Elimizde apta ishinde bolǵan kadrlyq taǵaıyndaýlar

Nurlan Ábdirov Ortalyq saılaý komıssııasy tóraǵasy bolyp qaıta taǵaıyndaldy.

Nurlan Ábdirov 1961 jylǵy 12 qańtarda týǵan. KSRO ІІM Qaraǵandy joǵary mektebin, KSRO ІІM Búkilodaqtyq ǵylymı-zertteý ınstıtýtynyń kúndizgi adıýnktýrasyn (Máskeý q.), Dj.Marshall atyndaǵy Qaýipsizdik máselelerin zerdeleý jónindegi Eýropalyq ortalyqta basshylyq quramnyń 4 aılyq kýrstaryn (Germanııa) bitirgen.

Zańger-quqyqtanýshy. Zań ǵylymdarynyń doktory, professor.

09.1982 – 06.1997 jj. - ІІM Qaraǵandy joǵary mektebinde oqytýshylyq qyzmet atqardy.

06.1997 – 05.2000 jj. – Qazaqstan Respýblıkasynyń Esirtkini baqylaý jónindegi memlekettik komıssııasynyń hatshysy.

05.2000 – 09.2002 jj. – Qazaqstan Respýblıkasy Nashaqorlyqqa jáne esirtki bıznesine qarsy kúres agenttigi tóraǵasynyń orynbasary, Qazaqstan Respýblıkasy Ádilet mınıstrliginiń Nashaqorlyqqa jáne esirtki bıznesine qarsy kúres komıteti tóraǵasynyń orynbasary.

09.2002 – 06.2005 jj. – Qaýipsizdik keńesi Hatshylyǵynyń memlekettik ınspektory, Qaýipsizdik keńesi Hatshylyǵy Qoǵamdyq jáne ekologııalyq qaýipsizdik bóliminiń meńgerýshisi, Qazaqstan Respýblıkasy Qaýipsizdik keńesi Hatshylyǵy meńgerýshisiniń orynbasary.

06.2005 – 09.2009 jj. – Qazaqstan Respýblıkasy Qaýipsizdik keńesi hatshysynyń orynbasary – Qaýipsizdik keńesi Hatshylyǵynyń meńgerýshisi.

09.2009 – 08.2020 jj. – Qazaqstan Respýblıkasy Parlamenti Májilisiniń tórtinshi, besinshi, altynshy saılanymdarynyń depýtaty, Zańnama jáne sot-quqyqtyq reforma komıtetiniń tóraǵasy.

08.2020 – 09.2020 jj. – Qazaqstan Respýblıkasy Parlamenti Senatynyń depýtaty.

09.2020 – 01.2022 jj. Qazaqstan Respýblıkasy Parlamenti Senaty tóraǵasynyń orynbasary.

Qazaqstan Respýblıkasy Prezıdentiniń 2022 jylǵy 25 qańtardaǵy № 784 Jarlyǵymen Qazaqstan Respýblıkasy Ortalyq saılaý komıssııasynyń tóraǵasy bolyp taǵaıyndaldy.

Al Elvıra Ázimova Konstıtýtsııalyq sot tóraǵasy laýazymynda qalatyn boldy.

Elvıra Ábilqasymqyzy 1973 jylǵy 15 aqpanda dúnıege kelgen. 1996 jyly Q.A. ıAsaýı atyndaǵy Halyqaralyq qazaq-túrik ýnıversıtetin «Halyqaralyq zańger» mamandyǵy boıynsha bitirgen.

Eńbek jolynda Ádilet mınıstrliginde uzaq jyl qyzmet atqardy.

1996-1999 jyldary mınıstrliktiń Halyqaralyq-quqyqtyq qamtamasyz etý basqarmasynda jetekshi jáne bas konsýltant boldy.

1999-2005 jyldary zańnama, halyqaralyq quqyq jáne protokol baǵyttaryndaǵy departamentterde basshylyq qyzmetter atqardy.

2005-2010 jyldary Ádilet mınıstrliginiń zańǵa táýeldi aktiler jáne halyqaralyq quqyq, memlekettiń múliktik quqyqtaryn qorǵaý, kelisimsharttar jáne talap-aryz jumysy baǵytyndaǵy departamentterin basqardy.

2010-2013 jyldary Ádilet mınıstrliginiń halyqaralyq sharttardy saraptaý departamentiniń dırektory, al 2013-2019 jyldary Ádilet mınıstriniń orynbasary qyzmetin atqardy.

