Elimizde apta ishinde bolǵan kadrlyq taǵaıyndaýlar
ASTANA. KAZINFORM — Osy aptada elimizdiń Qaýipsizdik Keńesi Apparatynda, mınıstrlikterde, jergilikti atqarýshy organdarda jáne shetelderdegi elshilikterde birqatar kadrlyq aýys-túıis boldy. Kazinform agenttigi 7-13 qyrkúıek aralyǵyndaǵy jańa kadrlyq taǵaıyndaýlarǵa sholý usynady.
8 qyrkúıek kúni QR Prezıdentiniń ishki saıasat máseleleri jáne kommýnıkatsııalar jónindegi kómekshisi taǵaıyndaldy.
Tıisti Jarlyqqa Prezıdent Qasym-Jomart Toqaev qol qoıdy.
— Eldar Seıdahmetuly Tolǵanbaev Qazaqstan Respýblıkasy Prezıdentiniń ishki saıasat máseleleri jáne kommýnıkatsııalar jónindegi kómekshisi laýazymyna taǵaıyndalsyn, — delingen qujatta.
Eldar Tolǵanbaev 1981 jyly Almaty oblysynda dúnıege kelgen.
Shákárim atyndaǵy Semeı memlekettik ýnıversıtetin, D. A. Qonaev atyndaǵy ýnıversıtetti támamdaǵan.
Eńbek jolyn 2005 jyly Almaty oblysy Alakól aýdany máslıhat apparatynyń bas mamany bolyp bastaǵan.
2005-2006 jyldary — Almaty oblysy Alakól aýdany ákimdigi ishki saıasat bóliminiń mamany.
2006-2008 jyldary QR Mádenıet jáne aqparat mınıstrliginiń qurylymynda qyzmet etken.
2008-2012 jyldary — bas keńesshi; QR Premer-Mınıstri Keńsesiniń Aqparattyq-taldaý ortalyǵynyń jedel aqparat sektorynyń meńgerýshisi.
2012-2016 jyldary — QR Prezıdentiniń janyndaǵy «Ortalyq kommýnıkatsııalar qyzmeti» RMM dırektorynyń orynbasary.
2016-2019 jyldary — QR Parlamenti Májilisi Tóraǵasynyń keńesshisi.
2019 jyly jeke qurylymynda jumys istedi.
2019-2020 jyldary — «Almaty qalasyn damytý ortalyǵy» AQ basqarma tóraǵasynyń orynbasary.
2020-2022 jyldary — «Almaty teleradıokompanııasy» AQ bas dırektorynyń birinshi orynbasary.
2022-2023 jyldary QR Prezıdenti Ákimshiliginiń memlekettik ınspektory qyzmetin atqardy.
2023 jyly QR aqparat jáne qoǵamdyq damý vıtse-mınıstri.
2023-2024 jyldary Qazaqstan Respýblıkasy Prezıdenti Ákimshiliginiń Kommýnıkatsııalar bólimi meńgerýshisiniń orynbasary.
2024 jylǵy aqpannan qazirge deıin Qazaqstan Respýblıkasy Úkimeti Apparaty basshysynyń orynbasary bolyp eńbek etti.
Sonymen qatar, dál osy kúni QR Oqý-aǵartý mınıstri Juldyz Súleımenovanyń buıryǵymen Farıza Sansyzbaıqyzy Dúısenbaeva Zań departamentiniń, al Janat Karekenuly Igısınov Tárbıe jumysy jáne qosymsha bilim berý departamentiniń dırektory bolyp taǵaıyndaldy.
Farıza Dúısenbaeva L. N. Gýmılev atyndaǵy Eýrazııa ulttyq ýnıversıtetin «Quqyqtaný» mamandyǵy boıynsha, Chelıabınsk memlekettik ýnıversıtetiniń magıstratýrasyn osy mamandyq boıynsha támamdaǵan.
