Elimizde apta ishinde bolǵan kadrlyq taǵaıyndaýlar
ASTANA. KAZINFORM – Osy aptada elimizdiń túrli óńirlerinde birqatar kadrlyq aýys-túıis boldy.
Apta basynda Qyzylorda oblysy ákiminiń apparat basshysy qyzmetine Ádilhan Muhamedııarov taǵaıyndaldy.
Á.Muhamedııarov 1987 jyly dúnıege kelgen, Soltústik Qazaqstan oblysynyń týmasy. M.Qozybaev atyndaǵy Soltústik Qazaqstan memlekettik ýnıversıtetin «Memlekettik jáne jergilikti basqarý» mamandyǵy boıynsha bitirgen. Ekonomıka jáne bıznes magıstri. Búginde E.Gýmılev atyndaǵy Eýrazııa ulttyq ýnıversıtetinde «Saıasattaný» mamandyǵy boıynsha doktorantýrada bilimin jetildirip jatyr.
Eńbek jolyn 2008 jyly Soltústik Qazaqstan oblysy boıynsha salyq departamentiniń statısi bolyp bastap, ár jyldary memlekettik qyzmette joǵary basshylyq laýazymdarǵa deıingi izdený jolynan ótken. 2008-2011 jyldary Soltústik Qazaqstan oblystyq Іshki saıasat basqarmasynyń bas mamany, oblys ákimi apparatynyń bas mamany, bas ınspektory bolǵan. 2011-2017 jyldary Soltústik Qazaqstan oblysy ákiminiń kómekshisi, oblys ákimi apparaty uıymdastyrý-ınspektorlyq bóliminiń meńgerýshisi, oblystyq Kásipkerlik jáne týrızm basqarmasy basshysynyń orynbasary bolyp jumys atqardy. 2017-2024 jyldary QR Prezıdenti Baspasóz qyzmetiniń sarapshysy, konsýltanty, ınspektory jaýapty qyzmetterin atqarǵan. 2024 jyldyń qańtar aıynan QR Prezıdenti Baspasóz qyzmetiniń sektor meńgerýshisi qyzmetin atqaryp keldi.
Sonymen birge, Qyzylorda oblystyq Básekelestikti qorǵaý jáne damytý departamentiniń basshysy qyzmetine Toqjanov Damır Jákenuly taǵaıyndaldy.
Damır Toqjanov 1988 jyly Qostanaı oblysynda dúnıege kelgen. A.Baıtursynov atyndaǵy Qostanaı memlekettik ýnıversıtetin «Matematıka» jáne «Ekonomıka» mamandyqtary boıynsha bitirgen.
Eńbek jolyn 2010 jyly Lısakov qalasy ákimi apparatynyń mamany bolyp bastap, ár jyldary ishki saıasat salasynda túrli laýazymda jumys istegen. 2011-2018 jyldary Lısakov, Rýdnyı qalalary ákimdikteri ishki saıasat bóliminiń bas mamany bolǵan. 2018-2020 jyldary Lısakov qalasy ákimdigi turǵyn úı ınspektsııasynyń, kásipkerlik jáne aýyl sharýashylyǵy bóliminiń basshysy qyzmetterin atqarǵan. 2020 jyldyń aqpan aıynan Básekelestikti qorǵaý agenttigi Qostanaı oblysy boıynsha departamenti basshysynyń orynbasary qyzmetin atqaryp keldi.
Jambyl oblysy ákiminiń ókimimen Baqyt Aıazuly Betbaev veterınarııa basqarmasynyń basshysy laýazymyna taǵaıyndaldy.
Baqyt Aıazuly 1974 jyly Jambyl oblysy Shý aýdany Tóle bı aýylynda dúnıege kelgen. Qazaq memlekettik agrarlyq ýnıversıtetin «veterınarııalyq medıtsına» mamandyǵy boıynsha bitirgen. Eńbek jolyn 2000 jyly aýyl sharýashylyq ǵylymı-zertteý ınstıtýtynyń kishi ǵylymı qyzmetkeri bolyp bastaǵan.
