Elimizde apta ishinde bolǵan kadrlyq taǵaıyndaýlar
Ótip bara jatqan apta ishinde elimizdiń ortalyq jáne jergilikti atqarýshy organdarynda birqatar kadrlyq aýys-túıis boldy, dep habarlaıdy Kazinform.
Memleket basshysynyń ókimimen Rýstam Baıalıev Qazaqstan Respýblıkasy Prezıdenti Іs basqarýshysynyń orynbasary laýazymyna taǵaıyndaldy.
Rýstam Ahathanuly 1996 jyly Ál-Farabı atyndaǵy Qazaq ulttyq ýnıversıtetin jýrnalıstıka mamandyǵy boıynsha bitirgen. 1998 jyly Eýrazııa naryq ınstıtýtynda ekonomıst mamandyǵyn meńgerip shyqqan.
***
Qazaqstan Respýblıkasy Prezıdentiniń Іs basqarmasy apparatynyń basshysy qyzmetine Serik Kenjebaev taǵaıyndaldy.
Serik Ábdirahmanuly 1971 jyly Taraz qalasynda týǵan. Ál-Farabı atyndaǵy Qazaq ulttyq ýnıversıtetin quqyqtaný mamandyǵy boıynsha, T.Rysqulov atyndaǵy Qazaq ekonomıkalyq ýnıversıtetin qarjy jáne nesıe mamandyǵy boıynsha támamdaǵan. Ol buǵan deıin Memlekettik satyp alý jónindegi agenttiktiń «Elektrondyq kommertsııa ortalyǵy» RMK dırektorynyń orynbasary, Qarjy mınıstrligi Qarjylyq baqylaý jáne memlekettik satyp alý komıtetinde basqarma basshysynyń orynbasary, Indýstrııa jáne saýda mınıstrligi Básekelestikti qorǵaý komıtetiniń Manǵystaý oblysy boıynsha monopolııaǵa qarsy basqarmasy bastyǵy, «Azamattarǵa arnalǵan úkimet» memlekettik korporatsııasy» KeAQ basqarma tóraǵasynyń orynbasary, «KAZAKH INVEST» UK» AQ apparat basshysy bolǵan.
2022 jyldan beri QR PІB materıaldyq-tehnıkalyq qamtamasyz etý basqarmasy basshysynyń orynbasary qyzmetin atqaryp keldi.
***
Memleket basshysynyń ókimimen Qanysh Ábýbákirov Qazaqstan Respýblıkasy Qorǵanys mınıstriniń orynbasary laýazymyna taǵaıyndaldy.
Qanysh Asanhanuly 1977 jyly 12 aqpanda dúnıege kelgen. QR Qarýly kúshteri Áskerı akademııasyn jáne Ulttyq qorǵanys ýnıversıtetin bitirgen.
Qazaqstan Respýblıkasynyń Qarýly kúshterinde desanttyq-shabýyldaý batalony barlaý rotasy barlaý tobynyń komandırinen Qurlyq áskerleri bas qolbasshysynyń birinshi orynbasary — Bas shtab bastyǵyna deıingi joldan ótti.
***
Memleket basshysynyń ókimimen Aıdar Saıtbekov QR Іshki ister mınıstriniń orynbasary laýazymyna taǵaıyndaldy.
A. Saıtbekov 1978 jyly týǵan. 1999 jyly QR ІІM akademııasyn támamdaǵan.
***
Qazaqstan Respýblıkasy mádenıet jáne aqparat mınıstriniń buıryǵymen Meıirlan Rahanov Aqparat komıtetiniń tóraǵasy bolyp taǵaıyndaldy.
Ol 1988 jyly Qaraǵandy oblysynda dúnıege kelgen. Qaztutynýodaǵy Qaraǵandy ekonomıkalyq ýnıversıtetin bitirgen. Eńbek jolyn 2011 jyly Qaraǵandy qalasy ákimdiginiń Іshki saıasat bóliminde bastaǵan.
2013-2016 jyldary — Aqparat komıteti Baspa BAQ basqarmasynyń sarapshysy, bas sarapshysy. 2016-2021 jyldary — QR Prezıdentiniń Baspasóz qyzmetiniń sarapshysy, keńesshisi, ınspektory. 2021 jylǵy shildeden 2023 jylǵy jeltoqsanǵa deıin QR Prezıdentiniń baspasóz qyzmetiniń sektor meńgerýshisi qyzmetin atqardy.
***
QR Strategııalyq josparlaý jáne reformalar agenttigi tóraǵasynyń buıryǵymen Jomart Ábıesov agenttiktiń apparat basshysy bolyp taǵaıyndaldy.
J. Amangeldiuly 1975 jyly Aqtóbe oblysynda dúnıege kelgen. Qazaq memlekettik basqarý akademııasyn, Qazaq memlekettik zań akademııasyn bitirgen. Sıngapýr ulttyq ýnıversıteti janyndaǵy Lı Kýan ıÝ atyndaǵy memlekettik saıasat mektebiniń magıstri. Eńbek jolyn 2000 jyly QR Energetıka, ındýstrııa jáne saýda mınıstrliginiń «Rezerv» RMK bas mamany bolyp bastaǵan. Ár jyldary QR Kólik jáne kommýnıkatsııa mınıstrliginde, QR Úkimeti jáne QR Ulttyq Banki janyndaǵy «Ulttyq taldaý ortalyǵynda», QR Ekonomıkalyq damý jáne saýda mınıstrliginde jumys istedi.
