Elimizde apta ishinde bolǵan kadrlyq taǵaıyndaýlar
ASTANA. KAZINFORM – Osy aptada elimizde negizinen jergilikti atqarýshy organdarda birqatar kadrlyq aýys-túıis boldy.
Túrkistan oblysy ákiminiń ókimimen oblys ákimi apparatynyń basshysy laýazymyna Erkebulan Ábilhanuly Daýylbaev taǵaıyndaldy.
Erkebulan Daýylbaev 1978 jyly Ońtústik Qazaqstan oblysynda dúnıege kelgen. M.Áýezov atyndaǵy Ońtústik Qazaqstan memlekettik ýnıversıtetin, Reseı keden akademııasyn bitirgen. Eńbek jolyn 1999 jyly QR Qarjy mınıstrligi Kedendik baqylaý komıtetiniń OQO boıynsha Kedendik baqylaý departamentiniń ınspektory laýazymynan bastady. 2010-2011 jyldary OQO Memlekettik sáýlet-qurylys baqylaý basqarmasynyń bólim basshysynyń mindetin atqarýshy, lıtsenzııalaý bóliminiń basshysy, 2011-2012 jyldary OQO Qurylys basqarmasy basshysynyń orynbasary boldy. 2012-2014 jyldary OQO boıynsha Kedendik baqylaý departamentiniń Kontrabandaǵa qarsy kúres basqarmasynyń basshysy qyzmetin atqarca, 2013-2014 jyldary Ońtústik Qazaqstan oblystyq qurylys basqarmasynyń basshysy boldy.
2016-2017 jyldary «Nur Otan» partııasy Ońtústik Qazaqstan oblystyq fılıaly tóraǵasynyń orynbasary, 2017-2018 jyldary QR AShM Jer resýrstaryn basqarý komıteti tóraǵasynyń orynbasary, 2018 jyly Jambyl oblysy ákiminiń keńesshisi, 2018-2020 jyldary Jambyl oblysy ákiminiń orynbasary laýazymdarynda eńbek etti. 2020-2021 jyldary QR IIDM Qurylys jáne TKSh isteri komıteti tóraǵasynyń orynbasary, 2021 jylǵy tamyzdan QR Prezıdenti Ákimshiliginiń memlekettik ınspektory, 2022-2023 jyldary Qazaqstan Respýblıkasynyń Indýstrııa jáne ınfraqurylymdyq damý vıtse-mınıstri boldy. 2023 jyldan bastap qazirge deıin Túrkistan oblysy ákiminiń keńesshisi qyzmetin atqaryp keldi.
Túrkistan oblysy, Arys qalasynyń ákimi bolyp Mańqaraev Qaısar Zákiruly taǵaıyndaldy.
Qaısar Mańqaraev 1979 jyly, 9 sáýirde dúnıege kelgen. Bilimi – joǵary. Mamandyqtary: býhgalterlik esep jáne aýdıt, quqyqtaný. Memlekettik qyzmettegi eńbek ótili: 16 jyl, 9 aı. Eńbek jolyn 2000 jyly bastap, Shymkent qalasynda, «Bereke» JShS-inde kassır, menedjer, ekonomıst bolyp jumys istegen. 2004 jyldan bastap Qazaqstan Respýblıkasy Qarjy mınıstrliginiń Astana qalasy boıynsha dármensiz boryshkerlermen jumys jónindegi komıteti basqarmasynyń dármensiz kásiporyndarǵa monıtorıng bóliminiń jetekshi mamany boldy. Al 2005-2010 jyldary aralyǵynda Qazaqstan Respýblıkasynyń Ekonomıkalyq jáne sybaılas jemqorlyqqa qarsy kúres jónindegi agenttigi organdarynda eńbek etken.
2010-2016 jyldar aralyǵynda «QR Parlamenti sharýashylyq basqarmasynyń ákimshilik ǵımarattar dırektsııasy» respýblıkalyq memlekettik qazynalyq kásiporny dırektorynyń orynbasary, «Oral» áleýmettik-kásipkerlik korporatsııasy ulttyq kompanııasy» aktsıonerlik qoǵamynda basshylyq laýazymdarynda, Oral qalasy ákiminiń orynbasary bolyp jumys atqardy. 2016-2022 jyldar aralyǵynda Batys Qazaqstan oblysynyń ekonomıka jáne bıýdjettik josparlaý basqarmasynyń basshysy, Nur-Sultan qalasy ákiminiń keńesshisi, Nur-Sultan qalalyq strategııalyq jáne bıýdjettik josparlaý basqarmasynyń basshysy boldy. 2022 jyldan beri Astana qalasynyń ekonomıka jáne bıýdjettik josparlaý basqarmasynyń basshysy bolyp qyzmet atqaryp keldi.
Sondaı-aq, QR ishki ister mınıstriniń buıryǵymen Talǵar aýdany polıtsııa basqarmasynyń bastyǵy laýazymynyń mindetin atqarýshy bolyp polıtsııa podpolkovnıgi Aıdar Ábdikerimuly Omarov taǵaıyndaldy.
Petropavl qalasy ákiminiń qurylys jáne jedel máseleler jónindegi orynbasary bolyp Sergeı Melehov taǵaıyndaldy.
Sergeı Melehov 1987 jyly Aqqaıyń aýdany Smırnov aýylynda dúnıege keldi. M.Qozybaev atyndaǵy SQMÝ-di «Dene shynyqtyrý jáne sport» mamandyǵy boıynsha, S.Seıfýlın atyndaǵy Qazaq agrotehnıkalyq ýnıversıtetin «Elektr energetıgi» mamandyǵy boıynsha támamdaǵan. Konkımen júgirýden QR sport sheberi, joǵary sanatty jattyqtyrýshy.
Eńbek jolyn 2007 jyly konkımen júgirý sportynan nusqaýshy-sportshy qyzmetinen bastady. Ár jyldary SQO ákimdiginiń vedomstvolyq baǵynysty mekemelerinde, «Astanaenergoservıs» AQ tehnıkalyq baqylaý jáne jobalardy basqarý ınjeneri qyzmetinde jumys istedi. 2018-2020 jyldary Petropavldaǵy «Jeńis» balalar men jasóspirimderge mamandandyrylǵan olımpıadalyq rezervtegi sport mektebine jetekshilik etti. Osy taǵaıyndaýǵa deıin Sergeı Melehov SQO ákimdigi dene shynyqtyrý jáne sport basqarmasynyń basshysy qyzmetin atqardy. Sondaı-aq 2024 jylǵy sý tasqyny kezeńinde Hromzavod shaǵyn aýdanynyń jedel shtabyn basqardy.