Elimizde apta ishinde bolǵan kadrlyq taǵaıyndaýlar

13 shilde kúni Sáken Átel Sý resýrstary jáne ırrıgatsııa mınıstrligi Strategııalyq damytý departamenti dırektory bolyp taǵaıyndaldy. Bul týraly vedomstvonyń baspasóz qyzmeti habarlady.

Sáken Átel 1994 jyly Túrkistan oblysynda dúnıege kelgen. 2015 jyly L.N.Gýmılev atyndaǵy Eýrazııa ulttyq ýnıversıtetin «Gıdrologııa» mamandyǵy boıynsha, al 2019 jyly M. Nárikbaev atyndaǵy ýnıversıtetti «Quqyqtaný» mamandyǵy boıynsha támamdaǵan.

Eńbek jolyn 2015 jyly Aýyl sharýashylyǵy mınıstrligi Sý resýrstary komıtetiniń Esil basseındik ınspektsııasyna qarasty Aqmola aýmaqtyq keshendi sý resýrstaryn paıdalaný bóliminde bas maman mindetin atqarýshy retinde bastap, keıin osy bólimniń bas mamany qyzmetin atqarǵan.

2017-2019 jyldary sý resýrstaryn paıdalanýdy retteý jáne qorǵaý jónindegi Esil basseındik ınspektsııasy sý qoryn memlekettik baqylaý jáne qorǵaý bóliminiń bas mamany.

2019-2020 jyldary sý resýrstaryn paıdalanýdy retteý jáne qorǵaý jónindegi Esil basseındik ınspektsııasynyń sý resýrstaryn monıtorıngileý, memlekettik esepke alý jáne kadastr bóliminiń basshysy.

2020-2022 jyldary Ekologııa, geologııa jáne tabıǵı resýrstar mınıstrligi Sý resýrstary komıtetiniń sý resýrstaryn paıdalanýdy retteý basqarmasynyń bas sarapshysy boldy.

2022-2023 jyldary Sý resýrstary komıtetiniń sý resýrstaryn esepke alý basqarmasynyń basshysy, keıin sý resýrstaryn paıdalanýdy retteý jáne esepke alý basqarmasynyń basshysy qyzmetterin atqardy.

2023-2024 jyldary aldymen Sý sharýashylyǵy komıtetiniń, keıin Sý resýrstary jáne ırrıgatsııa mınıstrligi Sý resýrstaryn retteý, qorǵaý jáne paıdalaný komıtetiniń sý qoryn paıdalaný jáne qorǵaý salasyndaǵy memlekettik baqylaý basqarmasynyń basshysy boldy.

2024-2025 jyldary Sý resýrstary jáne ırrıgatsııa mınıstrligi Sý resýrstaryn retteý, qorǵaý jáne paıdalaný komıtetiniń sý resýrstaryn paıdalanýdy retteý basqarmasynyń basshysy qyzmetin atqardy.

2025 jylǵy qazan aıynan bastap qazirgi ýaqytqa deıin Sý resýrstary jáne ırrıgatsııa mınıstrligi Strategııalyq damytý departamenti dırektorynyń orynbasary qyzmetin atqaryp keldi.

2025 jyly sý salasyn damytýǵa qosqan eleýli úlesi úshin «Sý sharýashylyǵynyń úzdigi» tósbelgisimen marapattalǵan.

Dál sol kúni Jambyl oblysynyń jer resýrstaryn basqarý departamentiniń jańa basshysy bolyp Arsen Baqbergen taǵaıyndaldy.

Ol jer resýrstaryn basqarý salasynda birneshe jyldan beri eńbek etip keledi. Buǵan deıin oblystyq departament basshysynyń orynbasary qyzmetin atqarǵan, sondaı-aq Qazaqstan Respýblıkasy Aýyl sharýashylyǵy mınıstrliginiń Jer resýrstaryn basqarý komıtetiniń ortalyq apparatynda jumys istegen.