2019 jylǵy qyrkúıekten 2023 jylǵy qańtarǵa deıin QR Adam quqyqtary jónindegi ýákil boldy.

Elvıra Ázimova 2023 jylǵy 1 qańtardan bastap QR Konstıtýtsııalyq Sotynyń Tóraǵasy qyzmetin atqaryp keldi.

Sondaı-aq ol QR Prezıdenti janyndaǵy Adam quqyqtary jónindegi komıssııanyń jáne Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi boldy.

Sondaı-aq, bul aptada «Ádilet» partııasynyń basshylyq quramy aıqyndaldy. Partııa tóraǵasynyń buıryǵymen Ashat Oralov, Nursultan Baıtilesov jáne Eldar Jumaǵazıev tóraǵa orynbasarlary laýazymdaryna taǵaıyndaldy. 

Ashat Oralov baqylaý, taldaý jáne qyzmetti baǵalaý máselelerine jetekshilik etedi. Ol L. N. Gýmılev atyndaǵy Eýrazııa ulttyq ýnıversıtetin jáne Reseı Federatsııasy Syrtqy ister mınıstrliginiń Máskeý memlekettik halyqaralyq qatynastar ınstıtýtyn támamdaǵan, fılosofııa doktory degen ǵylymı dárejesi bar.

Ár jyldary Pavlodar oblysy ákiminiń orynbasary, Aqparat jáne qoǵamdyq damý vıtse-mınıstri, Astana qalasy ákiminiń orynbasary, QR Mádenıet jáne sport mınıstri, Prezıdent Ákimshiliginde Memlekettik ınspektor qyzmetterin atqardy. Taǵaıyndaýǵa deıin Mańǵystaý oblysy ákiminiń birinshi orynbasary laýazymynda jumys istedi.

Nursultan Baıtilesov quqyqtyq jáne zańnamalyq baǵytqa jetekshilik etedi. Onyń kásibı qyzmeti sot júıesimen tyǵyz baılanysty. 

Ol aýdandyq sot mamanynan bastap, Qazaqstan Respýblıkasy Sot ákimshiligi basshysynyń birinshi orynbasaryna deıingi qyzmet jolynan ótti. Sondaı-aq Parlament Májilisiniń VIII shaqyrylym depýtaty boldy. Ár jyldary M. Áýezov atyndaǵy Ońtústik Qazaqstan ýnıversıtetinde jáne Óńirlik áleýmettik-ınnovatsııalyq ýnıversıtette «quqyqtaný», «ekonomıka» jáne «bıznes» mamandyqtary boıynsha bilim aldy.

Eldar Jumaǵazıev ekonomıka, salalyq jáne óńirlik damý máselelerine jaýap beredi. Ol Atyraý munaı jáne gaz ınstıtýtyn, sondaı-aq Reseı Federatsııasy Prezıdentiniń janyndaǵy Reseı memlekettik qyzmet akademııasyn támamdady. Ár jyldary Atyraý oblysyndaǵy ishki saıasat salasynda qyzmet etip, «Atyraý-Aqparat» KMK óńirlik medıaholdıngin basqarǵan, «Atameken» Ulttyq kásipkerler palatasynda basshylyq qyzmetterde jumys istedi. Partııalyq jumysta mol tájirıbesi bar.

Buǵan deıin partııa tóraǵasynyń orynbasarlary laýazymdaryna kommýnıkatsııa máseleleri jóninde — Álııa Adambaeva, ıdeologııa baǵyty boıynsha — Erjan Jylqybaev, tsıfrlandyrý máseleleri jóninde — Qanysh Tóleýshın taǵaıyndalǵan edi.

Erkejan Kúntýǵan Prezıdent teleradıokesheni dırektorynyń orynbasary qyzmetine taǵaıyndaldy. 

Erkejan Kúntýǵannyń medıa salasynda tájirıbesi mol. 2023 jyldyń qańtarynan beri Jibek Joly telearnasynyń dırektory qyzmetin atqaryp keldi, al oǵan deıin Prezıdent Teleradıokesheninde kreatıvti dırektor boldy.

Ár jyldary Atameken Business telearnasynda atqarýshy prodıýser, «Evrazııa» telearnasynda kreatıvti prodıýser bolyp qyzmet atqarǵan.

