Elimizde apta ishinde bolǵan kadrlyq taǵaıyndaýlar

ASTANA. KAZINFORM – Osy aptada elimizde ortalyq ta, dergilikti de atqarýshy organdarda birqatar kadrlyq aýys-túıis boldy.

Naıl Ahmetzakırov Joǵarǵy Sot Tóraǵasynyń ókimimen jańadan taǵaıyndalǵan Sot ákimshiligi basshysynyń birinshi orynbasary Shákir Shaıahmetovti tanystyrdy. 

Sh.Shaıahmetov 1977 jyly dúnıege kelgen. Shymkent energetıka jáne bıznes kolledjin «Elektrondyq esepteýish mashınalar men avtomattandyrylǵan júıelerdi baǵdarlamalaý» mamandyǵy boıynsha jáne QR Іshki ister mınıstrliginiń akademııasyn «Quqyqtaný» mamandyǵy boıynsha bitirgen. «Bolashaq» baǵdarlamasy boıynsha Kembrıdj ýnıversıtetinde ǵylymı taǵylymdamadan ótken. Zań ǵylymdarynyń kandıdaty, dotsent.

Ádilet mınıstrligi Qylmystyq-atqarý júıesi komıtetiniń akademııasynda, S.Esqaraev atyndaǵy Bas prokýratýranyń Prokýratýra kadrlarynyń biliktiligin arttyrý ınstıtýtynda, Bas prokýratýra janyndaǵy Quqyq qorǵaý organdary akademııasynda túrli basshylyq qyzmetterdi atqarǵan. 2023 jyldan – SÁ halyqaralyq baılanystar bóliminiń bastyǵy.

Rollan Serikov Týrızm jáne sport mınıstrligi apparatynyń basshysy bolyp taǵaıyndaldy. 

1979 jyly Semeı oblysynda dúnıege kelgen. Shákárim atyndaǵy Semeı memlekettik ýnıversıtetin, T. Rysqulov atyndaǵy Qazaq ekonomıkalyq ýnıversıtetin («NARXOZ» ýnıversıteti) bitirgen. PhD doktory.

Eńbek jolyn 2000 jyly Shákárim atyndaǵy Semeı memlekettik ýnıversıtetinde oqytýshy-taǵylymdamashy bolyp bastaǵan. 2000-2016 jyldary — joǵary bilim berý salasynda oqytýshy retinde jáne túrli basshylyq laýazymdarda jumys istedi, strategııalyq jáne bıýdjettik josparlaý máselelerine jetekshilik etti.

2017-2020 jyldary — BǴM Ulttyq testileý ortalyǵynyń testileýdi uıymdastyrý jáne ótkizý basqarmasynyń basshysy. 2021-2023 jyldary Astana qalasynyń Dene shynyqtyrý jáne buqaralyq sport akademııasynda, Qazaq Kuresi qaýymdastyǵynda basshylyq qyzmetter atqardy. 2023 jyldan bastap qazirgi ýaqytqa deıin Týrızm jáne sport mınıstrligi Sport jáne dene shynyqtyrý isteri komıteti tóraǵasynyń orynbasary qyzmetin atqardy.

Qazaqstan Respýblıkasy Úkimetiniń Qaýlysymen Dmıtrıı Mýn Andreevıch Qazaqstan Respýblıkasynyń tsıfrlyq damý, ınnovatsııalar jáne aeroǵarysh ónerkásibi vıtse-mınıstri bolyp taǵaıyndaldy. 

Dmıtrıı Mýn Andreevıch 1991 jyly 2 sáýirde dúnıege kelgen. 2014 jyly M.V. Lomonosov atyndaǵy Máskeý memlekettik ýnıversıtetin «Qoldanbaly matematıka jáne ınformatıka» mamandyǵy boıynsha bitirgen.

2014 jylǵy tamyz - 2017 jylǵy qyrkúıek aralyǵy – «Ekonomıkalyq zertteýler ınstıtýty» AQ-da, «Qazposhta» AQ-da jumys istedi; 2017 jylǵy qyrkúıek - 2018 jylǵy qarasha aralyǵy – QR prokýratýrasynyń leıtenanty, Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti Analıtıkalyq bóliminiń bastyǵy; 2019 jylǵy qazan - 2023 jylǵy tamyz aralyǵy - «Ulttyq aqparattyq tehnologııalar» AQ-da ınjener-baǵdarlamashy, joba jetekshisi, Big Data jónindegi basqarýshy dırektor. 2023 jylǵy tamyz aıynan bastap osy ýaqytqa deıin «Ulttyq aqparattyq tehnologııalar» AQ basqarma tóraǵasynyń orynbasary qyzmetin atqardy.