Arsen Baqbergen resmı taǵaıyndalǵanǵa deıin departament basshysynyń mindetin ýaqytsha atqardy.

Ol 2025 jyly «Agroónerkásiptik keshen jáne qorshaǵan ortany qorǵaý» baǵyty boıynsha Prezıdenttik jastar kadr rezervine irikteýge qatysty.

Al 14 shildede Túrkistan oblystyq komıssııasynyń qorytyndysy negizinde jáne Túrkistan qalasynyń ákimi Ázimbek Pazylbekulynyń ókimimen qala ákiminiń orynbasary laýazymyna Aıdos Toǵyzbaev taǵaıyndaldy.

Aıdos Toǵyzbaev 1988 jylǵy 28 qarashada Ońtústik Qazaqstan oblysy Saryaǵash qalasynda dúnıege kelgen. Bilimi joǵary. M.Saparbaev atyndaǵy Ońtústik Qazaqstan gýmanıtarlyq ınstıtýtyn jáne Qazaq tehnologııa jáne bıznes ýnıversıtetin támamdaǵan. Mamandyǵy — quqyqtaný jáne ekonomıka.

Memlekettik qyzmettegi eńbek ótili 15 jyldan asady. Eńbek jolyn 2008 jyly Astana qalasy mamandandyrylǵan aýdanaralyq ákimshilik sotynda is júrgizýshi qyzmetinen bastaǵan.

2009-2012 jyldary Astana qalasy mamandandyrylǵan aýdanaralyq ákimshilik sotynda jetekshi maman, Almaty qalasy Jetisý aýdany № 2 aýdandyq sotynda jetekshi maman, «Qazaqstan qustary» JShS-niń zańgeri, «Building +» JShS-niń dırektory qyzmetterin atqardy.

2012-2019 jyldary QR Ádilet mınıstrligi departamentinde basqarma sarapshysy, bas sarapshy, sondaı-aq Joǵarǵy Sot janyndaǵy sottardyń qyzmetin qamtamasyz etý departamentiniń Personaldy basqarý bólimi Kadr jumysy sektorynyń bas konsýltanty — ádep jónindegi ýákili boldy. Sonymen qatar 2019-2021 jyldary Túrkistan oblysy Ádilet departamenti basshysynyń orynbasary, 2021-2025 jyldary Soltústik Qazaqstan oblysy Ádilet departamentiniń basshysy qyzmetin atqardy.

2025 jyldyń aqpan aıynan bastap osy taǵaıyndaýǵa deıin Túrkistan oblysy ákimi apparaty basshysynyń orynbasary laýazymynda eńbek etti.

Jańa qyzmetinde Aıdos Toǵyzbaev kommýnaldyq sharýashylyq, qurylys, jer qatynastary, sáýlet jáne qala qurylysy salalaryna jetekshilik etedi.

15 shildede Qazaqstandyq tóreshiler ÝEFA Konferentsııa lıgasynyń 2026/2027 jylǵy maýsymyndaǵy birinshi irikteý kezeńiniń matchtaryna taǵaıyndaý aldy. Bul týraly Fýtbol federatsııasy habarlady.

Belarýstiń BATE jáne Albanııanyń «Elbasanı» klýbtary arasyndaǵy 16 shildede Ázerbaıjannyń Sýmgaıt qalasynda ótken kezdesýge otandyq tóreshiler brıgadasy qyzmet etti.

Matchtyń bas tóreshisi Danııar Sahı boldy. Oǵan kómekshiler Sergeı Vasıýtın men Samat Tergeýsizov kómektesti, al qosalqy tóreshi qyzmetin Georgıı Chehovskıı atqardy.

Sonymen qatar QFF Tórelik etý jáne qadaǵalaý departamentiniń dırektory Nýný Kashtrý Chernogorııanyń «Dechıch» jáne Latvııanyń «Lıepaıa» komandalary arasyndaǵy matchqa ınspektor bolyp taǵaıyndaldy.