Erkejan Kúntýǵan bul laýazymynda QR Prezıdenti Teleradıokesheni qyzmetiniń negizgi baǵyttaryn úılestirýge atsalysady. Oǵan televızııalyq kontentti damytý, aqparattyq jáne shyǵarmashylyq jobalardy iske asyrý, sondaı-aq óndiristik úderisterdi jetildirý kiredi.

Sáken Mamyrbekov Túrkistan halyqaralyq áýejaıynyń dırektory bolyp taǵaıyndaldy.

Ol 1987 jylǵy 4 shildede Túrkistan oblysy Kentaý qalasynda dúnıege kelgen.

2008 jyly Qazaq ulttyq agrarlyq ýnıversıtetin ınjener mamandyǵy boıynsha bitirgen.

2019 jyly «Azamattyq avıatsııa akademııasy» AQ-nyń túlegi atandy.

Eńbek jolyn 2008 jyly «Shymkent áýejaıy» AQ-da quqyqtyq qamtamasyz etý jáne personalmen jumys bóliminiń zańgeri qyzmetinen bastaǵan. Keıin jylý-tehnıkalyq jáne sanıtarlyq-tehnıkalyq qamtamasyz etý qyzmetiniń ınjeneri bolyp jumys istedi. 2010 jyldan atalǵan bólimniń bastyǵy qyzmetin atqardy. 2016-2017 jáne 2024-2025 jyldary «Shymkent áýejaıy» AQ-nyń korporatıvtik hatshysy boldy. 2019 jyldyń maýsymynda AQSh-ta SABIT baǵdarlamasy aıasynda «Eýrazııa áýejaılaryn damytý» taqyrybynda taǵylymdamadan ótti.

2016 jylǵy jeltoqsannan 2025 jylǵy maýsymǵa deıin «Shymkent áýejaıy» AQ Basqarma tóraǵasynyń ekonomıka jáne qarjy jónindegi orynbasary qyzmetin atqardy.

«Qurmetti avıator» tósbelgisimen (2022) jáne «Qazaqstan Táýelsizdigine 30 jyl» medalimen (2021) marapattalǵan. Azamattyq avıatsııa salasyndaǵy jalpy eńbek ótili — 18 jyl.

Shyǵys Qazaqstan oblysy polıtsııa departamenti bastyǵynyń birinshi orynbasary bolyp Bolat Nurseıitov taǵaıyndaldy. https://kaz.inform.kz/news/shko-politsiya-departament-bastiginin-brnsh-orinbasari-tagayindaldi-9b7bc506

Bolat Nurseıitov 1976 jylǵy 3 shildede Qostanaı oblysynda dúnıege kelgen. Quqyq qorǵaý organdarynda 1996 jyldan beri qyzmet etip keledi. Eńbek jolyn Qostanaı oblysy boıynsha MTKB kezekshi bóliminiń kezekshi kómekshisi laýazymynan bastaǵan. Keıin ártúrli jedel jáne basshylyq qyzmetterdi atqardy.

2004 jyly Pavlodar oblysy ІІB Uıymdasqan qylmysqa qarsy kúres basqarmasynda asa mańyzdy ister jónindegi aǵa jedel ýákil qyzmetin atqardy. Al bir jyldan keıin asa qaýipti qylmystarǵa qarsy kúres bólimin basqardy.

2009 jyldan bastap Pavlodar qalasy ІІB Krımınaldyq polıtsııa bóliminiń bastyǵy boldy. 2012 jyldan qalalyq basqarma bastyǵynyń orynbasary qyzmetin atqardy.

2015-2017 jyldary QR ІІM ortalyq apparatynda Krımınaldyq polıtsııa departamentiniń jeke adamǵa qarsy asa aýyr qylmystardy ashýdy uıymdastyrý basqarmasynda qyzmet atqardy.

2018-2022 jyldary Jambyl oblysy Taraz qalasy polıtsııa basqarmasynyń 1-polıtsııa bólimin basqardy.

2022 jyldyń aqpan aıynan Pavlodar oblysy polıtsııa departamenti bastyǵynyń orynbasary boldy. 2025 jyldan bastap osyǵan deıin Pavlodar oblysy PD bastyǵynyń birinshi orynbasary bolyp jumys istedi.

Murat Bóribaev Jezqazǵan ákimi bolyp taǵaıyndaldy. 

