Elimizde apta ishinde bolǵan kadrlyq taǵaıyndaýlar

Apta basynda Eńbek jáne halyqty áleýmettik qorǵaý mınıstriniń buıryǵymen Dinmuhamed Gaıdaruly Qylyshpaev vedomstvonyń Kóshi-qon komıtetiniń tóraǵasy qyzmetine taǵaıyndaldy.

1986 jyly Shymkent qalasynda dúnıege kelgen. Qazaq gýmanıtarlyq zań ýnıversıtetin, Astana ýnıversıtetin, akademık A. Qýatbekov atyndaǵy Halyqtar dostyǵy ýnıversıtetin bitirgen. Eńbek jolyn 2008 jyly «OQO ShOB-ty quqyqtyq qorǵaý jónindegi zańgerler odaǵy» qaýymdastyǵynyń zańgeri bolyp bastady.

Eńbek joly: «Táýelsiz zańgerler» qoǵamdyq birlestiginiń tóraǵasy (2009–2015 jyldary), QR Densaýlyq saqtaý jáne áleýmettik damý mınıstrligi Zań qyzmeti departamenti Quqyqtyq taldaý basqarmasynyń sarapshysy, bas sarapshysy (2015–2017 jyldary), QR Densaýlyq saqtaý mınıstrligi Zań qyzmeti departamentiniń Quqyqtyq saraptama basqarmasynyń basshysy (2017–2018 jyldary), QR Densaýlyq saqtaý mınıstrliginiń Zań qyzmeti departamenti dırektorynyń orynbasary (2018–2020 jyldary), QR Ulttyq ekonomıka mınıstrliginiń Memlekettik basqarý júıesin damytý departamenti dırektorynyń orynbasary (2020–2021 jyldary), QR Parlamenti Májilisi Apparatynyń Ekonomıkalyq reforma jáne óńirlik damý komıtetiniń qyzmetin qamtamasyz etý bóliminiń bas konsýltanty (2021–2022 jyldary).

2022 jyldyń qyrkúıeginen bastap qazirgi ýaqytqa deıin QR Ulttyq ekonomıka mınıstrliginiń Memlekettik basqarý júıesin damytý departamentiniń dırektory qyzmetin atqardy.

Pavlodarlyq «Ertis» fýtbol klýbyna jańa bas bapker taǵaıyndaldy. Bul qyzmetti Erlan Shoıtymov atqaratyn boldy.

46 jastaǵy otandyq mamanmen resmı kelisimshart jasaldy. Erlan Shoıtymov – burynǵy kásibı fýtbolshy. Ol oıynshy retindegi mansabyn 1999 jyly bastap, Qyzylordanyń «Qaısar» klýby sapynda Qazaqstan kýbogyn jeńip alǵan. Erlan Shoıtymov «Qaısar» klýby quramynda 101 match ótkizip, 4 gol soqty. Sondaı-aq «Aqtóbe» sapynda 82 kezdesýge qatysyp, 4 márte mergendigimen kózge túsken. Oıynshy mansabyn aıaqtaǵan soń bapkerlikke aýysyp, assıstentten bas bapkerge deıingi joldan ótti.

Qaraǵandy oblysynyń ákimdigine jańa kadrlyq ózgeris engizildi. Qazaqstan Respýblıkasy Prezıdenti Ákimshiligimen kelisý boıynsha Shyńǵys Súıinbaev taǵaıyndaldy.

Shyńǵys Súıinbaev eńbek jolyn «QazMetrIn» RMK janyndaǵy Tehnıkalyq retteý jáne metrologııa komıtetiniń «Qazaqstandyq metrologııa qyzmeti» EMK Almaty fılıalynda 1-sanatty maman bolyp bastaǵan. Keıin tekserý zerthanasynyń meńgerýshisi qyzmetin atqardy.

Ár jyldary Indýstrııa jáne ınfraqurylymdyq damý mınıstrliginiń Tehnıkalyq retteý jáne metrologııa komıtetinde, sondaı-aq Saýda jáne ıntegratsııa mınıstrliginiń Tutynýshylardyń quqyqtaryn qorǵaý komıtetinde basshylyq qyzmetter atqardy.

