ister mınıstrliginiń Memlekettik protokol basqarmasynyń birinshi hatshysy (08.1993-12.1993 jj)
Qazaqstan Respýblıkasy Syrtqy ister mınıstrliginiń Memlekettik protokol basqarmasy bóliminiń meńgerýshisi (12.1993-06.1994 jj)
Qazaqstan Respýblıkasy Prezıdenti Apparatynyń halyqaralyq bóliminiń keńesshisi (06.1994-01.1996 jj)
Qazaqstan Respýblıkasy Prezıdentiniń Protokol qyzmeti basshysynyń mindetin atqarýshy (01.1996-04.1996 jj)
Qazaqstan Respýblıkasynyń Shveıtsarııa Konfederatsııasyndaǵy Elshiliginiń birinshi hatshysy, Bern qalasy (04.1996-08.1997 jj)
Almaty qalasyndaǵy kópjaqty yntymaqtastyq departamentiniń Azııalyq qaýipsizdik bólimi bastyǵy (08.1997-10.1997 jj)
Qazaqstan Respýblıkasy Premer-Mınıstriniń kómekshisi (10.1997-11.1999 jj)
«Nursultan Nazarbaev Bilim qory» qoǵamdyq qorynyń kommertsııalyq jáne jalpy máseleler jónindegi dırektor orynbasary (01.2000-05.2000 jj)
«Nursultan Nazarbaev Bilim qory» qoǵamdyq qorynyń birinshi dırektor orynbasary (05.2000-10.2000 jj)
«QazTransOıl» munaı tasymaldaý ulttyq kompanııasynyń baspasóz qyzmetiniń jetekshisi (10.2000-01.2001 jj)
«QazTransOıl» munaı tasymaldaý ulttyq kompanııasy prezıdentiniń apparat jetekshisi (01.2001-06.2001 jj)
«Munaı jáne gaz tasymaly» ulttyq kompanııasynyń apparat jetekshisi (06.2001-03.2002 jj)
«QazMunaıGaz» ulttyq kompanııasy prezıdentiniń apparat jetekshisi (03.2002-01.2003 jj)
«QazMunaıGaz» ulttyq kompanııasynyń birinshi vıtse-prezıdentiniń keńesshisi (01.2003-03.2003 jj)
«QazMunaıGaz» ulttyq kompanııasy prezıdentiniń apparat jetekshisi (03.2003-12.2003 jj)
«Raýan Medıa Grýpp» AQ bas dırektory (12.2003-05.2004 jj)
«Otan» respýblıkalyq saıası partııasy ortalyq apparatynyń birinshi jetekshisiniń orynbasary (05.2004-08.2004 jj)
«QazMunaıGaz» ulttyq kompanııasy prezıdentiniń apparat jetekshisi (08.2004-04.2005 jj)
«Atameken» kásipkerler jáne jumys berýshiler ulttyq odaǵy» zańdy tulǵalar birlestiginiń birinshi atqarýshy dırektory (04.2005-05.2006 jj)
«Otan» respýblıkalyq saıası partııasynyń ortalyq apparatynyń jetekshisi (05.2006-02.2007 jj)
«Búrkit» qarjy-ónerkásip toby» JShS dırektory, Astana qalasy (02.2007-07.2007 jj)
Qazaqstan munaı-gaz jáne energetıka kesheni uıymdary qaýymdastyǵy «KazEnergy» atqarýshy dırektory, Astana qalasy (11.2007-04.2008 jj)
«Raýan Medıa Grýpp» AQ bas prodıýseri, Astana qalasy (04.2008-05.2008 jj)
«Raýan Medıa Grýpp» AQ bas dırektory, Astana qalasy (05.2008-02.2009 jj)
«Ertis» áleýmettik-kásipkerlik korporatsııasy» ulttyq kompanııasy basqarma tóraǵasy, Semeı qalasy (02.2009-07.2010 jj)
Shyǵys Qazaqstan oblysy ákiminiń orynbasary mindetin atqarýshy (07.2010-09.2010 jj)
Shyǵys Qazaqstan oblysy ákiminiń orynbasary (09.2010-10.2012 jj)
Shyǵys Qazaqstan oblysy ákiminiń birinshi orynbasary (10.2012-12.2014 jj)
Qazaqstan Respýblıkasy Aýyl sharýashylyǵy vıtse-mınıstri (12.2014-10.2016 jj)
Qazaqstan Respýblıkasy Aýyl sharýashylyǵy mınıstrliginiń jaýapty hatshysy (10.2016-05.2018 jj)
Qazaqstan Respýblıkasy Syrtqy ister mınıstrliginiń jaýapty hatshysy (05.2018-01.2019 jj)
Qazaqstan Respýblıkasy Syrtqy ister mınıstriniń orynbasary (01.2019-01.2020 jj)
Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi (01.2020-16.06.2023 jj)
Shyǵys Qazaqstan oblysynyń ákimi (16.06.2023-14.02.2025)
Qazaqstan Respýblıkasy Premer-Mınıstriniń orynbasary (14.02.2025 - 26.09.2025)
Qazaqstan Respýblıkasynyń Syrtqy ister mınıstri (26.09.2025 bastap)
Bilimi
Kırov atyndaǵy Qazaq memlekettik ýnıversıteti (1982-1988 jj)
Mamandyǵy – tarıhshy, shet tilinde oqytatyn tarıh pániniń oqytýshysy
KSRO Syrtqy ister mınıstrliginiń Dıplomatııalyq akademııasy (1991-04.1993 jj)
Mamandyǵy – halyqaralyq qatynastar jáne syrtqy saıasat, dıplomat
Marapattary
«Qurmet» ordeni (12.2018 j)

