Elimizde apta ishinde bolǵan kadrlyq taǵaıyndaýlar
ASTANA. KAZINFORM – Qazaqstanda ótken aptada birqatar kadrlyq aýys-túıis boldy.
19 mamyrda Qaraǵandy oblysynyń ekonomıka basqarmasynyń basshysy bolyp Dýlat Kárimuly Áshkenov taǵaıyndaldy.
Dýlat Áshkenov - Qaraǵandy oblysynyń týmasy, eki joǵary bilimi bar: Qaraǵandy memlekettik tehnıkalyq ýnıversıtetin «kólik, kóliktik tehnıka jáne tehnologııa» mamandyǵy boıynsha jáne Qaztutynýodaǵy Qaraǵandy ekonomıkalyq ýnıversıtetin «ekonomıka» mamandyǵy boıynsha bitirgen.
Memlekettik qyzmette 14 jyldan astam ýaqyt eńbek etip keledi.
Ár jyldary Qaraǵandy oblysynyń jol-kólik ınfraqurylymy men jolaýshylar kóligin damytý boıynsha memlekettik qurylymdarda jumys istedi.
Elordada Esil aýdany ákiminiń apparatynda, qalalyq ortany qalpyna keltirý basqarmasynda jumys istedi, aktıvter jáne memlekettik satyp alý basqarmasynda basshylyq qyzmetterde boldy.
Sodan keıin Almaty qalasy Kommýnaldyq ınfraqurylymdy damytý basqarmasynda jumys istedi - aldymen basshynyń orynbasary, 2024 jyldyń mamyrynan bastap qazirgi taǵaıyndaýǵa deıin sol memlekettik mekemeni basqardy.
Apta basynda Almaty kommýnaldyq ınfraqurylymdy damytý basqarmasynyń basshysy laýazymyna Sharhan Tursynbaev taǵaıyndaldy.
Sharhan Shaımerdenuly Tursynbaev Qazaq bas sáýlet-qurylys akademııasyn jáne Qazaqstan Halyqtar dostyǵy ýnıversıtetin bitirgen.
Kásibı mansaby 2010 jyly Almaty qalasy Memlekettik sáýlet-qurylys baqylaý basqarmasynda bas maman bolyp jumysqa kirisken kezde bastaldy. Keıingi jyldary Áýezov jáne Naýryzbaı aýdandary ákimderiniń apparattarynda túrli qyzmetter atqardy.
2018 jyly Almaty qalasy ákimi apparatynyń uıymdastyrý jáne baqylaý jumysy bóliminiń bas mamany bolyp jumys istedi.
2019 jyldan 2024 jyldyń mamyryna deıin Almaty qalasy Áýezov aýdany ákiminiń orynbasary, apparat basshysy bolyp jumys istedi.
Osy taǵaıyndaýǵa deıin Almaty qalasy ákimi apparaty basshysynyń orynbasary boldy.
20 mamyrda Nurlan Uranhaev Premer-mınıstrdiń keńesshisi bolyp taǵaıyndaldy.
Nurlan Uranhaev jańa laýazymynda ol ónerkásip jáne qurylys máselelerine jetekshilik etetin bolady.