Ramanhan Tóregeldıev QR Qarjy mınıstrliginiń Іshki memlekettik aýdıt komıteti tóraǵasynyń orynbasary laýazymyna taǵaıyndaldy. 

Ramanhan Tóregeldıev 1984 jyly Ońtústik Qazaqstan oblysynyń dúnıege kelgen. Muhtar Áýezov atyndaǵy Ońtústik Qazaqstan memlekettik ýnıversıtetin, Shymkent áleýmettik-pedagogıkalyq ýnıversıtetin jáne Qarjy akademııasyn bitirgen.

Memlekettik qyzmettegi jalpy eńbek ótili 14 jyldan asady. Ol memlekettik aýdıt jáne qarjylyq baqylaý salasyndaǵy mansabyn 2009 jyly Qazaqstan Respýblıkasy Qarjy mınıstrligi Qarjylyq baqylaý komıtetiniń Іshki ákimshilendirý jáne personalmen jumys basqarmasynyń sarapshysy laýazymynan bastady. 2017-2020 jyldar aralyǵynda Іshki memlekettik aýdıt komıtetinde basqarma basshysy bolyp jumys istedi, sondaı-aq Almaty oblysy boıynsha Іshki memlekettik aýdıt departamenti basshysynyń orynbasary qyzmetin atqardy. 2020 jyldan 2023 jylǵa deıin Batys Qazaqstan oblysy boıynsha Іshki memlekettik aýdıt departamentiniń basshysy boldy. 2023 jyldan bastap Qazaqstan Respýblıkasy Qarjy mınıstrliginiń Іshki memlekettik aýdıt jónindegi apellıatsııa departamentiniń dırektory qyzmetin atqaryp keldi.

Almaty ákimi Erbolat Dosaevtyń ókimimen qalanyń qoǵamdyq densaýlyq saqtaý basqarmasy basshysynyń mindetin atqarýshy bolyp Ásııa Aıqanqyzy Aqanova taǵaıyndaldy. 

Ásııa Aqanova dárigerler otbasynda týyp-ósken.«Bolashaq» baǵdarlamasynyń túlegi bola otyryp, University College London (2013 jáne Asfendııarov atyndaǵy Qazaq ulttyq medıtsına ýnıversıtetin (2015), «Jalpy Medıtsına» mamandyǵy boıynsha doktorantýrany (2016) bitirgen. Sondaı-aq, Qazaqstan Respýblıkasy Prezıdentiniń janyndaǵy Memlekettik basqarý akademııasynda jergilikti jáne memlekettik basqarý mamandyǵy boıynsha oqýyn aıaqtady (2024). Іskerlik ákimshilendirý magıstri dárejesine ıe.

Ol eńbek jolyn 2011 jyly QazUMÝ otbasylyq medıtsına kafedrasynyń zerthanashysy jáne ádiskeri, dotsenti, keıin kafedra meńgerýshisi bolyp bastaǵan. 2018-2020 jyldar aralyǵynda Almatyda belsendi uzaq ómir súrý ortalyǵynyń ashýmen jáne oǵan basshylyq jasaýmen aınalysty. 2022 jyldan bastap qazirgi ýaqytqa deıin ol VIII saılanǵan Almaty qalasy máslıhatynyń depýtaty.

Ulytaý oblysynda qoǵamdyq damý basqarmasy jáne Qarjy basqarmasynyń basshylary aýysty.  Atap aıtqanda, Baqytjan Jaılaýbaev Ulytaý oblysy qoǵamdyq damý basqarmasynyń basshysy bolyp taǵaıyndaldy.