Murat Bóribaev 1991 jyly dúnıege kelgen. Metallýrgııa, ekonomıka jáne bıznes bakalavry, memlekettik menedjment magıstri. Qaraǵandy memlekettik tehnıkalyq ýnıversıtetin, Qaztutynýodaǵy Qaraǵandy ekonomıkalyq ýnıversıtetin, Qazaqstan Respýblıkasy Prezıdentiniń janyndaǵy Memlekettik basqarý akademııasyn bitirgen.

Eńbek jolyn «Qazaqmys» korporatsııasy JShS fılıaly «Qaraǵandytústimet» ÓB «Nurqazǵan» baıytý fabrıkasy bas korpýsynyń úshinshi razrıadty flotatory bolyp bastady.

2011-2012 jyldary — «Qazaqmys» korporatsııasy JShS «Qaraǵandytústimet» ÓB fılıalynyń «Nurqazǵan» baıytý fabrıkasy jetekshiliginiń ákimshilik bas korpýsynda is júrgizýshi;

«Qazaqmys» korporatsııasy JShS fılıaly «Qaraǵandytústimet» ÓB «Nurqazǵan» baıytý fabrıkasy bas korpýsy baqylaý tsehynyń sheberi;

2012-2013 jyldary — «Qazaqmys» korporatsııasy JShS «Qaraǵandytústimet» fılıaly Nurqazǵan baıytý fabrıkasy bas korpýsy tsehynyń bastyǵy;

2013-2014 jyldary — «Qazaqmys» korporatsııasy JShS «Shyǵystústimet» ÓB Orlov kenishi BF bas ınjeneri;

2014-2015 jyldary — «Qazaqmys» korporatsııasy JShS «JTM» ÓB № 1, 2, 3 Jezqazǵan baıytý fabrıkasy № 2 bas korpýsy tsehynyń bastyǵy;

2015-2017 jyldary — «Qazaqmys» korporatsııasy JShS «QTM» fılıaly Nurqazǵan baıytý fabrıkasynyń dırektory;

2017-2024 jyldary «Jezqazǵantústimet» ÓB № 1, 2, 3 Jezqazǵan baıytý fabrıkasynyń dırektory;

Taǵaıyndaýǵa deıin Sátbaev qalasynyń ákimi boldy.

Al Sátbaevqa Keńgirbaı Smaǵulov ákim bolyp bardy.

Keńgirbaı Smaǵulov 1978 jyly týǵan.

Ó. Baıqońyrov atyndaǵy Jezqazǵan ýnıversıtetiniń túlegi.

Eńbek jolyn 2000 jyly Jezqazǵan qalasy boıynsha Salyq komıtetiniń jınaý bóliminiń salyq ınspektory qyzmetinen bastaǵan.

2001–2002 jyldary Jezqazǵan qalalyq ekonomıka komıtetiniń kásipkerlik jáne tutyný naryǵyn damytý bóliminiń bas mamany;

2002–2004 jyldary Jezqazǵan qalalyq ekonomıka komıtetiniń qarjy-nesıe qatynastary, áleýmettik sala jáne kásipkerlik bóliminiń bas mamany;

2004–2005 jyldary Jezqazǵan qalasy Ekonomıka jáne kásipkerlikti damytý komıtetiniń bólim basshysy;

2005–2006 jyldary Jezqazǵan qalasy ákimi apparatynyń taldaý jumysy bóliminiń bas mamany;

2006 jyly Jezqazǵan qalasy kásipkerlik bóliminiń basshysy;

2006–2008 jyldary Jezqazǵan qalasy ákimi apparatynyń basshysy;

2008–2009 jyldary Jezqazǵan qalasy kásipkerlik bóliminiń basshysy;

2009–2010 jyldary Jezqazǵan qalasy kásipkerlik jáne aýyl sharýashylyǵy bóliminiń basshysy;

2010–2013 jyldary Jezqazǵan qalasy kásipkerlik bóliminiń bastyǵy;

2013–2015 jyldary Jezqazǵan qalasy kásipkerlik jáne ónerkásip bóliminiń basshysy;

2015–2020 jyldary Jezqazǵan qalasy kásipkerlik jáne aýyl sharýashylyǵy bóliminiń basshysy;

2020 jyly Jezqazǵan qalasy turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy;

2020–2022 jyldary Qaraǵandy oblystyq «Nur Otan» partııasy Jezqazǵan qalalyq bólimshesi tóraǵasynyń birinshi orynbasary;

2022 jyly «AMANAT» partııasy Jezqazǵan qalalyq bólimshesiniń jaýapty hatshysy;

2022–2023 jyldary Ulytaý oblysynyń eńbek ınspektsııasy basqarmasynyń basshysy qyzmetterin atqardy.