Ol 2004-2005 jyldary Shý qalasy S.Seıfýllın atyndaǵy orta mektep dırektorynyń orynbasary, alǵashqy áskerı daıarlyq pániniń muǵalimi; 2005-2006 jyldary Shý qalasy sanıtarlyq-epıdemıologııalyq saraptama ortalyǵynyń bakterıolog-dárigeri; 2006-2007 jyldary Shý qalasy memlekettik sanıtarlyq-epıdemıologııalyq qadaǵalaý basqarmasynyń bas mamany; 2010 jyly «Shý aýdandyq veterınarııalyq qyzmet» JShS-nyń dırektory; 2010-2012 jyldary Shý aýdany Qoraǵaty aýyldyq okrýgi ákimi apparatynyń bas mamany; 2012-2017 jyldary Shý aýdany Shoqpar aýyldyq okrýginiń ákimi; 2017-2022 jyldary Shý aýdany ákimdigi aýyl sharýashylyǵy bóliminiń basshysy; 2022 jyldyń qarashasynan bastap búgingi kúnge deıin Shý aýdany ákiminiń orynbasary laýazymynda qyzmet atqarǵan.
Atyraý oblysyndaǵy Maqat aýdanyna jańa ákim taǵaıyndaldy. Bul laýazymdy Azamat Mámbetov atqaratyn boldy.
Azamat Samatuly Mámbetov 1986 jyly dúnıege kelgen. Eki joǵary bilimi bar. Qazaq gýmanıtarlyq zań ýnıversıtetin zańger, Q.Jubanov atyndaǵy Aqtóbe memlekettik ýnıversıtetin ekonomıst mamandyǵyn meńgergen.
A. Mámbetov 2006 jyldan beri memleketik qyzmet salasynda jumys isteıdi. 2006-2009 jyldary Aqtóbe qalalyq ákimi apparaty janyndaǵy mekemede kadr jónindegi bas maman, 2010-2019 jyldar aralyǵynda Atyraý oblystyq densaýlyq saqtaý basqarmasynyń kadr isi jónindegi bas mamany, zańger, bólim basshysy bolǵan. Al 2019-2021 jyldary Atyraý oblystyq oblystyq jumyspen qamtýdy úılestirý jáne áleýmettik baǵdarlamalar basqarmasynda bólim basshysy, keıin basqarma basshysynyń orynbasary bolyp jumys istegen. Sol jyldyń mamyrynan búgingi taǵaıyndaýǵa deıin atalǵan basqarmanyń basshysy laýazymyn atqaryp keldi.
Soltústik Qazaqstan oblysy ákiminiń ókimimen óńir basshysynyń orynbasary bolyp Júsip Jumaǵulov taǵaıyndaldy.
Júsip Jumaǵulov 1992 jyly Almaty qalasynda týǵan. KIMEP ýnıversıtetin «Іskerı ákimshilik», M.Nárikbaev atyndaǵy KAZGıÝÝ ýnıversıtetin «ıÝrısprýdentsııa» magıstri jáne Nazarbaev ýnıversıtetin «Memlekettik basqarý» magıstri mamandyqtary boıynsha támamdaǵan.
Ár jyldary J. Jumaǵulov elordanyń qoǵamdyq damý isteri basqarmasy basshysynyń orynbasary, Astana qalasy ákimi apparaty basshysynyń orynbasary, «Saryarqa» aýdanynyń ákimi boldy. 2023 jyldyń sáýir aıynan bastap osy taǵaıyndaýǵa deıin Astana qalasy Nura aýdanynyń ákimi bolyp jumys istedi. Prezıdenttik jastar kadr rezerviniń múshesi. Jańa laýazymda ol ishki saıasat, mádenıet, bilim, eńbek jáne din máselelerine jaýap bermek.
Al Ulytaý oblysy ákiminiń orynbasary bolyp Zına Aqylbekova taǵaıyndaldy. Ol oblystyń koǵamdyq damý, medenıet, dene shynyqtyrý jene sport, bilim, din jáne jastar isi máselelerine jetekshilik jasaıdy.