Konferentsııa lıgasynyń birinshi irikteý kezeńi aıasyndaǵy bul kezdesý 15 shildede Chernogorııanyń Týzı qalasyndaǵy stadıonda ótti.

Sonymen qatar, 15 shildede Darhan Myrzabaev Ónerkásip jáne qurylys vıtse-mınıstri bolyp taǵaıyndaldy. Bul týraly Úkimettiń baspasóz qyzmeti habarlady.

1989 jyly Pavlodar oblysynda dúnıege kelgen. Q.I. Sátbaev atyndaǵy Qazaq ulttyq tehnıkalyq ýnıversıtetin, Frantsııa Respýblıkasynyń munaı jáne energetıka ulttyq joǵary mektebin, Reseı Federatsııasy Úkimeti janyndaǵy qarjy ýnıversıtetin, Qytaı-Eýropa Halyqaralyq bıznes mektebi bitirgen.

Eńbek jolyn Almatyda «PGS Kazakhstan» JShS geofızık-taǵylymdamashy bolyp bastaǵan.

2012–2015 jyldary — London qalasy, Schlumberger Ltd halyqaralyq kompanııasynyń dalalyq aǵa geofızıgi.

2015–2019 jyldary — «Tarbaǵataı Munaı» JShS ken oryndaryn ıgerý boıynsha kishi ınjener.

2020 jyly — Amazon EU S.A.R.L kompanııasynyń baǵdarlama menedjeri.

2021–2022 jyldary — «Ernst end ıAng keńes berý qyzmetteri» JShS aǵa konsýltanty.

2022–2023 jyldary — Pavlodar oblysynyń Tsıfrlyq tehnologııalar basqarmasy basshysynyń mindetin atqarýshy, basshysy.

2023 jyly — «CSI Stat» JShS menedjeri.

2024 jyly — Qazaqstan Respýblıkasynyń Tsıfrlyq damý, ınnovatsııa jáne aeroǵarysh ónerkásip mınıstrligi Innovatsııalyq damý departamentiniń dırektorynyń mindetin atqarýshy, dırektory.

2024–2025 jyldary — Qazaqstan Respýblıkasynyń Tsıfrlyq damý, ınnovatsııa jáne aeroǵarysh ónerkásip mınıstrligi Jasandy ıntellekt jáne ınnovatsııalardy damytý komıteti tóraǵasynyń orynbasary.

2025 jyldyń qazan aıynan bastap qazirgi ýaqytqa deıin Qazaqstan Respýblıkasy Úkimetiniń Apparaty Jasandy ıntellekt jáne tsıfrlyq transformatsııa bóliminiń meńgerýshisi bolyp jumys istedi.

Dál osy kúni Abaı oblysynyń ákimi Berik Ýálı Borodýlıha aýdanynyń aktıvine aýdannyń jańa ákimin tanystyrdy.

Jańa Konstıtýtsııanyń qabyldanýyna baılanysty «Qazaqstan Respýblıkasyndaǵy saılaý týraly» Konstıtýtsııalyq zańyna tıisti ózgerister engizildi. Atalǵan ózgeristerge sáıkes oblystyq mańyzy bar qalalar men aýdandar ákimderin saılaý ınstıtýty joıyldy. Qazirgi ýaqytta oblystyq mańyzy bar qalalar men aýdandardyń ákimderin Qazaqstan Respýblıkasynyń zańnamasynda belgilengen tártippen oblys ákimderi tıisti máslıhattardyń kelisimimen taǵaıyndaıdy.

«Qazaqstan Respýblıkasynyń memlekettik qyzmeti týraly» zańynyń 25 babyna sáıkes QR Prezıdent Ákimshiliginiń, Borodýlıha aýdany máslıhat depýtattarynyń kelisimimen jáne oblys ákiminiń ókimimen Borodýlıha aýdanynyń ákimi laýazymyna Talǵat Muratov taǵaıyndaldy.