2022–2023 jyldary Indýstrııa jáne ınfraqurylymdyq damý mınıstrliginiń Indýstrııalyq damý komıteti tóraǵasynyń orynbasary boldy.

2023 jylǵy qarashadan bastap osy taǵaıyndaýǵa deıin Qazaqstan Respýblıkasy Ónerkásip jáne qurylys mınıstrliginiń Ónerkásip komıteti tóraǵasynyń orynbasary qyzmetin atqardy.

Memleket basshysynyń Jarlyǵymen Ermek Saǵymbaev Ulttyq qaýipsizdik komıtetiniń tóraǵasy laýazymyna taǵaıyndaldy.

Ermek Aldabergenuly 1967 jylǵy 11 qazanda Almaty oblysynda dúnıege kelgen. 1989 jyly Qazaq polıtehnıkalyq ınstıtýtyn, 2007 jyly Ál-Farabı atyndaǵy Qazaq ulttyq ýnıversıtetin bitirgen. 1994-2006 jyldary ulttyq qaýipsizdik organdarynda túrli ofıtserlik laýazymdarda qyzmet atqardy.

2006-2019 jyldary QR Prezıdenti Kúzet qyzmetinde ofıtserlik jáne basshylyq qyzmetter atqarǵan.

2019-2021 jyldary Memlekettik kúzet qyzmeti bastyǵynyń orynbasary – QR Prezıdenti Kúzet qyzmetiniń bastyǵy boldy.

2021-2022 jyldary Memlekettik kúzet qyzmeti bastyǵynyń mindetin atqarýshy, keıin Memlekettik kúzet qyzmetiniń bastyǵy qyzmetin atqardy.

2022 jylǵy qańtardan bastap Qazaqstan Respýblıkasy Ulttyq qaýipsizdik komıtetiniń tóraǵasy qyzmetin atqaryp keledi.

Ermek Saǵymbaev ІІ dárejeli «Dańq» ordenimen, vedomstvolyq jáne mereıtoılyq medaldarmen marapattalǵan. QR Memlekettik kúzet qyzmetiniń qurmetti qyzmetkeri.

2020 jyly Prezıdent Jarlyǵymen Memlekettik kúzet qyzmetiniń general-maıory, al 2022 jyly ulttyq qaýipsizdik general-leıtenanty áskerı ataǵy berilgen.

Dmıtrıı Malahov Joǵary Sot Keńesiniń tóraǵasy laýazymyna qaıta taǵaıyndaldy.

Qazaqstan Respýblıkasy Іshki ister mınıstrliginiń, Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (Qarjy polıtsııasy), Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl Ulttyq Bıýrosynyń (Sybaılas jemqorlyqqa qarsy qyzmet) óńirlik departamentteri men ortalyq apparatynyń departamentterinde basshy orynbasary (07.2004-03.2019)

Qazaqstan Respýblıkasynyń Qarjy mınıstrligi Qarjy monıtorıngi komıtetiniń Jedel departamentiniń basshysy (03.2019-09.2020)

Qazaqstan Respýblıkasynyń Sybaılas jemqorlyqqa qarsy is-qımyl agenttigi tóraǵasynyń orynbasary (09.2020-03.2022)

Qazaqstan Respýblıkasynyń Sybaılas jemqorlyqqa qarsy is-qımyl agenttigi tóraǵasynyń birinshi orynbasary (03.2022-10.2023)

Qazaqstan Respýblıkasynyń Qarjy monıtorıngi agenttigi tóraǵasynyń orynbasary (11.10.2023-13.02.2024)

Qazaqstan Respýblıkasynyń Qarjy monıtorıngi agenttiginiń Tóraǵasy (13.02.2024-16.09.2024)

Qazaqstan Respýblıkasy Joǵary Sot Keńesiniń Tóraǵasy (19.09.2024 bastap)

Memleket basshysynyń Jarlyǵymen Artýr Lastaev Adam quqyqtary jónindegi ýákil laýazymyna taǵaıyndaldy.

Artýr Ermekuly eńbek jolyn Almaty qalasy prokýratýrasynda bastaǵan. 2006-2008 jyldary Bostandyq aýdany prokýrorynyń kómekshisi, 2008-2010 jyldary Almaty qalasy prokýratýrasy basqarmasynyń aǵa kómekshisi jáne prokýrory qyzmetterin atqardy.