2023-2024 jyldary Ulytaý oblysynyń qarjy basqarmasynyń basshysy qyzmetin atqardy.

Osy taǵaıyndaýǵa deıin, ıaǵnı, 2024-2026 jyldary Ulytaý oblysy ákimi apparatynyń basshysy boldy.

Ulasbek Sádibekov Báıdibek aýdanynyń ákimi bolyp taǵaıyndaldy.

Ulasbek Sádibekuly Sádibekov 1967 jyly Báıdibek aýdanynda dúnıege kelgen. Bilimi joǵary. 1992 jyly Tselınograd aýylsharýashylyq ınstıtýtyn «ınjener-elektrık» mamandyǵy boıynsha, 2001 jyly «Qaınar» ýnıversıtetin «ekonomıst» mamandyǵy boıynsha támamdaǵan.

Eńbek jolyn 1983 jyly Ońtústik Qazaqstan oblysy Alǵabas aýdanyndaǵy mal bordaqylaý kesheninde jumysshy bolyp bastaǵan. 1984-1986 jyldary Tselınograd aýylsharýashylyq ınstıtýtynda bilim alǵan. 1986-1987 jyldary Keńes Armııasy qatarynda áskerı qyzmet atqaryp, 1987-1992 jyldary atalǵan ınstıtýttaǵy oqýyn jalǵastyrǵan. 1992-1993 jyldary Aqmola qalalyq ákimshiliginiń jastar komıtetiniń tóraǵasy qyzmetin atqardy.

1993-1994 jyldary OQO Alǵabas aýdandyq ákimshiliginiń ishki saıasat bóliminde maman, bas maman, 1994-1996 jyldary aýdandyq ákimshiliktiń jastar isi, týrızm jáne sport basqarmasynyń basshysy boldy. 1996-1998 jyldary Shymkent qalasyndaǵy «Jetigen» JShS dırektory, 1998-2002 jyldary Báıdibek aýdany ákiminiń orynbasary, 2002-2004 jyldary OQO ákiminiń apparaty áleýmettik-mádenı kesheni bóliminiń meńgerýshisi, 2004-2005 jyldary oblystyń jastar isi jáne ishki saıasat departamentiniń dırektory bolyp eńbek etti.

Sondaı-aq 2005-2006 jyldary OQO ishki saıasat departamentiniń dırektory, 2006-2007 jyldary Báıdibek aýdanynyń, 2007-2009 jyldary Saryaǵash aýdanynyń ákimi qyzmetterin atqardy. 2009-2012 jyldary «Nur Otan» partııasy OQO fılıaly tóraǵasynyń birinshi orynbasary bolyp jumys istedi. 2012-2016 jyldary QR Parlamenti Májilisiniń depýtaty,

2016-2018 jyldary OQO ákiminiń orynbasary, 2018-2019 jyldary Túrkistan oblysy ákiminiń keńesshisi — Nur-Sultan qalasyndaǵy ókili, 2019-2023 jyldary Saıram aýdanynyń ákimi qyzmetin atqardy.

2023 jyldan bastap QR Parlamenti Májilisiniń depýtaty boldy. «Qurmet» jáne «Parasat» ordenderiniń ıegeri.

Aqtóbe oblysy Oıyl aýdanynyń ákimi qyzmetin endi Sáken Zaımoldın atqarady.

Ol osy aýyldyń týmasy. Q.Jubanov atyndaǵy Aqtóbe ýnıversıtetin «dene tárbıesi jáne bıologııa», Máskeý tehnologııalyq ınstıtýtyn «menedjment» mamandyqtary boıynsha támamdaǵan.

Eńbek jolyn 1997 jyly Oıyl kásiptik-tehnıkalyq lıtseıinde bastaǵan. Oıyl agrarlyq kolledjinde jumys istedi. Qaraoı aýyldyq okrýginiń ákimi, 2020-2021 jyldary «Nur Otan» partııasynyń Oıyl aýdandyq fılıaly tóraǵasynyń birinshi orynbasary boldy. 2021 jyldan osy ýaqytqa deıin Oıyl aýdandyq máslıhatynyń hatshysy, tóraǵasy qyzmetin atqaryp keldi.