Elimizde apta ishinde bolǵan kadrlyq taǵaıyndaýlar

ASTANA. KAZINFORM – Ótken aptada elimizde týrızm, sport, qarjy salalarynda birqatar kadrlyq aýys-túıis boldy.

Aptanyń alǵashqy kúni Jandos Shaımardanov Prezıdent janyndaǵy Qazaqstannyń strategııalyq zertteýler ınstıtýtynyń dırektory laýazymyna taǵaıyndaldy. 

Jandos Nurlanuly Shaımardanov 1987 jyly Shyǵys Qazaqstan oblysynda dúnıege kelgen. Iork ýnıversıtetin (Ulybrıtanııa), IE ýnıversıtetin (Ispanııa) bitirgen.

Eńbek jolyn 2009 jyly QR Ekonomıka jáne josparlaý mınıstrliginde bas sarapshy qyzmetinen bastaǵan.

2010–2013 jyldary — «Samuryq-Qazyna» UÁQ AQ menedjeri.

2013–2014 jyldary — QR Ekonomıka jáne bıýdjettik josparlaý mınıstrligi Memlekettiń mindettemelerin basqarý jáne qarjy sektoryn damytý saıasaty basqarmasynyń bas sarapshysy.

2014–2016 jyldary — QR Ulttyq ekonomıka mınıstrligi Strategııalyq josparlaý jáne taldaý departamentiniń dırektory.

2016–2019 jyldary — Departament dırektory, «Báıterek» UBH AQ basqarýshy dırektory.

2019–2020 jyldary — «QazTech Ventures» AQ basqarma tóraǵasy.

2020–2022 jyldary — QR Ulttyq banki Aqsha-nesıe saıasaty departamentiniń dırektory.

2022–2023 jyldary — QR Strategııalyq josparlaý jáne reformalar agenttigi Ulttyq statıstıka bıýrosynyń basshysy.

2023–2025 jyldary — QR Strategııalyq josparlaý jáne reformalar agenttiginiń tóraǵasy qyzmetterin atqarǵan.

Dál sol kúni Syrtqy ister mınıstrliginiń Erekshe tapsyrmalar jónindegi elshisi Erkin Tuqymov Prezıdenttiń Aýǵanstan boıynsha arnaıy ókili laýazymyna taǵaıyndaldy. 

Erkin Tuqymov 1973 jyly Ózbekstanda, Termiz qalasynda týǵan.

1997 jyly Varshama halyqaralyq qatynastar ınstıtýtyn úzdik bitirip, 2004 jyly QR Ǵylym akademııasynyń Fılosofııa jáne saıasattaný ınstıtýtynyń aspırantýrasyn tamamdady.

Eńbek jolyn 1997 jyly QR Prezıdenti janyndaǵy Qazaqstan strategııalyq zertteýler ınstıtýty syrtqy saıası zertteýler bóliminiń aǵa ǵylymı qyzmetkeri retinde bastady.

2000-2005 jyldary QSZI syrtqy saıasat bóliminiń meńgerýshisi.

2005-2007 jyldary Ortalyq Azııa demokratııany damytý qorynyń bas dırektory boldy.

2007-2008 jyldary QR Prezıdenti ákimshiliginde aqparattyq-taldaý ortalyǵynyń strategııalyq taldaý sektorynyń meńgerýshisi, Strategııalyq ázirlemeler jáne taldaý ortalyǵynyń strategııalyq halyqaralyq yqpaldastyq sektorynyń meńgerýshisi qyzmetterin atqardy.

2008 jyldyń maýsymynda QR Syrtqy ister mınıstrligi Ortalyq Azııa departamenti dırektorynyń orynbasary, keıinnen departament dırektory boldy.

2010 jylǵy qańtar aıynda Qazaqstan Respýblıkasy Qaýipsizdik Keńesi Taldaý bóliminiń meńgerýshisi boldy.

2022 jyly Strategııalyq zertteýler ınstıtýtynyń dırektory boldy.

Qazaqstannyń Qazandaǵy bas konsýly laýazymyna 2018 jyly taǵaıyndaldy.

2019 jyly Qazaqstannyń Reseıdegi Elshiliginiń keńesshi-elshisi boldy.

Dıplomatııalyq dárejesi - Qazaqstan Respýblıkasy Syrtqy ister mınıstrliginiń ІІ synypty keńesshisi.

Apta basynda Aqmola oblysy Zerendi aýdanynyń jańa ákimi de saılandy. Bul qyzmetti endi 1988 jyly týǵan Áset Qurmanǵojın atqarady.

Áset Qurmanǵojın kólik jáne kommýnıkatsııa kolledjinde jáne Qazaq temir jol kóligi ýnıversıtetinde «temir jol kóligindegi ekonomıkalyq qyzmet» mamandyǵy boıynsha joǵary bilim alǵan.

17 jyldan astam ýaqyt Aqmola oblysynyń jergilikti atqarýshy organdarynda, statıstıka organdarynda, qazynashylyq organdarynda, Zerendi aýdany ákiminiń apparatynda qyzmet etti. 2022 jyly Zerendi aýdany ákiminiń orynbasary bolyp taǵaıyndaldy. 2024 jyldan bastap saılaýǵa deıin Aqmola oblysynyń ekonomıka jáne bıýdjettik josparlaý basqarmasy basshysynyń orynbasary bolǵan.

«Barys» hokkeı komandasynyń bas dırektory qyzmetine Sáken Musaıbekov taǵaıyndaldy. 