2019-2023 jyldary QR Prezıdenti Ákimshiliginiń Memlekettik basqarý bólimi meńgerýshisiniń orynbasary, memlekettik ınspektory, Memlekettik baqylaý jáne uıymdastyrý-aýmaqtyq jumys bólimi meńgerýshisiniń orynbasary, Memlekettik basqarý bólimi meńgerýshisiniń orynbasary laýazymdaryn atqardy.
***
Qazaqstan Respýblıkasy Strategııalyq josparlaý jáne reformalar agenttigi Ulttyq statıstıka bıýrosy basshysynyń orynbasary qyzmetine Ásel Shaýenova keldi. Ol 23 jyldan astam ýaqyt boıy memlekettik qyzmette júr.
2018 jyldan beri atalǵan bıýronyń Óndiris jáne qorshaǵan orta statıstıkasy departamentinde dırektor laýazymynda boldy.
***
QR Oqý-aǵartý mınıstriniń buıryǵymen Gúlshat Onlanbekqyzy Balalardy erte damytý ınstıtýtynyń dırektory bolyp taǵaıyndaldy.
Gúlshat Onlanbekqyzy 1973 jyly Jambyl oblysynda dúnıege kelgen. Pedagogıka ǵylymdarynyń kandıdaty, dotsent, qaýymdastyrylǵan professor. 100-den astam ǵylymı jáne ǵylymı-ádistemelik eńbegi bar.
1991 jyly «Mektepke deıingi bilim berý» mamandyǵy boıynsha Abaı atyndaǵy pedagogıkalyq ýchılışesin bitirip, 1995 jyly pedagogıkalyq ınstıtýtta «Tárbıeshi. Mektepke deıingi pedagogıka jáne psıhologııa oqytýshysy» mamandyǵyn támamdaǵan.
2022 jyldan búginge deıin Bilim berýdi damytýdyń memlekettik emes ǵylymı-praktıkalyq ortalyǵynyń dırektory qyzmetin atqaryp keldi.
***
Lesbek Ilebaev Jambyl oblysy ákimi apparatynyń basshysy bolyp taǵaıyndaldy.
Lesbek Quralbaıuly Ilebaev 1982 jyly 17 tamyzda Jambyl oblysy Taraz qalasynda dúnıege kelgen. 2004 jyly Qazaq gýmanıtarlyq zań ýnıversıtetin «zańger» mamandyǵy boıynsha támamdaǵan. Memlekettik jáne jergilikti basqarý mamandyǵy boıynsha PhD doktory.
2023 jyldyń qańtarynan búgingi kúnge deıin Memlekettik qyzmet isteri agenttigi Jambyl oblysy boıynsha departamentiniń basshysy — Ádep jónindegi keńestiń tóraǵasy qyzmetin atqarǵan.
***
Osy aptada Mańǵystaý oblysy Tótenshe jaǵdaılar departamentiniń bastyǵy qyzmetine Bekbolat Ábdiqadyrov keldi.
Bekbolat Qaıyrbekuly 1975 jyly 4 mamyrda Qyzylorda qalasynda dúnıege kelgen.
2005 jyly tótenshe jaǵdaılar mınıstrliginiń Kókshetaý tehnıkalyq ınstıtýtyn «Órt qaýipsizdigi» mamandyǵy boıynsha bitirgen. 2007 jyly Kókshetaý ýnıversıtetin «Quqyqtaný» mamandyǵy boıynsha támamdaǵan. Azamattyq qorǵaý organyndaǵy eńbek jolyn 1998 jyly órt sóndirýshi laýazymynan bastaǵan.
***
Qazaqstan Respýblıkasy Tótenshe jaǵdaılar mınıstriniń buıryǵymen Jambyl oblysy TJD bastyǵynyń mindetin ýaqytsha atqarýshy bolyp Arman Toqanov taǵaıyndaldy.
Ol osyǵan deıin Shyǵys Qazaqstan oblysy TJD bastyǵynyń orynbasary qyzmetin atqarǵan.
***
Nurlan Rahymǵalıev Batys Qazaqstan oblysy boıynsha Memlekettik kirister departamentiniń basshysy bolyp taǵaıyndaldy. Buǵan deıin Qazaqstan Respýblıkasy Qarjy mınıstrligi Appelıatsııa departamentiniń dırektory qyzmetin atqarǵan.
***
Aıtysker aqyn Nurmat Mansur Qyzylordadaǵy qalalyq «Jastar teatrynyń» dırektory laýazymyna taǵaıyndaldy.
Nurmat Abdollauly 1985 jyly 24 naýryzda Qyzylorda oblysy, Syrdarııa aýdanynda dúnıege kelgen. Bilimi joǵary, ekonomıka ǵylymdarynyń magıstri.
Ár jyldary Qyzylorda oblystyq mádenıet basqarmasyna qarasty Halyq shyǵarmashylyǵyn damytý jáne mádenı prodıýserlik ortalyǵynda mádenı qyzmetker, aımaqtyq «Qoǵam» telearnasynda redaktor, respýblıkalyq «Tanym men Taǵylym» gazetinde atqarýshy dırektor, «Qazaq radıolary» JShS-ne qarasty «Shalqar» radıosynda aǵa redaktor bolyp eńbek jolynan ótken.
