Elimizde apta ishinde bolǵan kadrlyq taǵaıyndaýlar
ASTANA. KAZINFORM – Bul apta ishinde elimizde birqatar kadrlyq aýys-túıis boldy.
Polkovnık Abzal Ǵabdollauly Jumataev QR ІІM Ulttyq ulany bas qolbasshysynyń tehnıka jáne qarý-jaraq jónindegi orynbasary bolyp taǵaıyndaldy.
Abzal Jumataev mansap jolyn 1997 jyly bastaǵan. Sodan beri Іshki ister organdary júıesinde ártúrli basshylyq laýazymdarda qyzmet etip, ózin tájirıbeli ofıtser retinde kórsete bilgen.
Aıbek Sydyqov Mádenıet jáne aqparat vıtse-mınıstri qyzmetine taǵaıyndaldy.
Aıbek Sydyqov 1983 jyly Almatyda dúnıege kelgen. Ál-Farabı atyndaǵy qazaq ulttyq ýnıversıtetin bitirgen.
Eńbek jolyn 2006 jyly «Almaty qalasy tarıhy mýzeıi» KMQK-da ekskýrsııa júrgizýshisi bolyp bastaǵan.
2007-2015 jyldary - «Almaty qalasy tarıhy mýzeıi» KMQK ǵylymı qyzmetkeri, dırektordyń orynbasary, dırektory;
2015-2016 jyldary - «Almaty qalasy mýzeıleriniń birlestigi» KMQK dırektory;
2016-2022 jyldary «Mádenıetterdi jaqyndastyrý ortalyǵy memlekettik mýzeıi» RMQK murajaı bóliminiń basshysy, dırektordyń orynbasary qyzmetterin atqardy.
2022 jyldan bastap qazirgi ýaqytqa deıin QR Mádenıet jáne aqparat mınıstrligi Mádenıet komıtetiniń «Qazaqstan Respýblıkasynyń Ulttyq mýzeıi» RMQK dırektorynyń orynbasary boldy.
QR Týrızm jáne sport mınıstrligi apparaty basshysynyń buıryǵymen Ǵalymjan Álıakbaruly Mustafaev QR Týrızm jáne sport mınıstrligi Oıyn bıznesin jáne lotereıany retteý komıteti tóraǵasynyń orynbasary qyzmetine taǵaıyndaldy.
Ǵalymjan Mustafaev 1978 jyly 7 tamyzda Qyzylorda qalasynda dúnıege kelgen.
Qoja Ahmet ıAsaýı atyndaǵy Halyqaralyq qazaq-túrik ýnıversıtetin (quqyqtaný), «Bolashaq» ýnıversıtetin (ekonomıka) támamdaǵan.
Eńbek jolyn 1995 jyly Qyzylorda qalalyq sotynyń sot otyrysynyń hatshysy, sot oryndaýshysy bolyp bastaǵan.
1999-2001 j.j. – aýysý tártibimen Qazaly aýdandyq memlekettik notarıaldyq keńsesiniń konsýltanty, mamany.
2002-2005 j.j. – Qyzylorda qalasy ákimi apparatynyń memlekettik-quqyqtyq jumystar bóliminiń jetekshi mamany, bólim basshysy, qala ákiminiń kómekshisi.
2005-2008 j.j. – jeke kásipker.
2008-2010 j.j. – QR Qarjy mınıstrligi Kedendik baqylaý komıtetiniń Qyzylorda oblysy boıynsha kedendik baqylaý departamenti zań bóliminiń bas mamany.
2010-2022 j.j. – Qyzylorda oblystyq kásipkerlik jáne ónerkásip basqarmasy, oblystyq kásipkerlik jáne týrızm basqarmasynyń bas mamany, bólim basshysy, basqarma basshysynyń orynbasary.
2022-2023 j.j. – QR Mádenıet jáne sport mınıstrligi Týrızm ındýstrııasy komıteti Oıyn bıznesin jáne lotereıa qyzmetin úılestirý basqarmasynyń basshysy.
2023-2024 j.j. – QR Týrızm jáne sport mınıstrligi Týrızm ındýstrııasy komıteti Oıyn bıznesi salasyndaǵy memlekettik qyzmetter basqarmasynyń basshysy.
2024 jyldan bastap osy kezeń kezeńge deıin QR Týrızm jáne sport mınıstrligi Oıyn bıznesin jáne lotereıany retteý komıteti Memlekettik qyzmetter basqarmasynyń basshysy qyzmetin atqardy.
Álibek Hasenov QR Týrızm jáne sport mınıstrligi «Qazsportınvest» AQ prezıdenti bolyp taǵaıyndaldy.
Álibek Hasenov 1986 jyly 3 qazanda Qaraǵandy oblysynyń Saran qalasynda dúnıege kelgen.