Bilimi:
V.I. Lenın atyndaǵy Qazaq polıtehnıkalyq ınstıtýty (1982-1987)
Mamandyǵy: «Injener-mehanık»
Qazaq qarjy-ekonomıkalyq ınstıtýty (1998-2001)
Mamandyǵy: «Ekonomıst-menedjer»
Shyǵys Qazaqstan memlekettik tehnıkalyq ýnıversıteti (2004-2006)
Mamandyǵy: «Injener-qurylysshy»
Eńbek joly:
Semeı qalasynyń «Kazpromtehmontaj» tresinde sheber, prorab (1987 j)
Semeı qalasynyń «Sary-Arqa» AQ senim bildirilgen basqarýshysy (1995-1997 jj)
«Kazırkýtskles» JTAQ Bas dırektory (2001-2003 jj)
Shyǵys Qazaqstan oblysynyń energetıka, turǵyn úı-kommýnaldyq sharýashylyq, qurylys jáne kólik basqarmasynyń bastyǵy (2003-2005 jj)
Shyǵys Qazaqstan oblysy kúrdeli Qurylys basqarmasynyń bastyǵy (2005-2006 jj)
Shyǵys Qazaqstan oblysy ákiminiń orynbasary (2006-2007 jj)
Astana qalasy, TJM Memlekettik materıaldyq rezervter komıteti tóraǵasynyń orynbasary (2007 j)
Prezıdent Ákimshiliginiń memlekettik ınspektory, Astana qalasy (2008 j)
«Ertis» ÁKK basqarma tóraǵasynyń orynbasary, Semeı qalasy (2009-2010 jj)
Qyzylorda oblysy ákiminiń orynbasary (2010-2013 jj)
Semeı qalasy gýmanıtarlyq ınnovatsııalyq zań ýnıversıteti prezıdentiniń keńesshisi (2013-2014 jj)
Tutynýshylardyń quqyqtaryn qorǵaý agenttigi tóraǵasynyń orynbasary, Astana qalasy (2014 j)
Ulttyq ekonomıka mınıstrliginiń «QazQSǴZI» AQ Bas dırektory, Astana qalasy (2015-2017 jj)
Almaty qalasy Sáýlet jáne qala qurylysy basqarmasynyń basshysy (2017-2018 jj)
Astana qalasynyń sáýlet, qala qurylysy jáne jer qatynastary basqarmasynyń basshysy (2019 – 2022jj)
Abaı oblysynyń ákimi (2022 j. maýsym)
23 mamyrda Jánibek Syzdyqov «Qyzylorda oblystyq grek-rım, erkin jáne áıelder kúresi federatsııasy» qoǵamdyq birlestiginiń tóraǵasy bolyp saılandy.
Jánibek Syzdyqov 1987 jyly dúnıege kelgen. M.Tynyshbaev atyndaǵy Qazaq kólik jáne kommýnıkatsııalar akademııasyn qurylys mamandyǵy boıynsha bitirgen. Eńbek jolyn 2008 jyly «Qazavtojol» kásipornynyń Qyzylorda oblystyq fılıalynda jol jumysshysy bolyp bastaǵan.
2009-2013 jyldary jeke jáne memlekettik jol qurylysy mekemelerinde eńbek etken. 2013-2023 jyldary «Avtomobıl joldary basqarmasy» JShS bólim bastyǵy, dırektordyń óndiris jónindegi orynbasary laýazymynda bolǵan. Odan keıin Qyzylorda oblystyq jolaýshylar kóligi jáne avtomobıl joldary basqarmasy basshysynyń orynbasary qyzmetin atqardy.
Qazirgi tańda Qyzylorda oblysynyń jolaýshylar kóligi jáne avtomobıl joldary basqarmasynyń basshysy.
Juma kúni Prezıdent jarlyǵymen birneshe elde elshi taǵaıyndaldy.
- Memleket basshysynyń jarlyqtarymen:
Qazaqstan Respýblıkasynyń Túrkııa Respýblıkasyndaǵy Tótenshe jáne Ókiletti Elshisi Erkebulan Ońalbekuly Sápıev Qazaqstan Respýblıkasynyń Túrki memleketteri uıymy janyndaǵy Turaqty ókili qyzmetin qosa atqarýshy laýazymyna taǵaıyndaldy;
Raýan Ábdimanapuly Jumabek Qazaqstan Respýblıkasynyń Birikken Arab Ámirlikterindegi Tótenshe jáne Ókiletti Elshisi laýazymyna taǵaıyndaldy;
Barlybaı Kárimuly Sadyqov Qazaqstan Respýblıkasynyń Kenııa Respýblıkasyndaǵy Tótenshe jáne Ókiletti Elshisi, Naırobı qalasyndaǵy Birikken Ulttar Uıymynyń bólimshesi janyndaǵy Qazaqstan Respýblıkasynyń Turaqty ókili qyzmetin qosa atqarýshy bolyp taǵaıyndaldy. Ol Qazaqstan Respýblıkasynyń Efıopııa Federatıvtik Demokratııalyq Respýblıkasyndaǵy Tótenshe jáne Ókiletti Elshisi laýazymynan bosatyldy;
Jalǵas Jumauly Ádilbaev Qazaqstan Respýblıkasynyń Efıopııa Federatıvtik Demokratııalyq Respýblıkasyndaǵy Tótenshe jáne Ókiletti Elshisi laýazymyna taǵaıyndaldy.