Sáken Júnisbekuly 1967 jyly Soltústik Qazaqstan oblysynda dúnıege kelgen. V.I.Lenın atyndaǵy Qazaq polıtehnıkalyq ınstıtýtyn, Qazaq memlekettik basqarý akademııasyn támamdaǵan.

Ár jyldary QR Parlamenti Májilisi tóraǵasynyń kómekshisi, QR memlekettik kiris mınıstriniń keńesshisi, QR Qarjy mınıstrligi ákimshilik departamentiniń dırektory, QR Kólik jáne kommýnıkatsııa mınıstrligi Avtomobıl joldary komıtetiniń «Qazaqavtojol» RMK bas dırektorynyń orynbasary, QR Qarjy mınıstrligi apparatynyń basshysy, QR Kólik jáne kommýnıkatsııa vıtse-mınıstri bolyp, ózge de salalarda qyzmet atqarǵan.

Sáken Musaıbekov sport salasynda basshylyq qyzmette bolǵan. Buǵan deıin Sáken Júnisbekuly Qazaqstan hokkeı federatsııasy bas dırektorynyń qyzmetin atqardy.

Qaırat Sadyqov Qorǵanys mınıstriniń orynbasary – Qarýly Kúshteri Áýe qorǵanysy kúshteriniń bas qolbasshysy laýazymyna taǵaıyndaldy. 

Qaırat Sadyqov Shyǵys Qazaqstan oblysynda týǵan. Orynbor Joǵary zenıtti-zymyran komandalyq ýchılışesin, Qazaqstan Respýblıkasynyń Tuńǵysh Prezıdenti — Elbasy atyndaǵy Ulttyq qorǵanys ýnıversıteti janyndaǵy akademııalyq kýrstardy, D.Qonaev atyndaǵy ýnıversıtetti «zańger» mamandyǵy boıynsha bitirgen.

Eńbek joly: Áýe qorǵanysy kúshteri bas qolbasshysynyń tárbıe jáne ıdeologııalyq jumystar jónindegi orynbasary, Qazaqstan Respýblıkasy Qarýly Kúshteri Áýe qorǵanysy kúshteri tárbıe jáne ıdeologııalyq jumystar jónindegi bas basqarmasynyń basshysy boldy.

II dárejeli «Aıbyn», «Jaýyngerlik erligi úshin» ordenderimen jáne mereıtoılyq medaldarmen marapattalǵan.

Almaty ákimi Darhan Satybaldynyń ókimimen jáne QR Prezıdenti Ákimshiliginiń kelisimimen Almaty qalasy ákiminiń orynbasary laýazymyna Oljas Smaǵulov taǵaıyndaldy. 

Oljas Muhtaruly Amerıkandyq halyqaralyq ýnıversıtetin, Kalıfornııa shtaty Pomona polıtehnıkalyq ýnıversıtetin, Jáńgir han atyndaǵy Batys Qazaqstan agrarlyq-tehnıkalyq ýnıversıtetin jáne London ekonomıka jáne saıası ǵylymdar mektebin támamdaǵan. Ekonomıka, memlekettik saıasat jáne basqarý salalarynda magıstr dárejesi bar.

Eńbek jolyn 2013 jyly Atyraý oblysy ákimi apparatynyń uıymdastyrý-ınspektorlyq jáne aqparattyq-taldaý bóliminiń bas mamany qyzmetinen bastaǵan.

Ár jyldary Atyraý oblysynyń Kásipkerlik jáne ındýstrıaldy-ınnovatsııalyq damý basqarmasynda basshylyq qyzmetter atqardy. Premer-mınıstr Keńsesiniń áleýmettik-ekonomıkalyq bóliminiń bas sarapshysy boldy.

2015–2019 jyldar aralyǵynda Aqtóbe oblysynda birneshe basshylyq qyzmette jumys istedi.

2019–2021 jyldary Premer-mınıstr Keńsesi basshysynyń orynbasary, Premer-mınıstrdiń keńesshisi qyzmetterin atqardy.

2021 jyly qarashadan bastap osy ýaqytqa deıin Prezıdent Ákimshiliginiń áleýmettik-ekonomıkalyq saıasat bólimi meńgerýshisiniń orynbasary qyzmetinde boldy.

Danıel Serjanuly «Kazakh Tourism» UK» AQ dırektorlar keńesi otyrysynyń qorytyndysy boıynsha kompanııa basshysynyń mindetin atqarýshy laýazymyna taǵaıyndaldy. 

Ol 2024 jyldyń qańtarynan beri basqarma tóraǵasynyń orynbasary qyzmetin atqarady.

Aınagúl Ysqaqova KASE basqarma tóraǵasynyń orynbasary bolyp saılandy. https://kaz.inform.kz/news/kase-baskarma-toragasinin-orinbasari-tagayindaldi-9baf45/

Aınagúl Ysqaqova Qazaqstan Respýblıkasynyń qarjy sektorynda 18 jyl jumys ótili bar, 2018 jyldan 2022 jylǵa deıin KASE-de Strategııa jáne halyqaralyq yntymaqtastyq bólimshesin basqardy. Jaqynda «Baǵaly qaǵazdardyń ortalyq depozıtarııi» AQ basqarýshy dırektory, basqarma múshesi boldy, onda onyń basshylyǵymen Agile ádisnamasy boıynsha ónimdi ázirleý praktıkasy engizildi. Qarjylyq taldaý, strategııalyq josparlaý, jobalyq basqarý jáne halyqaralyq qatynastar salasynda tájirıbesi bar.