Zına Aqylbekova 1965 jyly 17 mamyrda dúnıege kelgen. 1987 jyly Jezqazǵan pedagogıkalyq ınstıtýtyn, 2007 jyly Qazaqstan-Reseı ýnıversıtetin aıaqtaǵan. 1988-1995 Pıonerler aktıvi mektebiniń basshysy, 1995-2004 atalǵan orynda ádistemelik jumys boıynsha dırektordyń orynbasary, 2004-2007 Jezqazǵan q., №11 orta mektebiniń oqý isiniń meńgerýshisi, 2007-2007 Indýstrıaldyq ınnovatsııalyq damý, ınformatsııalyq tehnologııalardy engizý jáne saraptaý jumysy bóliminiń bas mamanynyń mindetin atqarýshy, 2007-2008 Indýstrıaldyq ınnovatsııalyq damý, ınformatsııalyq tehnologııalardy engizý jáne saraptaý jumysy bóliminiń bas mamany, 2008-2011 «Jezqazǵan qalasy ishki saıasat bólimi» MM basshysy, 2011-2011 «Jezqazǵan qalasynyń bilim, dene shynyqtyrý jáne sport bólimi» MM basshysynyń mindetin atqarýshy, 2011-2015 «Jezqazǵan qalasynyń bilim, dene shynyqtyrý jáne sport bólimi» MM basshysy, 2015-2015 Jezqazǵan qalasy ákimi orynbasarynyń mindetin atqarýshy, 2015-2022 Jezqazǵan qalasy ákiminiń orynbasary, 2022-2023 Ulytaý oblysy jumyspen qamtýdy úılestirý jáne áleýmettik baǵdarlamalar basqarmasynyń basshysy bolǵan.
2023 jyldan osy taǵaıyndaýǵa deıin Ulytaý oblystyq maslıhatynyń turaqty negizde jumys isteıtin halyqty áleýmettik qorǵaý, densaýlyq saqtaý, bilim berý, mádenıet, sport jáne jastar isi jónindegi turaqty komıssııasynyń tóraǵasy bolyp qyzmet atqarǵan.
Úkimet qaýlysymen Asqar Saqtaǵanuly Bıahmetov Eńbek jáne halyqty áleýmettik qorǵaý vıtse-mınıstri qyzmetine taǵaıyndaldy.
Asqar Bıahmetov 1975 jyly Aqtóbe oblysynda dúnıege kelgen. Qazaq memlekettik basqarý akademııasyn «Qarjy jáne nesıe» mamandyǵy boıynsha, QAZMZA – «Quqyqtaný» mamandyǵy boıynsha, QR Prezıdenti janyndaǵy MBA UMSM magıstratýrasyn «Saıasattaný» mamandyǵy boıynsha jáne Dıýk ýnıversıtetin bitirgen.
Ol 1993–2004 jyldary oblystyq qarjy basqarmasynda, «Profılaktorıı» ÓK, Salyq komıtetinde, qalalyq ákimdikte, sondaı-aq Aqtóbe oblysynyń qazynashylyq jáne qarjy basqarmalarynda basshylyq laýazymdarda jumys istedi.2004-2009 jyldary — Aqmola oblysy boıynsha Qazynashylyq departamentiniń bastyǵy, 2009-2014 jyldary — QR Konstıtýtsııalyq Keńesiniń bólim meńgerýshisi, 2014-2015 jyldary — QR Ulttyq ekonomıka mınıstrliginiń Memlekettik basqarý júıesin damytý departamentiniń dırektory, 2015-2018 jyldary — Aqtóbe oblysy ákiminiń orynbasary, 2019-2020 jyldary — QR Premer-Mınıstri birinshi orynbasarynyń keńesshisi, 2020-2023 jyldary — QR Premer-Mınıstri Keńsesi basshysynyń orynbasary, 2023 jylǵy aqpannan bastap qazirgi ýaqytqa deıin — QR Úkimeti Apparaty basshysynyń orynbasary bolǵan.