Eńbek jolyn 2014 jyly sot júıesinde bastaǵan. 2018-2023 jyldary qorǵanys jáne aeroǵarysh ónerkásibi men tsıfrlyq damý salalaryndaǵy memlekettik organdardyń zań departamentterinde jumys istegen. 2023 jyldan bastap Oqý-aǵartý mınıstrliginiń Zań departamentinde basqarma basshysy, keıin departament dırektorynyń orynbasary boldy. Memlekettik qyzmettegi eńbek ótili 12 jyldan asady.
Al Janat Igısınov L. N. Gýmılev atyndaǵy Eýrazııa ýnıversıtetinde, Qaraǵandydaǵy «Bolashaq» ınstıtýtynda jáne Qazaq ınnovatsııalyq gýmanıtarlyq-zań ýnıversıtetinde kásiptik oqytý, quqyqtaný jáne ekonomıka mamandyqtary boıynsha bilim alǵan.
Eńbek jolyn 2002 jyly Mádenıet, aqparat jáne qoǵamdyq kelisim mınıstrliginde bastaǵan. 2008 jylǵa deıin mádenıet jáne aqparat salasyndaǵy ortalyq memlekettik organdarda qyzmet atqarǵan. 2008 jyldan beri bilim berý salasynda úzdiksiz eńbek etip keledi. Bilim jáne ǵylym mınıstrligi men Oqý-aǵartý mınıstrliginde bas sarapshy, basqarma basshysy boldy, al 2023-2026 jyldary Baqylaý jáne ótinishtermen jumys departamenti dırektorynyń orynbasary qyzmetin atqardy. Memlekettik qyzmettegi eńbek ótili 24 jyldan asady.
Taǵaıyndaýlar kásibı tájirıbe, biliktilik pen qyzmettik ósý eskerilip, merıtokratııa qaǵıdatyna sáıkes júzege asyryldy.
Oqý-aǵartý mınıstri Juldyz Súleımenova jańa basshylardy qyzmetke taǵaıyndalýymen quttyqtap, tıisti baǵyttardaǵy jumysty júıeli uıymdastyrýdy jáne qoıylǵan mindetterdiń sapaly ári ýaqtyly oryndalýyn qamtamasyz etýdi tapsyrdy.
9 qyrkúıekte Shyǵys Qazaqstan oblysy ákiminiń orynbasary laýazymyna Aıdar Sadyrbaev taǵaıyndaldy.
Aıdar Serikqazyuly 1986 jyly 25 qyrkúıekte burynǵy Semeı oblysy Jańasemeı aýdany Novopokrovka aýylynda dúnıege kelgen.
2009 jyly Qazaq ınnovatsııalyq gýmanıtarlyq-zań ýnıversıtetin «Tarıh» mamandyǵy boıynsha tamamdap, eńbek jolyn 2009 jyly Shyǵys Qazaqstan oblysy Borodýlıha aýdanyna qarasty Peremenovka aýylynyń orta mektebinde muǵalim bolyp bastaǵan.
Ár jyldary Borodýlıha aýdany men Semeı qalasynyń ishki saıasat bólimderinde nusqaýshy, jetekshi jáne bas maman, basshynyń orynbasary, basshy, Semeı qalasy ákiminiń orynbasary, «AMANAT» partııasynyń oblystyq fılıal tóraǵasy, Abaı, Shyǵys Qazaqstan oblystarynda ishki saıasat basqarmalarynyń basshysy qyzmetterin atqardy.
Al 10 qyrkúıekte Prezıdent ákimshiligi jáne Jalaǵash aýdandyq máslıhatynyń kelisimderi negizinde oblys ákiminiń ókimimen Jalaǵash aýdanynyń ákimi laýazymyna Erlan Tóralıev taǵaıyndaldy.
Erlan Kárimbekuly 1977 jyly Qyzylorda qalasynda dúnıege kelgen. Qorqyt ata atyndaǵy Qyzylorda memlekettik ýnıversıtetin ónerkásip jáne azamattyq qurylys, ekonomıka jáne menedjment mamandyqtary boıynsha támamdaǵan.
