Elimizde apta ishinde bolǵan kadrlyq taǵaıyndaýlar
Ótip bara jatqan apta ishinde elimizdiń ortalyq jáne jergilikti atqarýshy organdarynda birqatar kadrlyq aýys-túıis boldy, dep habarlaıdy Kazinform.
Memleket basshysynyń ókimimen Shyńǵys Lesuly Jaqypov Qazaqstan Respýblıkasy Memlekettik kúzet qyzmeti bastyǵynyń orynbasary laýazymyna taǵaıyndaldy.
Sondaı-aq Memleket basshysynyń ókimimen osy qyzmetti atqaryp kelgen Ańsaǵan Skenderuly Baltabekov laýazymynan bosatyldy.
Halyqaralyq Araldy qutqarý qorynyń Prezıdenti, QR Prezıdenti Qasym-Jomart Toqaevtyń sheshimimen Ashat Tutqyshbaıuly Orazbaı Halyqaralyq Araldy qutqarý qory Atqarýshy komıtetiniń tóraǵasy bolyp taǵaıyndaldy.
Osylaısha Ashat Orazbaı Memleket basshysynyń Jarlyǵymen Qazaqstan Respýblıkasynyń Iran Islam Respýblıkasyndaǵy Tótenshe jáne Ókiletti Elshisi laýazymynan bosatyldy.
Bas prokýrordyń buıryǵymen Bas prokýror apparatynyń basshysy qyzmetine Almaz Muhametjanov taǵaıyndaldy.
Almaz Muhametjanov 1972 jyly dúnıege kelgen. Eńbek jolyn 1994 jyly bastap, Qaraǵandy qalasy Sovet aýdany prokýrorynyń kómekshisi, prokýratýranyń tergeýshisi, Qaraǵandy oblysy prokýratýrasynyń áleýmettik-ekonomıkalyq saladaǵy zańdylyqty qadaǵalaý bóliminiń prokýrory qyzmetterin atqarǵan.
Bas prokýratýrada 1998 jyldan bastap jumys isteıdi. Astana qalasy boıynsha QSAO basshysy, Bas prokýratýranyń Quqyqtyq statıstıka jáne arnaıy esepke alý komıteti tóraǵasynyń orynbasary, Bas prokýratýranyń halyqaralyq qatynastar departamenti bastyǵynyń orynbasary, Bas prokýror apparatynyń uıymdastyrý – baqylaý jumysy bóliminiń bastyǵy qyzmetterin atqardy.
2009 jyldyń sáýirinen 2012 jyldyń aqpanyna deıin Ádilet mınıstrliginiń NQA tirkeý departamentiniń dırektory bolyp jumys istedi.
2012 jyldan bastap qazirgi tańǵa deıin Qazaqstan Respýblıkasy Bas prokýratýrasynyń Normashyǵarmashylyq qyzmetti úılestirý basqarmasynyń, sosyn departamentiniń bastyǵy laýazymdaryn atqaryp keldi.
Atalmysh quzyretti organnyń Normashyǵarmashylyq qyzmetti úılestirý departamentiniń basshysy bolyp Albına Maýtova taǵaıyndaldy.
Albına Maýtova 1976 jyly týǵan. 1997 jyly A.Baıtursynov atyndaǵy Qostanaı memlekettik ýnıversıtetin bitirgennen keıin, eńbek jolyn joǵaryda atalǵan ýnıversıtette oqytýshy bolyp bastaǵan.
Prokýratýra organdarynda 1998 jyldan bastap qyzmet etedi. Rýdnyı qalasy prokýrorynyń kómekshisi, aǵa kómekshisi, Bas prokýratýranyń jedel-izdestirý qyzmetiniń zańdylyǵyn qadaǵalaý departamentiniń prokýrory, aǵa prokýrory, Bas prokýrordyń kómekshisi, aǵa kómekshisi qyzmetterin atqardy.
2019 jyldyń naýryz aıynan bastap qazirgi ýaqytqa basqarma bastyǵynyń orynbasary, odan keıin 2020 jyldan bastap Bas prokýratýranyń Normashyǵarmashylyq qyzmetti úılestirý departamenti bastyǵynyń orynbasary laýazymdaryn atqardy.
Mádenıet jáne aqparat mınıstriniń buıryǵymen Qaırat Telmanuly Qambarov Jastar jáne otbasy isteri komıtetiniń tóraǵasy bolyp taǵaıyndaldy.