Aıta keteıik, bul — jańa Konstıtýtsııa qabyldanǵannan keıingi Abaı oblysyndaǵy alǵashqy aýdan ákiminiń taǵaıyndaýy.

— Talǵat Batyruly — memlekettik qyzmettegi tájirıbesi mol, bilikti basshy. Borodýlıha aýdany — oblysymyzdyń mańyzdy strategııalyq aımaqtarynyń biri. Agrarlyq ekonomıkasy, orman sharýashylyǵy, taý-ken óndirisi salalaryndaǵy áleýeti joǵary óńir. Munymen qosa aýdan shekeralyq aımaqta ornalasqandyqtan onyń áleýmettik-ekonomıkalyq damýy bizdiń basty nazarymyzda. Biz óńir ekonomıkasyn nyǵaıtyp, halyqtyń turmys sapasyn jaqsartý baǵytynda naqty jumys jasaýymyz qajet. Sondyqtan artylǵan senimdi aqtap, Borodýlıha aýdanynyń jurtshylyǵymen birlese otyryp, osy aýdannyń odan ári damyp, gúldenýine bar kúsh-jigerin salyp, aıanbaı qyzmet etedi dep senemin, — dedi Berik Ýálı.

Talǵat Batyruly Muratov Almaty oblysynda dúnıege kelgen. Eńbek jolyn bıznes qurylymdarda bastady. Ár jyldary Besqaraǵaı aýdanynyń qurylys, sáýlet jáne qala qurylysy bóliminiń bas mamany, Jarma aýdanynyń sáýlet, qala qurylysy jáne qurylys bóliminiń basshysy, Jarma aýdany ákiminiń orynbasary, Besqaraǵaı aýdany jáne Semeı qalasynyń ákimi, oblys ákiminiń keńesshisi qyzmetin atqardy. 2026 jyldyń aqpanynan bastap osy kúnge deıin Borodýlıha aýdany ákiminiń orynbasary boldy.

16 shildede Qazaqstan Respýblıkasy Úkimetiniń qaýlysymen Eldar Kúzenbaev eńbek jáne halyqty áleýmettik qorǵaý vıtse-mınıstri qyzmetine taǵaıyndaldy. Bul týraly Úkimettiń baspasóz qyzmeti habarlaıdy.

1982 jyly Qostanaı oblysynda dúnıege kelgen. A.Baıtursynov atyndaǵy Qostanaı memlekettik ýnıversıtetin jáne M.Dýlatov atyndaǵy Qostanaı ınjenerlik-ekonomıkalyq ýnıversıtetin bitirgen.

Eńbek jolyn 2002 jyly Qostanaı oblysy Sottar ákimshisiniń uıymdastyrý-taldaý bóliminiń jetekshi mamany bolyp bastady.

2003–2006 jyldary — Qostanaı oblysy Sottar ákimshisiniń bas mamany, atqarýshylyq is júrgizýdi uıymdastyrý bóliminiń bastyǵy, aǵa sot oryndaýshysy.

2006–2008 jyldary — Qostanaı oblysy Ádilet departamenti Qarabalyq aýdandyq ádilet basqarmasynyń bastyǵy.

2008–2010 jyldary – Qostanaı oblysy Qostanaı aýdandyq ádilet basqarmasynyń bastyǵy.

2010–2013 jyldary — Qostanaı oblysy Uzynkól aýdany ákiminiń orynbasary.

2013–2018 jyldary — Qostanaı oblysy Sarykól aýdanynyń ákimi.

2018–2019 jyldary — Qostanaı oblysy Arqalyq qalasynyń ákimi.

2019–2021 jyldary — Nur Otan partııasy Qostanaı oblystyq fılıaly tóraǵasynyń birinshi orynbasary.

2021–2022 jyldary — Qostanaı oblysy ákimi apparatynyń basshysy.