23 mamyrda Memleket basshysynyń ókimimen Vasılıı Lavrenov Atom energııasy jónindegi agenttigi tóraǵasynyń orynbasary laýazymyna taǵaıyndaldy.
Lavrenov Vasılıı Sergeevıch 1979 jyly 17 qarashada dúnıege kelgen.
2000 jyly Qazaq memlekettik zań akademııasyn bitirdi. 2004 jyly Dıýk ýnıversıtetiniń Quqyq mektebinde jáne Japonııanyń Kıýsıý ýnıversıtetinde Halyqaralyq quqyq mamandyǵy boıynsha bilim aldy.
Eńbek jolyn 1999 jyly «Tıtýl» zań agenttiginde zańger kómekshisi bolyp bastady. Sodan keıin «GRATA» zań fırmasynda zańger bolyp jumys istedi. 2001-2002 jyldary «Qazatomónerkásip» UAK» AQ zań departamentinde zań keńesshisi bolyp qyzmet etti.
2002-2005 jyldary «GRATA» zań fırmasy» JShS seriktesi boldy.
2005-2007 jyldary «Bateman Kazakhstan Oil and Gas Company B.V.» Qazaqstandaǵy fılıalynyń zań bóliminiń bastyǵy, quqyqtyq máseleler boıynsha bas keńesshisi bolyp jumys istedi.
2007-2008 jyldary «Integra Menedjment» JAQ (Qazaqstan Respýblıkasyndaǵy Ókildik) munaı kásipshiligine qyzmet kórsetý kompanııasynyń zań qyzmetiniń dırektory, 2008-2017 jyldary «Eastcomtrans» kompanııalar tobynyń zań departamentiniń dırektory, bas zań keńesshisi, 2019-2022 jyldary Greenline Services Ltd kompanııasynyń Býdapesht qalasyndaǵy aǵa seriktesi, keńesshisi laýazymyn atqarǵan.
2022 jyldyń mamyrynan «QazMunaıGaz» UK» AQ basqarma tóraǵasynyń orynbasary qyzmetinde boldy.
24 mamyrda Memleket basshysynyń Jarlyǵymen Darhan Satybaldy Almaty qalasynyń ákimi bolyp taǵaıyndaldy.
Darhan Satybaldy 1974 jyly Ońtústik Qazaqstan oblysynda týǵan.
S.Seıfýllın atyndaǵy Aqmola aýylsharýashylyǵy ınstıtýtyn, Qazaq gýmanıtarlyq zań ýnıversıtetin bitirgen. Ekonomıka ǵylymdarynyń kandıdaty.
Eńbek jolyn 1996 jyly Ońtústik Qazaqstan oblysynyń Keles aýdanynyń «Keles» kommýnaldyq kásipornynda bastaǵan.
2000-2006 jyldary Qarjy mınıstrliginde, Prezıdenttiń Іs basqarmasynda ártúrli laýazymdarda qyzmet atqarǵan.
2007-2010 jyldary Bilim jáne ǵylym mınıstrliginiń Bıýdjet jáne Qarjy departamentteri dırektorynyń orynbasary, Ǵylym komıteti tóraǵasynyń orynbasary bolǵan.
2010 jyly Ulttyq qaýipsizdik komıtetiniń departament bastyǵy laýazymyna taǵaıyndalǵan.
2011-2013 jyldary Premer-Mınıstr Keńsesiniń
Áleýmettik-ekonomıkalyq bólimi meńgerýshisiniń orynbasary laýazymyn atqarǵan.
2013 jyly Shymkent qalasynyń ákimi bolyp taǵaıyndalǵan.
2015-2017 jyldary Ońtústik Qazaqstan oblysy ákiminiń birinshi orynbasary laýazymyn atqarǵan. Parlament Senatynyń depýtaty bolyp saılanǵan.
2019 jylǵy naýryzdan bastap Qazaqstan Respýblıkasynyń Ózbekstan Respýblıkasyndaǵy Tótenshe jáne Ókiletti Elshisi.
2022 jylǵy 31 tamyzdan Túrkistan oblysynyń ákimi bolyp taǵaıyndaldy.
2025 qańtarda QR Prezıdenti ákimshiligi basshysynyń birinshi orynbasary bolyp taǵaıyndaldy.
«Eren eńbegi úshin» medalimen, «Qurmet» ordenimen marapattalǵan.