Akademık E.A.Bóketov atyndaǵy Qaraǵandy ýnıversıtetin (marketıng), Qazaqstan-Reseı ýnıversıtetin (quqyq) támamdaǵan.
Eńbek jolyn 2016 jyly QR Prezıdenti Іs Basqarmasynyń «Qaraótkel» RMK resmı is-sharalar bóliminiń bastyǵy bolyp bastaǵan.
2018 jyldan bastap memlekettik jáne iri is-sharalardy uıymdastyrýmen aınalysady.
2019-2024 jyldary – kanoe federatsııasynyń eskek esý sportyn damytý jónindegi atqarýshy dırektor. 2024 jyldan bastap Astanada «Bolashaqtyń oıyndaryn» ótkizýge ótinim ázirleý jónindegi jumys tobynyń múshesi.
Aqmola oblysy ákiminiń buıryǵymen Dosulan Aıtbaev Aqmola oblysy ákiminiń orynbasary bolyp taǵaıyndaldy.
Dosulan Erlanuly Aıtbaev L.N.Gýmılev atyndaǵy Eýrazııa ulttyq ýnıversıtetin, A.Baıtursynov atyndaǵy Qostanaı memlekettik ýnıversıtetin bitirgen. Saıasattaný magıstri.
Memlekettik qyzmette 17 jyldyq eńbek ótili bar.
Eńbek jolyn 2008 jyly Qostanaı oblysy Jangeldın aýdany ákimi apparatynyń bas mamany retinde bastaǵan.
Qostanaı oblysy ákimi apparaty men QR Mádenıet jáne aqparat mınıstrliginde, Bilim jáne ǵylym mınıstrliginde, QR Prezıdenti Ákimshiliginde túrli jaýapty qyzmetter atqarǵan.
Taǵaıyndalǵanǵa deıin Aqmola oblysy ákimi apparatynyń basshysy laýazymynda boldy.
Mańǵystaý oblysy ákiminiń orynbasary bolyp Tilek Kóshmaǵanbetov taǵaıyndaldy.
Tilek Jetkizgenuly Kóshmaǵanbetov 1979 jyly Mańǵystaý oblysynda týǵan.
Eńbek jolyn 2001 jyly «Neftebank» aktsıonerlik qoǵamynda nesıe bóliminiń mamany qyzmetinen bastap, kepildik berý bóliminiń bas mamany, nesıe bóliminiń menedjeri qyzmetin atqardy.
2006 -2007 jyldary «TM-2006» jaýapkershiligi shekteýli seriktestiginiń dırektory. 2007-2010 jyldary Munaıly aýdandyq kásipkerlik bóliminiń bas mamany, keıin bólim basshysy laýazymyn atqardy. 2010-2012 jyldar aralyǵynda Mańǵystaý oblysy qarjy basqarmasy basshysynyń orynbasary bolyp qyzmet atqardy.
2012-2015 jyldary Jańaózen qalasy ákiminiń orynbasary, 2015 -2019 jyldary Aqtaý qalasy ákiminiń orynbasary boldy. 2019-2022 jyldary Mańǵystaý aýdanynyń ákimi laýazymyn atqardy.
Asqar Ǵazalıev Qaraǵandy oblysy Ónerkásip basqarmasynyń basshysy bolyp taǵaıyndaldy.
Asqar Ǵazalıev memlekettik qyzmette 2009 jyldan beri eńbek etip keledi. QR Qarjy mınıstrliginde, QR Prezıdentiniń Іs-Basqarmasynda túrli laýazymdarda jumys istedi. QR Premer-Mınıstri keńsesiniń óńirlik damý bóliminiń bas konsýltanty, bas ınspektory laýazymdaryn atqardy.
2024 jyldyń sáýirinen bastap osy ýaqytqa deıin QR Úkimeti apparatynyń Óńirlik damý jáne baqylaý bóliminiń ınspektory qyzmetin atqardy.
Serik Ergeshov Qyzylorda oblysy Polıtsııa departamentiniń bastyǵy bolyp taǵaıyndaldy.
Serik Júrsinbaıuly Ergeshov 1979 jyly dúnıege kelgen. Eńbek jolyn 1996 jyldan ishki ister organdarynda bastaǵan. Uzaq jyldar boıy OQO ІІD Shymkent qalasynyń ishki ister basqarmasynda túrli basshylyq qyzmetter atqarǵan. 2019 jyldan Shymkent qalasy PD bastyǵynyń orynbasary qyzmetinde boldy.
Ulytaý oblysynda jumyspen qamtýdy úılestirý jáne áleýmettik baǵdarlamalar basqarmasynyń basshysy men Qazynashylyq departamentiniń bastyǵy taǵaıyndaldy. Qazynashylyq departamentiniń bastyǵy laýazymyn Ádilbek Esqaraev atqaratyn boldy.
