Elimizde apta ishinde qandaı aýys-túıis boldy
ASTANA. KAZINFORM – Osy aptada elimizdiń ortalyq jergilikti atqarýshy organdarynda jańa basshylar senimge selkeý túsirmeıtinine sendirip, óz qyzmetine kiristi.
Almaty oblysy ákiminiń ókimimen Muǵamedǵarip Qurmanǵalıev qurylys basqarmasynyń basshysy laýazymyna taǵaıyndaldy.
Muǵamedǵarip Nııazuly 1974 jyly Jambyl oblysy, Taraz qalasynda dúnıege kelgen, bilimi joǵary, 1997 jyly Jambyl ýnıversıtetin «avtomobıl joldary jáne ushaq alańdary qurylysy», 2003 jyly Baǵalaý ýnıversıtetin «múlikti kadastrlyq-quqyqtyq saraptaý» mamandyqtary boıynsha bitirgen.
Eńbek jolyn Jambyl ýnıversıtetiniń Qarataý ınjenerlik-tehnıkalyq kesheniniń oqytýshysy bolyp bastaǵan.
Ár jyldary Baǵalaý ınstıtýtynyń aǵa oqytýshysy, Almaty qalasy qurylys departamentiniń jetekshi mamany, bas mamany, bólim basshysy, basqarma basshysynyń orynbasary, «Samuryq-Qazyna Construction» aktsıonerlik qoǵamy tóraǵasynyń orynbasary, Almaty qalasy «Aqparattyq tehnologııalyq ortalyǵy», «Basyer Construction», «Alan Construction» jaýapkershiligi shekteýli seriktestikterinde dırektor, Qazaq ulttyq agrarlyq ýnıversıtetiniń basqarma basshysy boldy.
Almaty oblysynyń jolaýshylar kóligi jáne avtomobıl joldary basqarmasynda bólim basshysy qyzmetin atqardy.
Konkýrstyq komıssııa sheshimine sáıkes oblys ákiminiń ókimimen Baqbergen Talǵatuly Ábýov BQO jumyspen qamtýdy úılestirý jáne áleýmettik baǵdarlamalar basqarmasynyń basshysy bolyp taǵaıyndaldy.
BQO ákiminiń baspasóz qyzmetinen málim etkenindeı, Baqbergen Talǵatuly 1984 jyly dúnıege kelgen. Bilimi joǵary.
M.Ótemisov atyndaǵy Batys Qazaqstan memlekettik ýnıversıtetin, Oral eńbek jáne áleýmettik qatynastar akademııasyn bitirgen.
Ár jyldary BQO jastar saıasaty máseleleri jónindegi basqarmasy aqparattyq-taldaý jumysy jáne jobalardy júzege asyrý monıtorıngi bóliminiń bas mamany, osy basqarmada aqparattyq-taldaý jumysy jáne jobalardy júzege asyrý monıtorıngi bóliminiń basshysy, BQO ákimi apparaty taldaý jáne baqylaý bóliminiń bas ınspektory, BQO ákimi apparaty baqylaý bóliminiń bas ınspektory laýazymynda qyzmet etti.
Taǵaıyndaýǵa deıin Aqjaıyq aýdany ákiminiń orynbasary qyzmetin atqardy.
Almaty ákimi Erbolat Dosaevtyń ókimimen Danııar Qyryqbaev qala qurylysyn baqylaý basqarmasynyń basshysy laýazymyna taǵaıyndaldy.
Danııar Qyryqbaev 1986 jyly 29 sáýirde dúnıege kelgen. Qazaq ulttyq ýnıversıtetiniń túlegi. Ál-Farabı atyndaǵy Qazaq ulttyq ýnıversıtetin jáne Іlııas Jansúgirov atyndaǵy Jetisý memlekettik ýnıversıtetin bitirgen. Jergilikti basqarý magıstri.
Eńbek jolyn 2007 jyly bank salasynda bastaǵan. 2007-2009 jyldary «Jolaýshylar tasymaly» AQ – da jumys istedi, sodan keıin – «Kazsatnet» AQ Basqarma tóraǵasynyń keńesshisi. Ár jyldary QR Bas prokýratýrasynda, QR Parlamenti Senatynyń apparatynda jumys istedi.
2016 jyldan 2019 jylǵa deıin Almaty qalasy boıynsha sottar ákimshisiniń basshysy bolyp jumys istedi. Eki jyl «Azamattarǵa arnalǵan úkimet» memlekettik korporatsııasy» KEAQ Almaty qalasy boıynsha fılıalynyń dırektory boldy.
2021 jyldan 2022 jylǵa deıin Almaty qalasy Turǵyn úı saıasaty basqarmasynyń basshysy boldy.
Qazirgi taǵaıyndaýǵa deıin Almaty qalasy kommýnaldyq ınfraqurylymdy damytý basqarmasynyń basshysy qyzmetin atqardy.
Atyraý oblysy sanıtarııalyq-epıdemıologııalyq baqylaý departamentine jańa basshy taǵaıyndaldy. Endi bul qyzmetti Álııa Bekesheva atqaratyn boldy.
Atyraý oblysy ákiminiń orynbasary Jasulan Bısembıev jańa basshyny ujymǵa tanystyryp, qyzmetine sáttilik tiledi.
Álııa Aıýpqalıqyzy 1970 jyly Atyraý oblysynda dúnıege kelgen. 1995 jyly Qaraǵandy memlekettik medıtsınalyq ýnıversıtetin gıgıenıst-epıdemıolog mamandyǵymen bitirgen.
Eńbek jolyn 1995 jyly Atyraý qalalyq sanıtarııalyq-epıdemıologııalyq stantsııasynyń dáriger-epıdemıology bolyp bastaǵan.