Baqytjan Ómirtaıuly 1984 jyly 21 qańtarda týǵan. Ó.Baıqońyrov atyndaǵy Jezqazǵan ýnıversıtetin «Zańger» mamandyǵy boıynsha bitirgen. Ár jyldary Sátbaev qalasy mádenı-saýyq ortalyǵynyń dırektory, Sátbaev qalasy ishki saıasat bóliminiń basshysy; Aqparat jáne qoǵamdyq damý mınıstrligi Azamattyq qoǵam isteri komıteti taldaý jáne josparlaý basqarmasynyń basshysy; Energetıka mınıstrligi tsıfrlandyrý jáne aqparattandyrý basqarmasynyń basshysy bolyp qyzmet etken. Ulytaý oblysy qurylǵannan bastap, osy ýaqytqa deıin Jezqazǵan qalasy ákiminiń áleýmettik máseleler boıynsha orynbasary bolǵan.

Sonymen qatar, Jeńis Qııanbekov Ulytaý oblysy Qarjy basqarmasynyń basshysy bolyp taǵaıyndaldy. 

Jeńis Shádiuly 1986 jyly 9 mamyrda týǵan. Mamandyǵy boıynsha qarjyger jáne zańger. Qazaq ulttyq agrarlyq ýnıversıtetin jáne Bóketov atyndaǵy Qaraǵandy memlekettik ýnıversıtetin bitirgen. Eńbek jolyn Almaty oblysynyń qarjy basqarmasynda jetekshi maman bolyp bastaǵan. Ár túrli jyldary Almaty oblysy qarjy basqarmasy bıýdjet atqarylýyn monıtorıngileý bóliminiń basshysy; Astana qalasy boıynsha Qazynashylyq departamentiniń shottar jáne túsimder bóliminiń basshysy; Qaraǵandy oblysy Ulytaý aýdany jáne Jezqazǵan qalasy qazynashylyq basqarmasynyń basshysy bolǵan. Keıingi jyldary QR Bas prokýratýrasy ishki aýdıt basqarmasynyń jáne Ulytaý oblysy boıynsha qazynashylyq departamentiniń basshysy bolyp qyzmet etti.

Mańǵystaý oblysynyń ákimi Nurdáýlet Qılybaıdyń ókimimen Ersin Ibrashev Mańǵystaý oblysy týrızm basqarmasynyń basshysy bolyp taǵaıyndaldy.

Ersin Ibrashev 1989 jyly týǵan. Bilimi joǵary. 2013 jyly Qytaı munaı ýnıversıtetin munaı-gaz isi mamandyǵy, 2019 jyly M. Áýezov atyndaǵy Ońtústik Qazaqstan memlekettik ýnıversıtetin halyqaralyq qatynastar mamandyǵy boıynsha bitirgen. Eńbek jolyn 2014 jyly ınjener-tehnolog bolyp bastaǵan. 2015-2016 jyldary jeke kompanııalarda basshylyq laýazymyn atqardy. 2017 jyly «Munaı jáne gaz aqparattyq-taldaý ortalyǵy» AQ Taldaý jáne jobalardy basqarý departamentiniń menedjeri boldy.

2018 jyly QR Ulttyq ekonomıka mınıstrligi Salyq jáne keden saıasaty departamenti Jer qoınaýyn paıdalaný kelisimsharttaryn saraptaý basqarmasynyń bas sarapshysy boldy. 2019 jyly QR Ulttyq ekonomıka mınıstrligi Jobalaýdy basqarý departamenti Jobalaýdy basqarý jóninde memlekettik organdardy úılestirý basqarmasynyń bas sarapshysy laýazymyn atqardy. 2020 jyly QR Ulttyq ekonomıka mınıstrligi Jobalaýdy basqarý departamenti Jobalaýdy basqarý jóninde memlekettik organdardy úılestirý basqarmasynyń basshysy qyzmetine taǵaıyndaldy.

2021 jyly QR Ulttyq ekonomıka mınıstrligi Jobalyq basqarý saıasaty departamenti Memlekettik organdardy jobalyq basqarý boıynsha úılestirý jáne qoldap otyrý basqarmasynyń basshysy boldy. 2023 jyldan osy ýaqytqa deıin Qazaqstan Respýblıkasy Ulttyq ekonomıka mınıstrligi Іshki ákimshilendirý departamenti dırektorynyń orynbasary qyzmetin atqardy.

Astanada Saraıshyq jáne Almaty aýdandandarynyń ákimderi taǵaıyndaldy. Atap aıtqanda, Prezıdent Ákimshiliginiń jáne qalalyq máslıhat depýtattarynyń kelisimimen 39 jastaǵy Maqsat Samatuly Saraıshyq aýdanynyń ákimi qyzmetine keldi.  Taǵaıyndalǵanǵa deıin Almaty aýdanynyń ákimi qyzmetin atqarǵan edi.