Qaırat Telmanuly 1989 jyly Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin, «Turan-Astana» ýnıversıtetin bitirgen.
Eńbek jolyn 2010 jyly Astana q. Іshki saıasat basqarmasynyń bas mamany bolyp bastady.
2012-2013 jyldary — Astana q. ákimi apparaty bóliminde bas maman, bas maman – protokol basshysy.
2013 jyly QR Prezıdentiniń Іs basqarmasynda sektor bóliminiń meńgerýshisi, Astana q. Jastar saıasaty máseleleri basqarmasy bóliminiń basshysy.
2013-2014 jyldary — «Nur Otan» partııasynyń Astana q. fılıalynyń bólim keńesshisi.
2014-2015 jyldary — Astana qalasy boıynsha Tekserý komıssııasy bóliminiń bas ınspektory-bas baqylaýshysy.
2015 jyly Astana q. Jastar saıasaty máseleleri basqarmasynyń bólim basshysy.
2015-2018 jyldary — Astana qalasy Іshki saıasat basqarmasynyń bólimi basshysy, basqarma basshysynyń orynbasary, Tilderdi damytý jáne arhıv isi basqarmasy basshysynyń orynbasary, Astana qalasy ákimi apparatynyń bólim basshysy.
2019-2021 jyldary — Nur-Sultan qalasy Esil aýdany ákimi apparatynyń basshysy.
2021-2022 jyldary — Nur-Sultan qalasy Jastar saıasaty máseleleri basqarmasynyń basshysy.
2022 jyldan qazirgi ýaqytqa deıin — Astana qalasy Jastar saıasaty máseleleri basqarmasynyń basshysy.
Al osy mınıstrliktegi Rýstam Álı Arhıv, qujattama jáne kitap isi komıtetiniń tóraǵasy bolyp taǵaıyndaldy.
Ol 1984 jyly Almaty oblysynda dúnıege kelgen. Ál-Farabı atyndaǵy Qazaq ulttyq ýnıversıtetin, І. Jansúgirov atyndaǵy Jetisý memlekettik ýnıversıtetin bitirgen.
Eńbek jolyn 2006 jyly «Delovaıa nedelıa» gazetinde tilshi bolyp bastaǵan.
2006-2011 jyldary – «Delovaıa nedelıa» gazetinde tilshi, redaktor, bas redaktordyń orynbasary.
2011-2012 jyldary – «Jetisý jastary» jastar ortalyǵy» MKQK dırektory.
2012 jyly – Almaty oblysy jastar saıasaty ortalyǵynyń dırektory.
2012 jyly – Almaty oblysy Qaınarly aýyldyq okrýginiń ákimi.
2012-2016 jyldary – Almaty oblysy jastar saıasaty máseleleri basqarmasynyń bastyǵy, basshysy.
2016-2020 jyldary Almaty oblysy ishki saıasat basqarmasynyń basshysy bolyp jumys istedi.
2020-2021 jyldary – Almaty oblysy ákiminiń orynbasary.
2021-2022 jyldary – Almaty oblysy Eskeldi aýdanynyń ákimi.
2022 jyldan bastap qazirgi ýaqytqa deıin – Jetisý oblysy ákiminiń orynbasary.
QR Prezıdent Ákimshiliginiń kelisimi negizinde Aqmola oblysy ákiminiń ókimimen Dosulan Aıtbaev Aqmola oblysy ákimi apparatynyń basshysy bolyp taǵaıyndaldy.
Dosulan Aıtbaev 1985 jyly Qostanaı oblysy Jangeldın aýdanynda týǵan.
Eńbek jolyn 2008 jyly Qostanaı oblysy Jangeldın aýdany ákimi apparatynyń bas mamany bolyp bastady.
2008-2010 jyldary Qostanaı oblysynyń Іshki saıasat basqarmasynda jumys istedi.
2010-2013 jyldary Mádenıet jáne aqparat mınıstrliginde qyzmet etti.
2013-2016 jyldary Bilim jáne ǵylym mınıstrliginiń Jastar isteri komıtetinde ártúrli jaýapty qyzmetterdi atqardy.
2016-2020 jyldary Qazaqstan Prezıdentiniń baspasóz qyzmetiniń referenti, konsýltanty, ınspektory keıin sektor meńgerýshisi bolyp jumys istedi.
2023 jyldan bastap qazirgi ýaqytqa deıin Prezıdent Ákimshiligi Kommýnıkatsııalar bóliminiń sektor meńgerýshisi qyzmetin atqardy.