Eńbek jolyn «Farmatsııa» aktsıonerlik qoǵamynda menedjer bolyp bastap, keıin memlekettik organdar men jeke sektorda túrli jaýapty qyzmetter atqarǵan.
2004-2013 jyldary oblys ákimi apparatynyń bas ınspektory, Qyzylorda qalasy ákiminiń orynbasary, oblystyq qurylys basqarmasy basshysynyń orynbasary, basqarma basshysy jáne oblys ákiminiń keńesshisi boldy.
2013-2020 jyldary jeke qurylys kompanııasynyń dırektory, «Memsaraptama» RMK bas dırektorynyń birinshi orynbasary, sondaı-aq «Qazaqstandyq turǵyn úı-kommýnaldyq sharýashylyǵyn jańǵyrtý jáne damytý ortalyǵy» AQ basqarma tóraǵasynyń orynbasary bolyp eńbek etti.
2022 jyldyń sáýir aıynan bastap Qyzylorda oblysynyń qurylys, sáýlet jáne qala qurylysy basqarmasynyń basshysy qyzmetin atqaryp keldi.
11 qyrkúıekte Memleket basshysy Qazaqstannyń Malaızııa men Grýzııadaǵy elshilerin taǵaıyndady.
Memleket basshysynyń jarlyqtarymen:
Málik Keńesbaıuly Myrzalın Qazaqstan Respýblıkasynyń Malaızııadaǵy Tótenshe jáne Ókiletti Elshisi bolyp taǵaıyndaldy, ol Qazaqstan Respýblıkasynyń Grýzııadaǵy Tótenshe jáne Ókiletti Elshisi laýazymynan bosatyldy;
Talǵat Mubaraquly Adýov Qazaqstan Respýblıkasynyń Grýzııadaǵy Tótenshe jáne Ókiletti Elshisi laýazymyna taǵaıyndaldy.
Sondaı-aq Memleket basshysynyń Jarlyǵymen Bolat Bolatuly Súgirbaev Qazaqstan Respýblıkasynyń Malaızııadaǵy Tótenshe jáne Ókiletti Elshisi, Qazaqstan Respýblıkasynyń Brýneı-Darýssalamdaǵy Tótenshe jáne Ókiletti Elshisi qyzmetin qosa atqarýshy laýazymdarynan bosatyldy.
Dál osy kúni Memleket basshysynyń ókimderimen Qazaqstan Respýblıkasy Qaýipsizdik Keńesi Apparatynda birqatar kadrlyq taǵaıyndaý boldy.
Prezıdent ókimimen Aleksandr Vladımırovıch Sýhanov Qazaqstan Respýblıkasy Qaýipsizdik Keńesi Apparaty Taldaý bóliminiń meńgerýshisi bolyp taǵaıyndaldy. Ol burynǵy atqarǵan laýazymynan bosatyldy.
Sondaı-aq Rasýl Qabdollauly Orazǵulov Qazaqstan Respýblıkasy Qaýipsizdik Keńesi Apparaty Qaýipsizdiktiń ózekti máseleleri bóliminiń meńgerýshisi qyzmetine taǵaıyndalyp, burynǵy laýazymynan bosatyldy.
Marat Maqsutuly Aımashev Qazaqstan Respýblıkasy Qaýipsizdik Keńesi Apparaty Áskerı qaýipsizdik jáne qorǵanys bóliminiń meńgerýshisi bolyp taǵaıyndaldy. Ol da burynǵy atqarǵan qyzmetinen bosatyldy.
Al Erlan Ysqaquly Baıtuqbaev Qazaqstan Respýblıkasy Qaýipsizdik Keńesi Apparaty Hatshylyǵynyń meńgerýshisi laýazymyna taǵaıyndaldy.
Sonymen birge, 11 qyrkúıekte Almaty ákimi Darhan Satybaldynyń ókimimen, Prezıdent Ákimshiliginiń jáne qalalyq máslıhattyń kelisimimen Jetisý aýdanynyń ákimi bolyp Qurasbek Sádibekov taǵaıyndaldy.