2022–2026 jyldary — Qazaqstan Respýblıkasy Prezıdenti Ákimshiliginiń memlekettik ınspektory.

2026 jylǵy naýryzdan bastap qazirgi ýaqytqa deıin QR Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy qyzmetin atqardy.

17 shildede Memleket basshysynyń Jarlyǵymen Bolat Oraluly Aqsholaqov Atyraý oblysynyń ákimi laýazymyna taǵaıyndaldy. Bul týraly Aqorda habarlady.

Bolat Aqsholaqov 1971 jyly Atyraý qalasynda dúnıege kelgen.

Bilimi:

1993 j. – Qazaq memlekettik basqarý akademııasyn támamdaǵan. Mamandyǵy — ekonomıst.

1998 j. – Munaı-gaz ónerkásiptik bilim ortalyǵynda «Jer qoınaýyn paıdalaýnǵa arnalǵan kelsimsharttardy baǵalaý» jáne «Munaı óndirýdiń ekonomıkasy» mamandyǵy boıynsha bilim alǵan.

Eńbek joly:

1994-1995 jj. – ekonomıst, Alem Bank Kazakhstan bas ekonomısi.

1995-1997 jj. – Ortalyq Azııa yntymaqtastyq jáne damý bankiniń aktıvterdi basqarý bóliminiń mamany, bólim bastyǵy, dırektordyń orynbasary.

1997-2001 jj. – «Qazaqoıl» UK» JAQ Teńiz jobasy boıynsha aǵa sarapshy, menedjer, departament dırektorynyń orynbasary.

2001-2003 jj. – Commonwealth & British Services Ltd. bıznes-taldaýshysy, strategııalyq josparlaý jónindegi menedjeri, qarjy dırektory.

2006-2008 jj. – «QazMunaıGaz» UK» AQ BK-da úlesti basqarý jónindegi atqarýshy dırektory.

2006–2008 jj. - Qazaqstan Respýblıkasynyń Energetıka jáne mıneraldy resýrstar vıtse-mınıstri.

2008–2011 jj. — «Samuryq-Qazyna» UÁQ» AQ basqarýshy dırektory.

2010 jyldyń maýsymy – 2011 jyldyń qazany – PSA JShS bas dırektory.

2011 jyldyń qazan-jeltoqsany – «QazMunaıGaz»UK» AQ basqarma tóraǵasy.

2012 jyldyń qańtary – 2014 jyldyń tamyzy – QR munaı jáne gaz vıtse-mınıstri.

2014 jyldyń qyrkúıegi – 2016 jyldyń aqpany – Almex Petrochemical JShS bas dırektory.

2016 jyldyń aqpany men 2017 jyldyń qarashasy – 2016 jyldyń aqpan aıynan bastap — KAZENERGY Qazaqstan munaı-gaz jáne energetıka kesheni uıymdarynyń qaýymdastyǵy» zańdy tulǵalar birlestiginiń bas dırektory. .

2017 jyldyń 28 qarashasynan – 2019 jyldyń 4 sáýiri aralyǵynda – Qazaqstan Respýblıkasy Energetıka vıtse-mınıstri.

2019 jyldyń 4 sáýirinen - KAZENERGY qaýymdastyǵynyń bas dırektory.

2022 jylǵy 11 qańtarda Qazaqstan Respýblıkasynyń Energetıka mınıstri bolyp taǵaıyndaldy.

2023 jylǵy 4 sáýirde Memleket basshysynyń ókimimen Qazaqstan Respýblıkasy Prezıdentiniń keńesshisi laýazymyna taǵaıyndaldy.

KAZENERGY qaýymdastyǵynyń tóraǵasy (13.02.2025 bastap)

Basqa qyzmetteri:

2006-2009 jj. – «QazMunaıGaz» UK» AQ dırektorlar keńesiniń múshesi.