Memleket basshysynyń jarlyǵy boıynsha Erkin Tuqymov Qazaqstan Respýblıkasynyń Pákistan Islam Respýblıkasyndaǵy Tótenshe jáne ókiletti elshisi bolyp taǵaıyndaldy, ol burynǵy atqarǵan laýazymynan bosatyldy.
Ol 1973 jyly Ózbekstanda, Termiz qalasynda týǵan.
1997 jyly Varshama halyqaralyq qatynastar ınstıtýtyn úzdik bitirip, 2004 jyly QR Ǵylym akademııasynyń Fılosofııa jáne saıasattaný ınstıtýtynyń aspırantýrasyn tamamdady.
Eńbek jolyn 1997 jyly QR Prezıdenti janyndaǵy Qazaqstan strategııalyq zertteýler ınstıtýty syrtqy saıası zertteýler bóliminiń aǵa ǵylymı qyzmetkeri retinde bastady.
2000-2005 jyldary QSZI syrtqy saıasat bóliminiń meńgerýshisi.
2005-2007 jyldary Ortalyq Azııa demokratııany damytý qorynyń bas dırektory boldy.
2007-2008 jyldary QR Prezıdenti ákimshiliginde aqparattyq-taldaý ortalyǵynyń strategııalyq taldaý sektorynyń meńgerýshisi, Strategııalyq ázirlemeler jáne taldaý ortalyǵynyń strategııalyq halyqaralyq yqpaldastyq sektorynyń meńgerýshisi qyzmetterin atqardy.
2008 jyldyń maýsymynda QR Syrtqy ister mınıstrligi Ortalyq Azııa departamenti dırektorynyń orynbasary, keıinnen departament dırektory boldy.
2010 jylǵy qańtar aıynda Qazaqstan Respýblıkasy Qaýipsizdik Keńesi Taldaý bóliminiń meńgerýshisi boldy.
Qazaqstannyń Qazandaǵy bas konsýly laýazymyna 2018 jyly taǵaıyndaldy.
2019 jyly Qazaqstannyń Reseıdegi Elshiliginiń keńesshi-elshisi boldy.
2022 jylǵy qańtar – 2025 jylǵy maýsym: QR Prezıdenti janyndaǵy Qazaqstan strategııalyq zertteýler ınstıtýtynyń (QSZI) dırektory boldy.
2025 jylǵy maýsymnan bastap: Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi elshisi jáne QR Prezıdentiniń Aýǵanstan boıynsha arnaıy ókili qyzmetin atqardy.
Dıplomatııalyq dárejesi - Qazaqstan Respýblıkasy Syrtqy ister mınıstrliginiń ІІ synypty keńesshisi.
«Eren eńbegi úshin», «Qazaqstan Respýblıkasynyń táýelsizdigine 20 jyl» medaldarymen marapattalǵan.

QR Qarjy mınıstrligi Іshki memlekettik aýdıt komıteti tóraǵasynyń buıryǵymen Sáken Qasymov Soltústik Qazaqstan oblysy boıynsha Іshki memlekettik aýdıt departamentiniń basshysy bolyp taǵaıyndaldy.

SQO ákimdigi baspasóz qyzmetiniń málimetinshe, Sáken Jumaǵalıuly 46 jasta. Qyzylorda oblysynyń týmasy. Qazaq memlekettik basqarý akademııasyn, M.Ótemisov atyndaǵy Batys Qazaqstan ýnıversıtetin «Býhgalterlik esep jáne aýdıt», «Zańger» mamandyqtary boıynsha támamdaǵan.