Marat Samatuly eńbek jolyn 2007 jyly Almaty qalasy Tabıǵı resýrstar jáne tabıǵat paıdalanýdy retteý departamentiniń mamany qyzmetinen bastaǵan. Ár jyldary «Astana qalalyq kommýnaldyq sharýashylyq», Astana qalasynyń energetıka jáne kommýnaldyq sharýashylyq departamentinde jáne t.b. jumys istedi.

2012 jyldan bastap 2019 jyldyń mamyryna deıin Almaty aýdany ákiminiń apparatynda túrli laýazymdarda boldy. 2019 jyldyń mamyrynan 2022 jyldyń tamyzyna deıin Almaty aýdany ákiminiń orynbasary, Baıqońyr aýdany ákiminiń orynbasary qyzmetterin atqardy. 2022 jyldyń tamyz aıynan bastap Almaty aýdanynyń ákimi laýazymynda boldy.

Al onyń ornyna 39 jastaǵy Rýstam Táýekelov keldi. 

Ol Eńbek jolyn QR Ekonomıkalyq qylmysqa jáne sybaılas jemqorlyqqa qarsy kúres agenttiginde bastaǵan. Ár jyldary «Balkantaý KZ» JShS basshysy, «Elorda qurylys kompanııasy» JShS dırektorynyń orynbasary, «City Transportation Systems» JShS Basqarma tóraǵasynyń orynbasary bolyp jumys istegen. 2022 jyldyń qazan aıynan bastap «Elorda qurylys kompanııasy» JShS basshysy qyzmetin atqardy.

Almaty oblysy Polıtsııa departamentinde kadrlyq aýys-túıis boldy.  Polıtsııa qyzmeti basqarmasynyń bastyǵy laýazymyna Abdýnýr Tasybaev jáne Uıymdasqan qylmysqa qarsy kúres basqarmasynyń bastyǵyna Baıjan Satylǵanov taǵaıyndaldy.

Abdýnýr Tasybaev 1975 jyly Túlkibas aýdanynda dúnıege kelgen. QR ІІM Akademııasynyń zań ınstıtýtyn támámdáp, Іshki ister organdarynda 1993 jyly qyzmet jolyn bastaǵan. Buǵan deıin Almaty qalasynyń Polıtsııa departamentinde ártúrli basshylyq laýazymdarda jumys istedi. Osy ýaqytqa deıin Almaty qalasy PD Medeý APB-na qarasty polıtsııa bólimin basqardy.

Al polıtsııa maıory Baıjan Satylǵanov 1989 jyly 18 mamyrda Qordaı aýdany Mıhaılovka aýylynda dúnıege kelgen. Іshki ister organdarynda 2012 jyldyń qańtarynan bastap qyzmet etedi. Eńbek jolyn ýchaskelik polıtsııa ınspektorynyń kómekshisi qyzmetinen bastaǵan. Buǵan deıin Kóliktegi polıtsııa departamentiniń, sondaı-aq Jambyl oblysy T.Rysqulov atyndaǵy aýdandyq polıtsııa bóliminiń bastyǵy laýzymynda qyzmet atqarǵan.

Talǵar qalasy ákiminiń orynbasary laýazymyna Baýyrjan Baıbatyrov taǵaıyndaldy. 

Baýyrjan Baıbatyrov 1987 jyly 29 qazan kúni dúnıege kelgen. Bilimi — joǵary. Ortalyq Azııa Ýnıversıtetin quqyqtaný mamandyǵy boıynsha bitirgen. Jalpy memlekettik qyzmettegi eńbek ótili — 8 jyl. Eńbek jolyn 2014 jyly Bólek aýyldyq okrýginiń ákimdiginde jetekshi maman bolyp bastaǵan. 2018-2020 jyldary Eńbekshiqazaq aýdany boıynsha kirister basqarmasynyń bas mamany boldy. 2023 jyldan beri Talǵar aýdany ákiminiń apparaty memlekettik-quqyqtyq bóliminiń bas mamany qyzmetin atqardy.