2008 jyldyń aqpan-qazany – «Qazatomónerkásip» UAK» AQ dırektorlar keńesiniń tóraǵasy.

2009 jyldyń aqpany – 2010 jyldyń maýsymy – «Qazatomónerkásip» UAK» AQ jáne KEGOC AQ dırektorlar keńesiniń múshesi.

2016 jyldyń 9 qyrkúıeginen – Azııa-Tynyq muhıt federatsııasy ıÝNESKO klýbtarynyń prezıdenti.

Memlekttik nagradalary: «Qurmet» ordeni.

17 shildede Memleket basshysy Qasym-Jomart Toqaevtyń arnaıy tapsyrmasymen Premer-mınıstr Oljas Bektenov pen Prezıdent ákimshiliginiń basshysy Roman Sklıar Atyraý oblysy máslıhattary depýtattarynyń jınalysyna qatysty. Bul týraly Úkimettiń baspasóz qyzmeti habarlady.

Roman Sklıar depýtattarǵa Prezıdenttiń Atyraý oblysynyń ákimi laýazymyna eki kandıdatty KAZENERGY qaýymdastyǵynyń tóraǵasy Bolat Aqsholaqov pen Atyraý oblysy ákiminiń orynbasary Daryn Shamuratovty usyný týraly hatyn oqydy.

Ashyq daýys berý qorytyndysy boıynsha 101 depýtattyń 83-i Bolat Aqsholaqovqa daýys berdi. 18 depýtat Daryn Shamuratovtyń kandıdatýrasyn qoldady. Qazaqstan Respýblıkasy Prezıdentiniń tıisti Jarlyǵymen Atyraý oblysynyń ákimi bolyp Bolat Aqsholaqov taǵaıyndaldy.

Oblys aktıvimen kezdesýde Premer-mınıstr óńirdi tórt jyl basqarǵan Serik Shápkenovke oblystyń damýyna qosqan úlesi úshin alǵysyn bildirdi.

Memleket basshysynyń qoldaýymen óńir ekonomıkasyn damytý, bıýdjetti ortalyqsyzdandyrý jáne eldi mekenderdi abattandyrý baǵytynda aýqymdy jumystar atqaryldy. Sońǵy 4 jylda óńirde júzden astam áleýmettik nysan paıdalanýǵa berilip, 1 myń shaqyrymǵa jýyq jol jóndeldi. Sonymen qatar Memleket basshysynyń tapsyrmasyna sáıkes, qazirgi ýaqytta óńirde ondaǵan jańa áleýmettik nysannyń qurylysy júrgizilip jatyr.

Oljas Bektenov oblys aktıvine jańa ákim Bolat Aqsholaqovty tanystyrdy.

Premer-mınıstr Memleket basshysynyń óńir basshylyǵy aldyna birqatar mańyzdy mindetter qoıǵanyn atap ótti. Jańa Konstıtýtsııanyń kúshine enýine baılanysty «Zań men tártip» jáne «Taza Qazaqstan» qaǵıdattaryn júzege asyrýǵa erekshe nazar aýdarý qajet.

Oljas Bektenov Memleket basshysynyń Atyraý oblysyna jasaǵan sapary barysynda bergen tapsyrmalarynyń, onyń ishinde ekologııalyq jaǵdaıdy jaqsartý, ınjenerlik jáne áleýmettik ınfraqurylymdy jańǵyrtý jáne qalalyq ortany damytý jónindegi tapsyrmalarynyń sapaly oryndalýyn qamtamasyz etý qajettigin atap ótti.

Óńdeý ónerkásibi, týrızm, IT jáne kreatıvti ındýstrııa salalaryn damytý arqyly óńir ekonomıkasyn ártaraptandyrý negizgi basymdyqtar qatarynda jatady. Oblys basshylyǵyna básekelestikti yntalandyrý, ınvestıtsııa tartý, eńbek ónimdiligin arttyrý tapsyryldy. Sonymen qatar arnaıy ekonomıkalyq aımaq pen ınnovatsııalyq tehnologııalar parkiniń áleýetin tolyq paıdalaný qajet.