2010-2016 jyldary QR Bas prokýratýrasynyń áleýmettik-ekonomıkalyq saladaǵy zańdylyqty qadaǵalaý departamentinde aǵa prokýror, keıin bólim bastyǵy boldy.

2016-2018 jyldary Jenevadaǵy BUU bólimshesi janyndaǵy Qazaqstannyń Turaqty ókildiginde Bas prokýratýranyń resmı ókili ári mıssııa keńesshisi qyzmetin atqardy. 2018-2022 jyldary Qazaqstannyń Shveıtsarııadaǵy Elshiliginde Bas prokýratýranyń resmı ókili ári keńesshi boldy.

2022-2023 jyldary QR Bas prokýratýrasynyń halyqaralyq-quqyqtyq yntymaqtastyq qyzmetin basqardy.

2023 jyldan beri Qazaqstan Respýblıkasyndaǵy Adam quqyqtary jónindegi ýákil qyzmetin atqaryp keledi.

Artýr Lastaev 2005 jyly Ál-Farabı atyndaǵy Qazaq ulttyq ýnıversıtetin «Halyqaralyq quqyq» mamandyǵy boıynsha támamdaǵan. 2007 jyly osy ýnıversıtette «Ekonomıka jáne quqyq negizderi» mamandyǵy boıynsha magıstr dárejesin alǵan.

2015 jyly AQSh-taǵy Vırgın ýnıversıtetinde qylmystyq ádilet tóreligi boıynsha magıstrlik baǵdarlamadan ótip, sertıfıkat alǵan. Sol jyly AQSh Federaldyq tergeý bıýrosynyń Ulttyq akademııasynda arnaıy daıyndyqtan ótken.

2018 jyly Jeneva ýnıversıtetinde «Qarýly qaqtyǵystardaǵy halyqaralyq quqyq» mamandyǵy boıynsha magıstr dárejesin alǵan.

II dárejeli «Aıbyn» ordenimen jáne «Prokýratýra úzdigi» tósbelgisimen marapattalǵan. Sondaı-aq QR Syrtqy ister mınıstrligi men Bas prokýratýranyń Qurmet gramotalary jáne Alǵys hattaryna ıe.

Janbolat Qaldybaıuly Úsenovty Syrtqy ister mınıstrliginiń resmı ókili qyzmetine taǵaıyndaldy.

Ol 1983 jyly Túrkistan oblysynda dúnıege kelgen. 2004 jyly Máskeý memlekettik halyqaralyq qatynastar ınstıtýtynyń (MMHQI) saıasattaný fakýltetin támamdaǵan.

Eńbek joly: «QazMunaıGaz-Servıs» JShS jetekshi sarapshysy (2004-2006 jj.), Qazaqstan Respýblıkasy Syrtqy ister mınıstrligi Eýropa jáne Amerıka departamentiniń attashesi (2006-2007 jj.), Qazaqstan Respýblıkasynyń Ulybrıtanııadaǵy Elshiliginiń attashesi (2007 j.), Qazaqstan Respýblıkasynyń Amerıka Qurama Shtattaryndaǵy Elshiliginiń úshinshi, ekinshi jáne birinshi hatshysy (2007-2011 jj.), «Shevron Munaıgaz Ink.» ınvestıtsııalyq jobalarynyń úılestirýshisi (2011-2012 jj.), QR SІM resmı ókili, Qazaqstan Respýblıkasy Syrtqy ister mınıstrligi Halyqaralyq aqparat komıteti tóraǵasynyń orynbasary (2012-2014 jj.), «Shevron Munaıgaz Ink.» úkimetpen jáne qoǵammen baılanys jónindegi dırektordyń orynbasary (2014-2017 jj.), Eýrazııalyq halyqaralyq qatynastar keńesiniń dırektory (2015-2017 jj.), Qazaqstan Respýblıkasynyń Ulybrıtanııadaǵy Elshiliginiń keńesshi-ýákili (2017-2022 jj.), «24 KZ» telearnasynda «Mır» baǵdarlamasynyń júrgizýshisi (2022-2023 jj.).