Ádilbek Taıjanuly Esqaraev 1972 jyly dúnıege kelgen. Qazaq memlekettik ýnıversıtetin «Býhgalterlik esep jáne aýdıtorlik» jáne Bolashaq ýnıversıtetin «Quqyqtaný» mamandyǵy boıynsha bitirgen.
1994-2008 jyldar aralyǵynda Qyzylorda oblystyq salyq ınspektsııasynda jáne qazynashylyq basqarmasynda qyzmet atqardy.
2008 jyldan bastap Qyzylorda oblysy boıynsha Qazynashylyq departamenti basshynyń orynbasary boldy.
Al Jumyspen qamtýdy úılestirý jáne áleýmettik baǵdarlamalar basqarmasynyń basshysy bolyp Qurmet Sattybaev taǵaıyndaldy.
Qurmet Esmuratuly Sattybaev 1993 jyly dúnıege kelgen. Qaraǵandy memlekettik medıtsına ýnıversıtetin «Qoǵamdyq densaýlyq saqtaý» jáne Almaty ekonomıka jáne statıstıka akademııasyn «Býhgalterlik esep jáne aýdıt» mamandyǵy boıynsha bitirgen.
Eńbek jolyn 2014 jyly Qaraǵandy qalasyndaǵy «Eńbek gıgıenasy jáne kásiptik aýrýlar ulttyq ortalyǵy» respýblıkalyq mekemesinde zertteýshi bolyp bastady.
2015-2017 jyldary - Qaraǵandy oblystyq jedel medıtsınalyq járdem stantsııasynda bólim meńgerýshisi.
2017-2020 jyldary Aqmola oblysy boıynsha Eńbek, áleýmettik qorǵaý jáne kóshi-qon komıteti departamentinde jaýapty qyzmetter atqardy.
2020-2022 jyldary Eńbek jáne halyqty áleýmettik qorǵaý mınıstrliginde bas sarapshy boldy.
Atalǵan laýazymǵa taǵaıyndalmas buryn basqarma basshysynyń orynbasary bolyp jumys istedi.
Shyǵys Qazaqstan oblysyndaǵy Іshki saıasat pen Mádenıet basqarmalaryna jańa basshy taǵaıyndaldy.
ShQO Іshki saıasat basqarmasynyń basshysy bolyp Ernur Býrahan taǵaıyndaldy.
Ol ár jyldary oblys ákiminiń, QR Eńbek jáne halyqty áleýmettik qorǵaý mınıstrliginiń, «Samuryq-Qazyna» jyljymaıtyn múlik qorynyń baspasóz hatshysy, ShQO Іshki saıasat basqarmasy basshysynyń orynbasary, Aqtóbe oblysy ákimi apparaty basshysynyń orynbasary qyzmetterin atqarǵan.
«Aqtobe» aımaqtyq telekompanııasynyń bas dırektory jáne «Qazaq radiolary» JShS-niń bas dırektory laýazymdarynda jumys istegen.
2023 jyldan bastap osy ýaqytqa deıin Shyǵys Qazaqstan oblysy ákiminiń keńesshisi qyzmetin atqardy.
ShQO Mádenıet basqarmasynyń basshysy bolyp Samat Qasenov taǵaıyndaldy.
Ol – Shyǵys Qazaqstan oblysynyń týmasy. 2006 jyly S.Amanjolava atyndaǵy Shyǵys Qazaqstan ýnıversıtetin «Tarıh jáne geografııa» mamandyǵy boıynsha bitirgen.
2006 jyldan bastap Shyǵys Qazaqstan tarıhı-ólketaný mýzeıiniń tarıhı-mádenı mura bóliminde qyzmet etti. 2013 jyldan beri Shyǵys Qazaqstan oblysy Mádenıet basqarmasynyń mádenıet jáne óner bóliminde jumys istegen. 2019 jyldan bastap Shyǵys Qazaqstan oblysy ákimi apparatynyń bas ınspektory qyzmetin atqardy.
2023 jyldyń 14 aqpanynda Shyǵys Qazaqstan oblysynyń Mádenıet basqarmasy basshysynyń orynbasary bolyp taǵaıyndaldy.
2024 jyldyń qazan aıynan bastap búgingi kúnge deıin oblystyq Mádenıet basqarmasy basshysynyń mindetin atqarýshy qyzmetin atqardy.
Abaı oblysynyń Sáýlet, qala qurylysy jáne jer qatynastary basqarmasynyń basshysy bolyp Anýar Beısenov taǵaıyndaldy.
Anýar Talǵatuly 1994 jyldyń 29 qazanynda Astana qalasynda dúnıege kelgen.