Oblystyń jańa bas josparyna sáıkes, orynsyz jáne zańsyz qurylysqa jol bermeý úshin pármendi sharalar qabyldaý, aýmaqtardy abattandyrý, kógaldandyrý jáne qoǵamdyq keńistikterdiń ulǵaıýyna nazar aýdarý júkteldi. Sondaı-aq Atyraý oblysynyń jol-kólik júıesin damytý mindeti qoıyldy.

Jylý elektr ortalyǵyn gazǵa kóshirý, kásiporyndar men avtokólikterden shyǵatyn zııandy qaldyqtardyń deńgeıin baqylaý, tozǵan ınjenerlik jelilerdi ýaqytyly jańartý máselelerine erekshe nazar aýdarý qajet.

Premer-mınıstr oblys aktıvimen kezdesýde jańa Konstıtýtsııanyń qabyldanýy el damýynyń jańa kezeńin aıqyndaǵanyn atap ótti.

Prezıdenttiń tapsyrmasyna sáıkes negizgi mindet – Ádiletti ári Ozyq Qazaqstandy qurý. Atqarylyp jatqan jumystyń tıimdiligi halyqtyń kúndelikti ómirine tikeleı áser etetin naqty nátıjelermen ólshenedi.

Dál osy kúni Memleket basshysynyń Jarlyǵymen Eset Baıken Ulytaý oblysynyń ákimi laýazymyna taǵaıyndaldy. Bul týraly aqorda habarlady.

Eset Berikuly Baıken 1986 jyly Qaraǵandy oblysynyń Nura aýdanyndaǵy Barshyn aýylynda dúnıege kelgen.

2008 jyly Qazaq gýmanıtarlyq zań ýnıversıtetin, 2010 jyly E.A. Bóketov atyndaǵy Qaraǵandy memlekettik ýnıversıtetin támamdaǵan. Ekonomıka bakalavry, quqyqtaný bakalavry.

Eńbek jolyn 2008 jyly Astana qalasynyń ekonomıka jáne bıýdjettik josparlaý basqarmasynda jetekshi, sonan soń bas maman retinde bastady.

2010 jyldan beri «Astana qalasy ákimdigi apparaty» MM áleýmettik-mádenı sala bóliminiń bas mamany.

2013 jyly Astana qalasy ákiminiń bas ınspektory, «Astana qalasy ákimdigi apparaty» MM uıymdastyrý-ınspektorlyq bóliminiń jetekshisi bolyp taǵaıyndaldy.

2016 jyly QR Prezıdent Ákimshiligi jetekshisiniń hatshylyq sarapshysy boldy.

2017 jyldan bastap Nura aýdany ákimi laýazymyna taǵaıyndalǵanǵa deıin QR Prezıdenti Apparatynyń Memlekettik baqylaý jáne uıymdastyrý-aýmaqtyq jumys bóliminiń memlekettik ınspektory qyzmetin atqarǵan.

Memlekettik baqylaý jáne uıymdastyrý-aýmaqtyq jumys bólimi memlekettik ınspektory, Qazaqstan Respýblıkasy Prezıdenti Ákimshiligi (02.08.2017–31.01.2019)

Qaraǵandy oblysy Nura aýdanynyń ákimi (01.02.2019–03.07.2019)

Nur-Sultan qalasy ákimi apparaty basshysynyń orynbasary (04.07.2019–28.08.2019)

Nur-Sultan qalasy ákimi apparatynyń basshysy (29.08.2019–10.2020)

Nur-Sultan qalasy «Saryarqa» aýdanynyń ákimi (10.2020–02.2022)

Astana qalasy ákiminiń orynbasary (02.2022 bastap)

Memleket basshysynyń tapsyrmasy boıynsha Oljas Bektenov pen Roman Sklıar Ulytaý oblysynyń jańa ákimin tanystyrdy. Bul týraly Úkimettiń baspasóz qyzmeti habarlady.