QR SІM resmı ókili qyzmetine taǵaıyndalǵanǵa deıin «Vernyı Kapıtal» kompanııasynyń korporatıvtik kommýnıkatsııalar jónindegi basqarýshy dırektory qyzmetin atqarǵan.

Jappar Asqar Syrtqy ister mınıstrligini Apparatynyń basshysy bolyp taǵaıyndaldy.

Ol 1982 jylǵy 23 naýryzda Shymkent qalasynda dúnıege kelgen. 2003 jyly Ońtústik Qazaqstan memlekettik ýnıversıtetin, 2022 jyly Reseı Federatsııasy Syrtqy ister mınıstrliginiń Dıplomatııalyq akademııasyn bitirgen.

27.11.2003 — 05.07.2004 jj. — QR Ádilet mınıstrligi Qylmystyq-atqarý júıesi komıtetiniń «Eńbek-Shymkent» RMK býhgalteri.

28.09.2004 — 10.11.2006 jj. — Astana qalasy ákimdigi Kommýnaldyq sharýashylyq departamentiniń jetekshi mamany, bas mamany.

10.11.2006 — 11.02.2008 jj. — QR Parlamenti Májilisi depýtatynyń kómekshisi.

11.02.2008 — 02.06.2008 jj. — QR Parlamenti Májilisiniń Halyqaralyq ister, qorǵanys jáne qaýipsizdik komıteti qyzmetin qamtamasyz etý bóliminiń bas konsýltanty.

02.06.2008 — 30.06.2008 jj. — QR Parlamenti Májilisiniń Redaktsııalaý jáne aýdarma bóliminiń sektor meńgerýshisi.

30.06.2008 — 20.01.2015 jj. — QR Syrtqy ister mınıstrligi júıesinde.

20.01.2015 — 07.07.2015 jj. — QR Prezıdenti Іs basqarmasynyń «Saryarqa» korporatıvtik qorynyń atqarýshy dırektory.

08.07.2015 — 17.03.2016 jj. — QR Prezıdenti Іs basqarmasynyń «Býrabaı damý» JShS dırektsııasynyń jáne «OK „Oqjetpes“ ESK (emdeý-saýyqtyrý kesheni) obektilerin basqarýshy.

20.02.2017 — 25.05.2018 jj. — „Memlekettik arhıv“ MM katalogtaý jáne aqparattyq tehnologııalar bóliminiń meńgerýshisi, dırektordyń mindetin ýaqytsha atqarýshy.

22.10.2018 — 05.03.2020 jj. — QR SІM-niń "Dıplomatııalyq servıs" ShJQ RMK resmı jáne hattamalyq is-sharalar bóliminiń bastyǵy.

06.03.2020 — 16.07.2023 jj. — Qazaqstan Respýblıkasynyń Reseı Federatsııasyndaǵy Elshiliginiń ÁShB basqarýshysy.

10.08.2023 — 05.01.2026 jj. — QR Prezıdenti Іs basqarmasynyń „Memlekettik rezıdentsııalar dırektsııasy“ RMK dırektory.

19.01.2026 — 20.08.2026 jj. — Qazaqstan Respýblıkasy Syrtqy ister mınıstrliginiń Qamtamasyz etý jáne qujat aınalymy departamentiniń dırektory.

2026 jylǵy 20 tamyzdan bastap — Qazaqstan Respýblıkasy Syrtqy ister mınıstrliginiń Apparat basshysy.

Qazaqstan Respýblıkasy Ǵylym jáne joǵary bilim mınıstriniń buıryǵymen Erjan Ámirbekuly vedomstvonyń Joǵary jáne joǵary oqý ornynan keıingi bilim komıtetiniń tóraǵasy qyzmetine taǵaıyndaldy.

1976 jyly Jambyl oblysynda dúnıege kelgen. M.H.Dýlatı atyndaǵy Taraz memlekettik ýnıversıtetin támamdaǵan. Eńbek jolyn 1998 jyly M.H.Dýlatı atyndaǵy Taraz memlekettik ýnıversıtetinde oqytýshy bolyp bastaǵan.