Ár jyldary Almaty qalasynyń Qazynashylyq departamentinde, Astana qalasynyń Salyq komıtetinde jetekshi jáne bas maman bolyp jumys istegen. QR Qarjy mınıstrliginde sarapshy, bas sarapshy laýazymdaryn atqarǵan. Batys Qazaqstan jáne Mańǵystaý oblystary boıynsha Іshki memlekettik aýdıt departamentterinde basshynyń orynbasary jáne basshy bolyp qyzmet etken.

Osy taǵaıyndaýǵa deıin Sáken Jumaǵalıuly Aqtóbe oblysy boıynsha Іshki memlekettik aýdıt departamentiniń basshysy qyzmetin atqarǵan.

Aqmola oblysy ákiminiń ókimimen Alı Alıev Aqmola oblysynyń kásipkerlik jáne ónerkásip basqarmasynyń basshysy boldy.

Alı Muhammeduly Alıev 1991 jylǵy 16 sáýirde Aqmola oblysy Arshaly aýdanynyń Jibek joly aýylynda dúnıege kelgen.
2014 jyly L.N. Gýmılev atyndaǵy Eýrazııa ulttyq ýnıversıtetin bitirgen.
2024 jyly Máskeý zańtaný ınstıtýtyn támamdaǵan. «Jaratylystaný» jáne «Ekonomıka» mamandyqtary boıynsha joǵary bilimi bar.
Eńbek jolyn 2015 jyly Astana qalasyndaǵy «SpetsTreıd TM» JShS-niń kommertsııalyq dırektory qyzmetinen bastaǵan.
2016–2017 jyldary Aqmola oblysy Arshaly aýdanyndaǵy «Atameken» kásipkerlerdiń ulttyq palatasynyń Kásipkerlik pen ónerkásipti damytý qorynyń dırektory bolyp jumys istegen.

2017–2020 jyldary «Atameken» kásipkerlerdiń ulttyq palatasynyń Aqmola oblysy boıynsha dırektorynyń orynbasary qyzmetin atqarǵan.
2020–2023 jyldary «SpetsTreıd TM» JShS dırektorynyń keńesshisi bolǵan.
2023–2024 jyldary «Azia-Tech» JShS-niń damý jónindegi dırektory qyzmetin atqarǵan.
2024–2026 jyldary «KOKSHE» áleýmettik-kásipkerlik korporatsııasy» AQ basqarma tóraǵasynyń orynbasary bolyp jumys istegen.

Beket Kýlbaev Aqtóbe oblysy boıynsha Іshki memlekettik aýdıt departamentin basqarady.

QR Qarjy mınıstrligi Іshki memlekettik aýdıt komıteti tóraǵasynyń buıryǵymen Beket Oshaqbaıuly Kýlbaev Aqtóbe oblysy boıynsha Іshki memlekettik aýdıt departamentiniń basshysy bolyp taǵaıyndaldy.
Komıtet tóraǵasynyń orynbasary Renad Ahmetov ujymǵa jańa basshyny tanystyryp, departament jumysynyń basym baǵyttaryn atap ótip, qoıylǵan maqsattardyń sátti júzege asýyna tilektestik bildirdi.
Beket Oshaqbaıuly 1975 jyly OQO, Shymkent qalasynda dúnıege kelgen.
Bilimi: Ál-Farabı atyndaǵy Qazaqstan memlekettik ýnıversıteti, quqyqtaný; Qaraǵandy ekonomıkalyq ýnıversıteti, ekonomıka
Jumys tájirıbesi
1997-2006 jj. — Ońtústik Qazaqstan oblysy ІІD ishki ister organdaryndaǵy qyzmeti;
2007-2007 jj. — Qazaqstan Respýblıkasy Tabıǵı monopolııalardy retteý agenttiginiń bas mamany;
2007-2008 jj. — Shyǵys Qazaqstan oblysy boıynsha kóliktik baqylaý basqarmasy qalalyq kóliktik baqylaý bóliminiń bastyǵy;
2008-2009 jj. — QR Memlekettik qyzmet isteri agenttiginiń Aqtóbe oblysyndaǵy Tártiptik keńes hatshylyǵynyń meńgerýshisi;
2009-2016 jj. — Almaty qalasy Qarjy monıtorıngi departamenti basshysynyń orynbasary;
2016-2018 jj. — Jambyl oblysy boıynsha ishki memlekettik aýdıt departamentiniń basshysy;
2021-2022 jj. — Almaty qalasy Memlekettik múlik jáne jekeshelendirý departamenti basshysynyń orynbasary;
2022-2023 jj. — Almaty oblysy boıynsha ishki memlekettik aýdıt departamenti basshysynyń orynbasary;
2023-2026 jj. — QR QM ІMAK Qostanaı oblysy boıynsha ishki memlekettik aýdıt departamentiniń basshysy.

Aıta keteıik, buǵan deıin ótken aptadaǵy taǵaıyndaýlar týraly jazǵanbyz.