Prezıdent Qasym-Jomart Toqaevtyń arnaıy tapsyrmasymen Premer-mınıstr Oljas Bektenov pen Prezıdent Ákimshiliginiń basshysy Roman Sklıar Ulytaý oblysy máslıhattary depýtattarynyń jınalysyna qatysty.

Depýtattarǵa Memleket basshysynyń Ulytaý oblysynyń ákimi laýazymyna eki kandıdatty – Astana qalasy ákiminiń orynbasary Eset Baıken jáne oblys ákiminiń orynbasary Nurtas Káripbaevty usyný týraly haty oqyldy.

Ashyq daýys berý nátıjeleri boıynsha 64 depýtat 87%-y Eset Baıkenniń kandıdatýrasy úshin daýys berdi.

QR Prezıdentiniń tıisti jarlyǵymen Ulytaý oblysynyń ákimi bolyp Eset Baıken taǵaıyndaldy.

Premer-mınıstr óńirdiń jańa ákimi Eset Baıkendi tanystyrdy.

Sóz sóıleý barysynda Oljas Bektenov jańa Konstıtýtsııanyń kúshine enýi Qazaqstan damýyndaǵy mańyzdy tarıhı kezeńniń bastaýy bolǵanyn basa aıtty. Memleket basshysy jýyrda ótken Parlament palatalarynyń birlesken otyrysynda ekonomıkany damýdyń jańa modeline kóshirý mindetin qoıdy, bul barlyq deńgeıde zamanaýı ári tıimdi jumys tásilderi men qaǵıdattaryn engizýdi talap etedi.

Premer-mınıstr Prezıdenttiń óńir basshylyǵyna bergen birqatar tapsyrmasyn atap ótti.

Óńdeý ónerkásibi men shaǵyn jáne orta bıznesti damytý úshin iri ınvestıtsııalyq jobalardy júzege asyrý mindeti qoıyldy. Sondaı-aq agroónerkásiptik klasterdi qalyptastyrýdyń mańyzdylyǵy atap ótildi. Óńir basshylyǵyna ınjenerlik jáne energetıkalyq ınfraqurylymdy jańǵyrtý jumystaryn jalǵastyrý tapsyryldy.

Sonymen qatar avtomobıl joldarynyń qurylysyn, ásirese Qaraǵandy – Jezqazǵan kúre jolyn salýdy jedeldetý qajet. Áleýmettik ınfraqurylymdy jaqsartý máselesine erekshe nazar aýdarylýy tıis. Densaýlyq saqtaý, bilim berý, mádenıet jáne sport nysandarynyń qoljetimdiligi men sapasyn arttyrý arqyly jergilikti halyqtyń turmys sapasyn jaqsartýǵa basa mán berý qajet. Budan bólek, Ulytaýdyń tarıhı-mádenı murasyn tıimdi paıdalanyp, týrıstik ınfraqurylymdy damytý jáne týrıstik áleýetti arttyrý boıynsha tapsyrma berildi.

Oblys aktıvimen kezdesýde Premer-mınıstr Memleket basshysynyń Ádiletti ári Ozyq Qazaqstandy qurý jónindegi baǵytyn júzege asyrý halyqtyń turmysyna oń áser etetin naqty nátıjeler arqyly kórinis tabýy tıis ekenin atap ótti. Alǵa qoıylǵan mindetterdiń sapaly oryndalýy óńirdiń áleýmettik-ekonomıkalyq damýyna jańa serpin berip, azamattardyń ómir súrý sapasyn jaqsartýǵa yqpal etedi.

Aıta keteıik, buǵan deıin ótken apta ishinde elimizde birqatar kadrlyq aýys-túıis bolǵanyn jazǵanbyz.