Qurasbek Sádibekov 1989 jyly 28 jeltoqsanda Astana qalasynda dúnıege kelgen. Ál-Farabı atyndaǵy Qazaq ulttyq ýnıversıtetin «Saıasattaný» mamandyǵy boıynsha támamdaǵan. 2017 jyly Manchester ýnıversıtetin (Ulybrıtanııa) «Halyqaralyq damý: saıasat, basqarý jáne damý strategııasy» mamandyǵy boıynsha bitirgen.
Eńbek jolyn 2011 jyly Shymkent qalasy Abaı aýdany ákimi apparatynyń bas mamany qyzmetinen bastaǵan. 2013-2017 jyldary QR Bilim jáne ǵylym mınıstrliginiń Jastar isi komıtetinde túrli qyzmetter atqardy. 2014-2017 jyldary QR Bilim jáne ǵylym mınıstrliginiń Strategııalyq josparlaý jáne damý departamentinde bas sarapshy bolyp jumys istedi. 2017-2019 jyldary QR Parlamenti Senaty depýtatynyń kómekshisi qyzmetin atqarǵan.
2019-2022 jyldary Qazaqstan Respýblıkasynyń Ózbekstan Respýblıkasyndaǵy Tashkent qalasyndaǵy Elshiliginde úshinshi hatshy retinde dıplomatııalyq qyzmet atqardy. 2022 jyly qazannan 2025 jyly qańtarǵa deıin Túrkistan oblysy ákimi apparaty basshysynyń orynbasary bolyp jumys istedi.
2025 jyly qańtardan mamyrǵa deıin Qazaqstan Respýblıkasy Prezıdenti Ákimshiliginiń Memlekettik baqylaý bóliminde ınspektor qyzmetin atqardy. 2025 jyly mamyrdan bastap Jetisý aýdanynyń ákimi bolyp taǵaıyndalǵanǵa deıin Almaty qalasy ákimi apparaty basshysynyń orynbasary qyzmetin atqardy.
Sondaı-aq, atalǵan kúni Densaýlyq saqtaý mınıstriniń buıryǵymen Laýra Ahmetnııaz vedomstvonyń Medıtsınalyq baqylaý komıtetiniń tóraǵasy laýazymyna taǵaıyndaldy. Bul týraly Úkimettiń baspasóz qyzmeti habarlady.
1971 jyly Shyǵys Qazaqstan oblysynda dúnıege kelgen. Aqtóbe memlekettik medıtsına ınstıtýtyn bitirgen.
Eńbek jolyn 1993 jyly Shymkent qalasyndaǵy «Fosfor» MSB-da ýchaskelik terapevt bolyp bastaǵan.
1997–2000 jyldary — OQO Medıtsınalyq saqtandyrý qorynyń «Densaýlyq» RMKK bas mamany.
2000–2005 jyldary — OQO Densaýlyq saqtaý basqarmasynyń bas mamany.
2005–2006 jyldary — Medıtsınalyq qyzmetterdiń sapasyn baqylaý komıteti Aqmola oblystyq basqarmasynyń bólim bastyǵy.
2006–2008 jyldary — QR DSM Medıtsınalyq qyzmetterdiń sapasyn baqylaý komıtetiniń bólim bastyǵy.
2008–2009 jyldary — «Ulttyq medıtsınalyq holdıng» AQ-nyń sapa menedjeri.
2009–2010 jyldary — QR DSM Medıtsınalyq jáne farmatsevtıkalyq qyzmetti baqylaý Komıteti basqarmasynyń bastyǵy.
2010–2011 jyldary — Astana qalasy Densaýlyq saqtaý basqarmasy bastyǵynyń orynbasary.
2011–2013 jyldary — QR DSM Strategııalyq damý departamenti dırektorynyń orynbasary.
2013–2014 jyldary — QR DSM Medıtsınalyq jáne farmatsevtıkalyq qyzmetti baqylaý komıtetiniń tóraǵasy.
2014–2017 jyldary — QR Densaýlyq saqtaý jáne áleýmettik damý mınıstrligi Strategııalyq damý departamenti dırektorynyń orynbasary.