Ermek Alpysov Qaraǵandy oblysy ákiminiń birinshi orynbasary bolyp taǵaıyndaldy.
Ol 2001 jyldan beri memlekettik qyzmette. Almaty oblystyq qorshaǵan ortany qorǵaý basqarmasynyń jetekshi, bas mamany, ınspektory, bólim bastyǵy boldy. Almaty oblysy Aqsý aýdany ákiminiń orynbasary, Taldyqorǵan ákiminiń orynbasary, Taldyqorǵan ákimi, QR Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bólimi meńgerýshisiniń orynbasary qyzmetterin atqardy.
2019 jyldan 2021 jylǵa deıin QR Ulttyq ekonomıka mınıstriniń orynbasary boldy. Buǵan deıin Qaraǵandy oblysy ákiminiń orynbasary qyzmetin atqardy.
QR Prezıdenti Ákimshiliginiń kelisimimen jáne oblys ákiminiń ókimimen Janalınov Danııar Erenǵalıuly Qyzylorda oblysy ákiminiń birinshi orynbasary laýazymyna taǵaıyndaldy.
D. Janalınov 1975 jyly Almaty oblysynda dúnıege kelgen. Qazaq kólik jáne kommýnıkatsııa akademııasyn «Injener-ekonomıst» mamandyǵy boıynsha bitirgen.
Eńbek jolyn 2000 jyly Almaty oblysy Taldyqorǵan qalasy boıynsha salyq komıtetiniń salyq ınspektory bolyp bastaǵan.
2002-2010 jyldary Almaty oblysy boıynsha salyq komıtetinde salyq ınspektory, jetekshi, bas salyq ınspektory, bólim basshysy jáne departament bastyǵynyń orynbasary qyzmetterin atqarǵan.
2010-2014 jyldary QR Qarjy mınıstrligi Salyq komıtetiniń basqarma basshysy, 2014-2018 jyldary QR Qarjy mınıstrligi Memlekettik kirister komıtetiniń Soltústik Qazaqstan oblysy boıynsha departamentiniń basshysy, 2018-2021 jyldary Mańǵystaý oblysy boıynsha memlekettik kirister departamentiniń basshysy bolǵan.
2021-2022 jyldary QR Qarjy vıtse-mınıstri. 2022 jyldyń tamyz aıynan bastap QR Qarjy mınıstrligi Memlekettik kirister komıtetiniń tóraǵasy, 2023 jyldyń qyrkúıek aıynan beri oblys ákiminiń orynbasary qyzmetterin atqaryp keldi.
Oblys ákiminiń ókimimen Qyzylorda qalasynyń ákimi qyzmetine Serik Qojanııazov taǵaıyndaldy.
S. Qojanııazov 1965 jyly Qyzylorda qalasynda dúnıege kelgen. 1989 jyly Kýzbass polıtehnıkalyq ınstıtýtyn (RF) ınjener-mehanık, 2002 jyly L.Gýmılev atyndaǵy Evrazııa memlekettik ýnıversıtetiniń Qyzylorda fılıalyn ekonomıst-qarjyger mamandyqtary boıynsha bitirgen.
Eńbek jolyn 1989 jyly Qyzylorda qalasynda №2 mehanıkalyq-jóndeý zaýytynyń ınjener-tehnology, ýchaske sheberi bolyp bastaǵan.
1992-1999 jyldary «Serik» shaǵyn kásipornynyń, «Arko-ınvest» ınvestıtsııalyq jekeshelendirý qorynyń dırektory, 1999-2001 jyldary Qyzylorda qalasynyń ákimi janyndaǵy «Qalalyq bıznes ortalyǵy» memlekettik kásipornynyń jáne Qyzylorda oblysy ákiminiń janyndaǵy «Investıtsııa tartý jáne qundy qaǵazdar rynogyn damytý ortalyǵy» memlekettik kásipornynyń dırektory, Qyzylorda qalasyndaǵy «Senim» ashyq zeınetaqy jınaqtaý qory» JAQ-nyń bas menedjeri qyzmetterin atqarǵan.
2001-2007 jyldary Qyzylorda oblysy ákimi apparatynyń naryqtyq ınfraqurylymdy qalyptastyrý bóliminiń meńgerýshisi, Qyzylorda oblysynyń kásipkerlik jáne ónerkásip departamentiniń dırektory, 2007-2008 jyldary Qyzylorda qalasynyń ákimi boldy.