1995-2013 jyldary Atyraý qalalyq memlekettik sanıtarııalyq-epıdemıologııalyq qadaǵalaý basqarmasynda dáriger-epıdemıolog, sanıtarlyq dáriger, eńbek gıgıenasy, tamaqtaný gıgıenasy bólimderiniń basshysy bolǵan.
2013-2021 jyldary aralyǵynda Atyraý oblysynyń sanıtarııalyq-epıdemıologııalyq baqylaý departamentiniń bas mamany, bólim basshysy laýazymynda jumys istegen. Al, 2021 jyldan osy taǵaıyndaýǵa deıin departament basshysynyń orynbasary qyzmetin atqardy.
Mańǵystaýda tehnıkalyq retteý jáne metrologııa komıtetiniń óńir boıynsha departamentiniń basshysy bolyp Álem Ýálıev taǵaıyndaldy.
Álem Ýálıev 1978 jylǵy 2 qyrkúıekte Aqtaý qalasynda dúnıege kelgen.
Ol 2003 jyly Qazaqstan ekonomıka jáne quqyq ınstıtýtyn, 2007 jyly Kaspıı qoǵamdyq ýnıversıtetin támamdaǵan. Sondaı-aq, 2023 jyly Qazaqstan jetekshi sáýlet jáne qurylys akademııasyn qurylysshy-ınjener mamandyǵy boıynsha aıaqtady.
Jańa laýazym ıesi alǵashqy eńbek jolyn 1998 jyldyń 1 qazanynda Atyraý qalalyq salyq komıtetinde ınspektor bolyp bastaǵan. Keıin aǵa salyq ınspektory mindetine bekitildi.
Sondaı-aq, ár jyldary "Semser" JAQ-tyń órt sóndirý kúzetshisi, jóndeý jáne tehnıkalyq qondyrǵylarǵa qyzmet kórsetý jumystary jónindegi 2 razrıadty slesary, Atyraý oblysy boıynsha salyq komıtetinde jetekshi maman, bas maman, Atyraý oblystyq Prokýratýrasynda bas maman, Atyraý oblysy boıynsha tótenshe jaǵdaılar departamentinde bas maman bolyp eńbek etti.
2008 jyldan Atyraý oblysy balalardyń quqyqtaryn qorǵaý Departamentiniń ákimshilik-qarjy bóliminiń basshysy, 2010-2011 jyldary "Aqparattyq tehnologııalyq ortalyǵy" KMK basshysy, 2012-2013 jyldary Atyraý qalalyq turǵyn úı-kommýnaldyq sharýashylyǵy, jolaýshylar kóligi jáne avtokólik joldary bóliminiń "qaladaǵy turǵyn úılerge kommýnaldyq qyzmet kórsetý" JShS basshysy bolyp eńbek etti.
Al 2014-2016 jyldary Qulsary qalasy ákiminiń orynbasary, qalalyq qurylys bóliminiń býhgalterlik esep jáne esepteý sektorynyń bas mamany, bólim basshynyń mindetin atqarýshy, 2021 jyldan Saýda jáne ıntegratsııa mınıstrligi Tutynýshylardyń quqyqtaryn qorǵaý komıteti Atyraý oblysynyń tutynýshylardyń quqyqtaryn qorǵaý departamentiniń basshysy qyzmetin atqardy.
2023 jyldan osy kúnge deıin Atyraý oblysy boıynsha saýda jáne tutynýshylardyń quqyqtaryn qorǵaý departamenti basshysynyń orynbasary, departamentiniń basshysy mindetin atqarǵan.
Qazaqstan Respýblıkasy Úkimetiniń qaýlysymen Aslan Sabazuly Abdraımov sý resýrstary jáne ırrıgatsııa vıtse-mınıstri qyzmetine taǵaıyndaldy.
Aslan Sabazuly 1981 jyly Almaty qalasynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin bitirgen.
Eńbek jolyn 2002 jyly jekemenshik kompanııada bastaǵan. Ár jyldary qurylys jáne logıstıka salasynda jumys istedi.
2010-2024 jyldary — «Ulttyq aqparattyq tehnologııalar» AQ ınvestıtsııalyq jobalardy damytý jónindegi dırektory, ıntegratsııalanǵan sheshimder departamentiniń dırektory.
Almaty ákimi Erbolat Dosaevtyń ókimimen qalanyń qommýnaldyq ınfraqurylymdy damytý basqarmasynyń basshysy laýazymyna Dýlat Ashkenov taǵaıyndaldy.
Dýlat Ashkenov 1987 jyly 7 maýsymda dúnıege kelgen. Qaraǵandy memlekettik tehnıkalyq ýnıversıtetiniń jáne Qaztutynýodaǵy Qaraǵandy ekonomıkalyq ýnıversıtetiniń túlegi.
Eńbek jolyn 2008 jyly Qaraǵandy oblysynyń jolaýshylar kóligi jáne avtomobıl joldary basqarmasynyń bólim mamany qyzmetinen bastaǵan.
Ár jyldary Qaraǵandy oblysynyń jol-kólik ınfraqurylymy men jolaýshylar kóligin damytý boıynsha memlekettik qurylymdarda jumys istedi.
2017-2022 jyldary Astana qalasy Esil aýdany ákiminiń apparatynda jumys istedi, Astananyń aktıvter jáne memlekettik satyp alý basqarmasynda basshylyq laýazymdardy atqardy.
2022 jyldan bastap qazirgi taǵaıyndaýǵa deıin Almaty qalasy kommýnaldyq ınfraqurylymdy damytý basqarmasy basshysynyń orynbasary boldy.