2017–2018 jyldary — QR DSM medıtsınalyq kómekti uıymdastyrý departamentiniń dırektory.
2018–2019 jyldary — QR DSM Qoǵamdyq densaýlyq saqtaý komıteti tóraǵasynyń orynbasary.
2019–2020 jyldary — QR DSM Taýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary.
2020–2024 jyldary — QR DSM Medıtsınalyq jáne farmatsevtıkalyq baqylaý komıteti tóraǵasynyń orynbasary.
2024 jyldyń tamyz aıynan bastap qazirgi ýaqytqa deıin QR DSM Strategııa jáne damý departamentiniń dırektory qyzmetin atqardy.
Al qyrkúıekte Densaýlyq saqtaý mınıstriniń buıryǵymen Baýyrjan Júsipov vedomstvonyń Farmatsııa komıtetiniń tóraǵasy qyzmetine taǵaıyndaldy. Bul týraly Úkimettiń baspasóz qyzmeti habarlaıdy.
Baýyrjan Álisheruly 1981 jyly Shymkent qalasynda dúnıege kelgen. Ońtústik Qazaqstan memlekettik medıtsına akademııasyn, Astana medıtsına ýnıversıtetin bitirgen. Qoǵamdyq densaýlyq saqtaý magıstri akademııalyq dárejesi bar.
Eńbek jolyn 2002 jyly Shymkent qalasynyń Jedel medıtsınalyq járdem stansasynyń feldsheri bolyp bastaǵan.
2007–2010 jyldary — Ulttyq ǵylymı medıtsınalyq ortalyqtyń hırýrg-dárigeri.
2010–2013 jyldary — Ulttyq medıtsınalyq holdıngtiń Medıtsınalyq kómekti uıymdastyrý departamentiniń menedjeri.
2013–2017 jyldary Respýblıkalyq dıagnostıkalyq ortalyqta basshylyq laýazymdarda jumys istedi.
2022 jyldan 2025 jylǵa deıin QR Prezıdenti Іs Basqarmasynda basshylyq qyzmet atqardy.
2025 jylǵy naýryzdan bastap qazirgi ýaqytqa deıin QR Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń tóraǵasy qyzmetin atqardy.
Dál osy kúni Qazaqstan Respýblıkasy Ulttyq Olımpıadalyq komıtetiniń basshysy Gennadıı Golovkın Islam yntymaqtastyǵy sport qaýymdastyǵynyń (ISSA) vıtse-prezıdenti bolyp saılandy.
Komıtettiń baspasóz qyzmetiniń málimetinshe, saılaý búgin, 12 qyrkúıekte Saýd Arabııasynyń Taıf qalasynda ótip jatqan ISSA-nyń 15-shi Bas assambleıasy aıasynda ótti.
Gennadıı Golovkın 2026-2029 jyldarǵa arnalǵan Atqarýshy komıtet quramyna Azııa jáne Eýropa óńirlerine jaýapty vıtse-prezıdent retinde taǵaıyndaldy.
Al ISSA prezıdenti qyzmetine Saýd Arabııasynyń sport mınıstri, eldiń Olımpıada jáne Paralımpıada komıtetiniń basshysy, hanzada Abdýlazız bın Týrkı Ál-Feısal qaıta saılandy.
Gennadıı Golovkınniń ISSA basshylyǵyna saılanýy onyń halyqaralyq sport salasyndaǵy qyzmetiniń jańa kezeńine jol ashty. Ol 2024 jyldyń aqpanynan beri Qazaqstan UOK prezıdenti qyzmetin atqaryp keledi. 2025 jyldyń qarashasynda Gennadıı Golovkın World Boxing uıymynyń prezıdenti bolyp saılanǵan edi. Osylaısha, ol Olımpıadalyq sport túrleri boıynsha halyqaralyq federatsııany basqarǵan tuńǵysh qazaqstandyq atandy.
Aıta keteıik, buǵan deıin ótken aptadaǵy kadrlyq taǵaıyndaýlar týraly jazǵanbyz.