2008-2014 jyldary QR Premer-Mınıstri Keńsesiniń uıymdastyrý jumysy jáne aımaqtyq damý bóliminiń bas ınspektory, osy bólim meńgerýshisiniń orynbasary, odan ári Premer-Mınıstri Keńsesiniń aımaqtyq damý bóliminiń meńgerýshisi qyzmetterin abyroımen atqardy.
2014-2019 jyldary Qyzylorda oblysy ákiminiń orynbasary, QR Perzıdentiniń «Baıqońyr» keshenindegi arnaýly ókili qyzmetinde bolyp, 2019-2022 jyldary deıin QR Ekologııa, geologııa jáne tabıǵı resýrstar mınıstrliginiń vıtse-mınıstri laýazymyn atqarǵan.
2022 jyldyń 24 maýsymynan bastap Qyzylorda oblysy ákiminiń birinshi orynbasary qyzmetin atqardy.
Qazaqstannyń Ujymdyq qaýipsizdik týraly shart uıymynyń turaqty ókili Marat Syzdyqov UQShU Turaqty keńesiniń basshysy bolyp taǵaıyndaldy.
Marat Syzdyqov 1966 jyly 27 sáýirde Aqmola oblysy Şýchınsk qalasynda dúnıege kelgen.
1991-1992 jyldary Tselınograd qalasyndaǵy №7 gımnazııada tarıh pániniń muǵalimi;
1992-1998 jyldary L.Gýmılev atyndaǵy Eýrazııa ulttyq ýnıversıtetiniń qazirgi zaman tarıhy kafedrasynyń oqytýshysy, aǵa oqytýshysy;
1998-2000 jyldary QR Prezıdenti Ákimshiliginiń Taldaý jáne strategııalyq zertteýler ortalyǵynyń sarapshysy;
2000-2002 jyldary QR Prezıdenti Ákimshiligi Qaýipsizdik Keńesiniń Taldaý ortalyǵynyń halyqaralyq úderisterdi taldaý jáne boljaý sektorynyń meńgerýshisi;
2002-2010 jyldary QR Reseı Federatsııasyndaǵy Elshiliginiń ekinshi hatshysy, birinshi hatshysy, keńesshisi;
2010-2014 jyldary QR Prezıdenti Ákimshiliginiń Syrtqy saıasat ortalyǵy meńgerýshisiniń orynbasary;
2014-2019 jyldary QR Reseı Federatsııasyndaǵy Elshiliginde keńesshi;
2019 jyldan bastap QR Syrtqy ister mınıstriniń orynbasary bolyp jumys istedi;
2022 jyldyń 21 sáýirinde Qazaqstan Respýblıkasynyń Ujymdyq qaýipsizdik týraly sharty uıymyndaǵy turaqty ókili bolyp taǵaıyndaldy.
Konstantın Gorovenko 21 jasqa deıingi Qazaqstan quramasynyń bas bapkeri bolyp taǵaıyndaldy.
K.Gorovenko fýtbolshy mansabynda «Qaırat», «Qaınar», «Jeńis», «Almaty», «Suńqar», «Megasport» syndy klýbtarda oınaǵan. 2000-2001 jyldary Qazaqstan quramasy sapynda 6 kezdesý ótkizip, 3 gol soqqan.
Bapkerlik mansabyn «Suńqar» klýbynda bas bapkerdiń kómekshisi bolyp bastady. Sondaı-aq, ol «Qaırattyń» jastar komandasynda qyzmet atqardy. 2017 jyly qazaqstandyq maman alǵashqy maýsymda almatylyq klýbtyń farm-komandasymen birge Qazaqstan birinshi lıgasynyń qola júldesine qol jetkizdi.
2018-2020 jyldary «Jetisýdyń» ekinshi komandasyn jattyqtyrdy.
2020 jyly Qaraǵandynyń «Shahterin» bapkerlik qyzmet atqardy. Komanda Premer-lıgada tórtinshi orynǵa turaqtap, eýrokýbok joldamasyn jeńip aldy.
2021 jyly «Maqtaaral» klýbynyń bas bapkeri qyzmetinde birinshi lıganyń kúmis júldegeri atanyp, Premer-lıgaǵa joldama aldy.
Odan keıingi kezeńde qazaqstandyq maman «Atyraý» jáne «Kaspıı» klýbtaryna basshylyq jasady.