2004–2014 jyldary — T.Rysqulov atyndaǵy Qazaq ekonomıkalyq ýnıversıtetiniń aǵa oqytýshysy, professor, kafedra meńgerýshisi.

2014–2015 jyldary – QR Bilim jáne ǵylym mınıstrliginiń Ulttyq testileý ortalyǵy basqarmasynyń jetekshisi.

2015–2018 jyldary – Qazaq ekonomıka, qarjy jáne halyqaralyq saýda ýnıversıteti Halyqaralyq bıznes mektebiniń dırektory, Akademııalyq qyzmet jáne ǵylym jónindegi prorektory.

2018–2020 jyldary — Taraz memlekettik pedagogıkalyq ýnıversıtetiniń rektory.

2020–2021 jyldary — Taraz óńirlik ýnıversıteti rektorynyń mindetin atqarýshy, rektory.

2021–2022 jyldary — QR Bilim jáne ǵylym mınıstrliginiń Joǵary jáne joǵary oqý ornynan keıingi bilim departamenti dırektorynyń orynbasary.

2022–2025 jyldary – «Y.Altynsarın atyndaǵy Arqalyq pedagogıkalyq ınstıtýty» KeAQ basqarma tóraǵasy – rektory.

2025 jylǵy qańtardan bastap qazirgi ýaqytqa deıin «Álkeı Marǵulan atyndaǵy Pavlodar pedagogıkalyq ýnıversıteti» KeAQ basqarma tóraǵasy – rektory qyzmetin atqardy.

Jankúıerlerge jaqsy tanys maman Rýslan Esatov qaıtadan «Kaspıı» (Aqtaý) komandasy tizginin ustady.

Rýslan Esatov 1984 jyly 31 qazanda dúnıege kelgen. Fýtbolshy mansabynda 2004-2019 jyldar aralyǵynda «Jambyl», «Taraz», «Gornıak» (Hromtaý), «Kaspıı» (Aqtaý), «Asbest» (Qostanaı oblysy), «Lashyn» (Jambyl oblysy), «Qaısar» (Qyzylorda), «Jetisý» (Taldyqorǵan), «Atyraý», «Maqtaral» (Túrkistan oblysy) komandalarynda oınady.

2019 jyldan beri bapkerlik qyzmetinde «Maqtaral», «Taraz-Qarataý» klýbtarynyń tizginin ustaǵan edi. Rýslan Esatovtyń jetekshiligimen ótken maýsymda «Kaspıı» Birinshi lıga chempıony atanyp, Premer-lıgaǵa joldama aldy. Al Ashat Qusaıynov «Kaspııdiń» bas bapkerdiń kómekshisi qyzmetine qosyldy.

Mavrıtanııa ókili Ismaıl ýld Sheıh Ahmed Islam yntymaqtastyǵy uıymynyń bas hatshysy bolyp saılandy.

Ismaıl ýld Sheıh Ahmed 1960 jylǵy 9 qarashada Nýakshot qalasynda dúnıege kelgen. Monpele ýnıversıtetinde ekonomıka bakalavry dárejesin, Manchester ýnıversıtetinde adam resýrstaryn damytý salasy boıynsha magıstr dárejesin alǵan. Sonymen qatar Maastrıht ýnıversıtetinde bilim alǵan.

Ár jyldary BUU qurylymdarynda qyzmet atqarǵan. 2008–2012 jyldary BUU-nyń Sırııadaǵy turaqty úılestirýshisi, gýmanıtarlyq úılestirýshisi jáne BUU Damý baǵdarlamasynyń turaqty ókili boldy. 2012–2014 jyldary Iemende osyǵan uqsas qyzmetter atqardy.

2014 jyly BUU Bas hatshysynyń Lıvııadaǵy arnaıy ókiliniń orynbasary bolyp jumys istedi. Keıin Ebola indetine tótenshe den qoıý jónindegi BUU mıssııasyn basqardy. 2015–2018 jyldary BUU Bas hatshysynyń Iemen jónindegi arnaıy elshisi qyzmetin atqardy. Buǵan deıin ıÝNISEF-te basshylyq qyzmetterde jumys istegen.

2018 jyly Ismaıl ýld Sheıh Ahmed Mavrıtanııanyń syrtqy ister mınıstri bolyp taǵaıyndaldy. Ol arab, frantsýz jáne aǵylshyn tilderin meńgergen.