Óńirlik kadr rezerviniń múshesi Daýt Dáýlet Oraluly Aqmola oblysy Tselınograd aýdanynyń ákimi apparatynyń basshysy laýazymyna taǵaıyndaldy. 

Dáýlet Daýt 1996 jylǵy 11 qazanda Kókshetaý qalasynda týǵan. 2018 jyly L.N.Gýmılev atyndaǵy Eýrazııa ulttyq ýnıversıtetin «Kólik, kólik tehnıkasy jáne tehnologııalary» mamandyǵy boıynsha bitirdi. Eńbek jolyn 2019 jyly Qazaqstan Respýblıkasynyń Ulttyq ekonomıka mınıstrliginde sarapshy laýazymynan bastaǵan. 2021-2023 jyldary aralyǵynda mınıstrliktiń ekonomıka salalaryn damytý departamenti salalardy ınstıtýtsıonaldyq damytý basqarmasynyń bas sarapshysy laýazymynda qyzmet etti. 2023 jyldan bastap búgingi kúnge deıin Qazaqstan Respýblıkasy Ulttyq ekonomıka mınıstrligi Ekonomıka salalaryn damytý departamenti salalardy ınstıtýtsıonaldyq damytý basqarmasynyń basshysy laýazymynda qyzmet atqaryp keldi.

Nyǵman Júsipov Ertis aýdanynyń ákimi bolyp taǵaıyndaldy.

Nyǵman Mútálápuly 1978 jyly 12 qarashada Ertis aýdanynyń Severnoe aýylynda dúnıege kelgen. Eki joǵary bilimi bar. Eńbek jolyn týǵan aýdanynda tarıh pániniń muǵalimi bolyp bastaǵan. Memlekettik qyzmet ótili 10 jyldan asady. 2020 jyldan bastap Ertis aýdany ákiminiń orynbasary qyzmetin atqardy.

Prezıdent Ákimshiliginiń jáne Aqsý qalalyq máslıhatynyń kelisimimen Aqsý qalasynyń ákimi laýazymyna Bolatbek Sháripov taǵaıyndaldy. 

Bolatbek Sháripov 1973 jyly Ertis aýdanynyń Zarechnoe aýylynda dúnıege kelgen. Bilimi joǵary. Eńbek jolyn 1992 jyly bastaǵan. Memlekettik qyzmette 2008 jyldan bastap jumys isteıdi. Ertis aýdanynda ol basqarma basshysynan aýdan ákimine deıingi eńbek jolynan ótti. «Eren eńbegi úshin» medalimen marapattalǵan.

Prezıdent Ákimshiliginiń jáne Іle aýdany máslıhaty depýtattarynyń kelisimi boıynsha, Almaty oblysy ákiminiń ókimimen Qaıyrjan Serikbaıuly Jaqsymbetov Іle aýdanynyń ákimi bolyp taǵaıyndaldy. 

Qaıyrjan Serikbaıuly 1975 jyly Jambyl oblysy, Moıynqum aýdanynda dúnıege kelgen. 1997 jyly Qazaq memlekettik sáýlet-qurylys akademııasyn «ónerkásiptik jáne azamattyq qurylys» mamandyǵy boıynsha, al 2004 jyly Qazaq ulttyq agrarlyq ýnıversıtetin «zańger» mamandyǵy boıynsha támamdaǵan.

Eńbek jolyn Jambyl oblysynda «Jambylagropromstroı» AQ qurylys ýchaskesiniń brıgadıri qyzmetinen bastaǵan. Ár jyldary Taraz qalasyndaǵy «Saryarqa» aýyl sharýashylyǵy kásipornynyń vıtse-prezıdenti, Almaty qalasynyń Memlekettik sáýlet-qurylys baqylaý basqarmasynda ǵımarattardy rekonstrýktsııalaýdy jáne qaıta josparlaýdy baqylaý bólimderiniń bas mamany men basshysy, Almaty qalasy boıynsha Memlekettik sáýlet-qurylys baqylaý jáne lıtsenzııalaý departamenti dırektorynyń orynbasary men departament basshysy, Almaty qalasy Alataý aýdany ákiminiń orynbasary, Balqash-Alakól basseındik ınspektsııasy basshysynyń orynbasary, Almaty oblysy Memlekettik sáýlet-qurylys baqylaý basqarmasynyń basshysy qyzmetterin atqardy.