Eńbek jolyn 2015 jyly Astana qalasynyń jer qatynastary jáne jerdi paıdalaný men qorǵaýdy baqylaý basqarmasynyń oqýshy jastar úshin sabaqtan bos ýaqytta qoǵamdyq jumystarǵa qatysý úshin esepke alý tehnıgi bolyp bastady. Onda 2017 jyldyń maýsymyna deı3n jumys istedi. 2017-2020 jyldary aralyǵynda Qostanaı qalasy ákimi apparatynyń uıymdastyrý-baqylaý jumysy bóliminiń qyzmetkeri, bas mamany laýazymdaryn atqardy.
2020 jyldyń naýryzy men qyrkúıegi aralyǵynda Qostanaı oblysy Aýyl sharýashylyǵy jáne jer qatynastary basqarmasynyń eginshilik jáne progressıvti tehnologııalar bóliminiń bas mamany bolyp jumys istedi.
2020 jyldyń qazanynan 2022 jyldyń aqpany aralyǵynda Qostanaı oblysy jerdi paıdalaný men qorǵaýdy baqylaý basqarmasynyń jerdi paıdalaný men qorǵaýdy memlekettik baqylaý bóliminiń bas mamany jáne basshysy laýazymdaryn atqardy.
2022 jyldyń qyrkúıeginen 2023 jylǵy qarasha aılary aralyǵynda oblystyq jerdi paıdalaný monıtorıngi jáne jerdi paıdalaný men qorǵaýdy memlekettik baqylaýdy jetildirý basqarmasynyń bas sarapshysy, QR Aýyl sharýashylyǵy mınıstrligi Jer resýrstaryn basqarý komıtetiniń normatıvtik quqyqtyq aktilerdi ázirleý basqarmasynyń basshysy laýazymdaryn atqardy.
2024 jyldyń mamyr aıynan osy ýaqytqa deıin Abaı oblysynyń sáýlet, qala qurylysy jáne jer qatynastary basqarmasy basshysynyń orynbasary bolyp jumys istedi.
Taekvondodan Qazaqstan quramasynyń bas bapkeri qyzmetine Esbol Sultanov taǵaıyndaldy.
Qazaqstandyq jankúıerler ony Týnıs quramasynda qyzmet atqarǵan kezinen jaqsy biledi. Ol atalǵan elde 2023 jyldan beri eńbek etti. 2024 jyly Parıj Olımpıadasynda ol tálim úıretken Fıras Katýssı altyn alsa, Mohamed Halıl Djendýbı qola júldege qol sozdy.
Nátıjesinde Esbol Sultanov Halyqaralyq taekvondo federatsııa tarapynan joǵary baǵalanyp, jyl bapkeri ataǵyna laıyq dep tanyldy.
Qazaqstandyq mamannyń Týnıs quramasymen kelisimsharty aıaqtaldy. Endi ol Qazaqstan ulttyq quramasyn jattyqtyrýǵa múmkindik aldy.
Belgili aqyn, aıtysker, ádebıettanýshy Dáýletkereı Kápuly Astana qalalyq Mádenıet basqarmasyna qarasty «Birlesken murajaılar dırektsııasy» dırektorynyń orynbasary, ALJIR murajaıynyń dırektory bolyp taǵaıyndaldy.
Dáýletkereı Kápuly – Qazaqstannyń eńbek sińirgen qaıratkeri, Halyqaralyq «Alash» ádebı syılyǵynyń ıegeri, Daryn Memlekettik jastar syılyǵynyń laýreaty.
Eýrazııa ýnıversıtetiniń Qazaq ádebıeti kafedrasynyń oqytýshysy (1999-2005), Abaı atyndaǵy QazUPÝ-niń qazaq fılologııasy fakýlteti dekanynyń tárbıe isi jónindegi orynbasary jáne qazaq ádebıeti kafedrasynyń oqytýshysy (2006-2008) qyzmetterin atqarǵan. Astana qalasy ákimdigi, Mádenıet basqarmasynyń qyzmetkeri bolyp jumys istegen.
Elordada jaryq kórgen «Altyn tamyr» ádebı-tanymdyq jýrnalynyń shef-redaktory, Astana qalasyndaǵy «Folıant» baspasy dırektorynyń orynbasary bolyp qyzmet atqarǵan. L.N.Gýmılev atyndaǵy Eýrazııa ulttyq ýnıversıteti, Áleýmettik-tárbıe jumysy departamenti dırektorynyń orynbasary qyzmetinde bolǵan.
Atalǵan ýnıversıtettiń PhD doktaranty.
Buǵan deıin Qazaqstan Jazýshylar odaǵy Astana qalalyq fılıalynyń tóraǵasy boldy.