Elordada birinshi sessııa ashylǵannan keıin QR Quryltaıynyń tóraǵasy laýazymyna Aıbek Dádebaı saılandy.

Bul rette atalǵan kandıdat jasyryn daýys berýge arnalǵan bıýlletenge engizildi. Depýtattar arasynan esep komıssııasy qurylyp, komıssııa daýys berý barysyn qadaǵalady. Osy oraıda 145 depýtattyń 144-i A. Dádebaıdyń kadıdatýrasyn qoldady.

Aıbek Dádebaı 2001 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetin támamdaǵan. 2003 jyly osy JOO-nyń magıstratýrasyn «aımaqtaný magıstri» mamandyǵy boıynsha aıaqtaǵan.

Sonymen qatar, 2001-2002 jyldary Qazaq halyqaralyq qatynastar jáne álem tilderi ýnıversıteti Halyqaralyq týrızm menedjmenti kafedrasynyń oqytýshysy boldy.

2008-2011 jyldary QR Parlamenti Senaty Apparatynyń Parlamentaralyq baılanystar jáne halyqaralyq yntymaqtastyq bóliminiń sarapshysy, QR Parlamentiniń Senaty Tóraǵasy kómekshisiniń mindetin atqarýshy.

2011-2013 jyldary QR BUU-daǵy Turaqty Ókildiginiń úshinshi hatshysy, attashe.

2013-2019 jyldary QR Parlamenti Senaty Tóraǵasynyń hatshylyǵy meńgerýshisiniń orynbasary, meńgerýshisi.

2019-2021 jyldary QR Prezıdenti Keńsesi bastyǵynyń orynbasary.

2021 jyldyń mamyry — 2022 jyldyń qańtar aralyǵynda QR Prezıdenti Іs basqarýshysynyń orynbasary.

2022 jyly QR Prezıdenti Іs basqarýshysy. 2024 jyly QR Prezıdenti Ákimshiliginiń Basshysy boldy.

Al 2026 jyldyń mamyr aıynan Aıbek Dádebaı «Ádilet» partııasynyń tóraǵasy bolyp saılandy.

Berik Terlikbaev Abaı oblysy Jarma aýdanynyń ákimi bolyp taǵaıyndaldy.

Jańa Konstıtýtsııanyń qabyldanýyna baılanysty «Qazaqstan Respýblıkasyndaǵy saılaý týraly» Konstıtýtsııalyq zańyna tıisti ózgerister engizildi. 

Atalǵan ózgeristerge sáıkes oblystyq mańyzy bar qalalar men aýdandar ákimderin saılaý ınstıtýty joıyldy. Qazirgi ýaqytta oblystyq mańyzy bar qalalar men aýdandardyń ákimderin Qazaqstan Respýblıkasynyń zańnamasynda belgilengen tártippen oblys ákimderi tıisti máslıhattardyń kelisimimen taǵaıyndaıdy.

Berik Serikqanuly Úrjar aýdanynyń Qaraqol aýylynda dúnıege kelgen. Eńbek jolyn jumysshy bolyp bastap, keıin kásipkerlik jáne memlekettik qyzmet salalarynda eńbek etti. Aıagóz aýdanynda ekonomıka, salyq, statıstıka jáne turǵyn úı-kommýnaldyq sharýashylyq baǵyttarynda jaýapty qyzmetter atqardy.

Kóp jyl boıy statıstıka salasynda basshylyq qyzmetterde eńbek etti. Shyǵys Qazaqstan oblysy boıynsha statıstıka basqarmasy basshysynyń orynbasary, Ulttyq statıstıka bıýrosynyń Shyǵys Qazaqstan oblysy boıynsha departamentiniń, keıin Abaı oblysy boıynsha departamentiniń basshysy boldy. 2026 jylǵy 12 mamyrdan bastap Jarma aýdany ákiminiń orynbasary, aýdan ákiminiń mindetin atqarýshy qyzmetin atqardy.

Aıta keteıik, buǵan deıin, 16-20 tamyz aralyǵyndaǵy kadrlyq taǵaıyndaýlardy jazǵan edik.