Elimizde apta ishinde bolǵan kadrlyq aýys-túıis
ASTANA. KAZINFORM — Ótip bara jatqan apta ishinde Memleket basshysy birqatar taǵaıyndaý jasady. Sonymen qatar ortalyq jáne jergilikti atqarýshy organdardaǵy laýazymdarǵa jańa qyzmetkerler keldi.
Aptanyń basynda Memleket basshysynyń Jarlyǵymen Janat Qaldybekuly Elımanov QR Qarjylyq monıtorıng agenttiginiń tóraǵasy bolyp taǵaıyndaldy. Ol burynǵy atqarǵan laýazymynan bosatyldy.
Condaı-aq Memleket basshysynyń Jarlyǵymen Dmıtrıı Mıhaılovıch Malahov QR Qarjylyq monıtorıng agenttiginiń tóraǵasy laýazymynan bosatyldy.
***
Memleket basshysynyń ókimimen Álı Saparǵalıuly Altynbaev QR Ulttyq qaýipsizdik komıteti tóraǵasynyń birinshi orynbasary bolyp taǵaıyndaldy.
***
Memleket basshysynyń ókimimen Baqytbek Rahymberdıev Qazaqstan Ulttyq qaýipsizdik komıteti tóraǵasynyń orynbasary – Terrorızmge qarsy qyzmetiniń bastyǵy laýazymyna taǵaıyndaldy.
***
Memleket basshysynyń Jarlyǵymen Dmıtrıı Mıhaılovıch Malahov QR Joǵary sot keńesiniń tóraǵasy laýazymyna taǵaıyndaldy. Buǵan deıin Memleket basshysynyń Denıs Shıppti Joǵary sot keńesiniń tóraǵasy laýazymynan bosatqanyn jazǵan edik.
***
Memleket basshysynyń ókimimen Tımýr Bókeıhanuly Ábilqasymov QR Qarjy naryǵyn retteý jáne damytý agenttigi tóraǵasynyń orynbasary laýazymyna taǵaıyndaldy.
Tımýr Ábilqasymov 2011 jyly Qazaqstan menedjment, ekonomıka jáne boljaý ınstıtýtyn «bıznes ekonomıkasy» jáne «memlekettik saıasat ekonomıkasy» mamandyqtary boıynsha bitirdi. London bıznes jáne qarjy mektebinde «táýekel-menedjment» mamandyǵy boıynsha MVA dárejesin alǵan.
***
Memleket basshysynyń ókimimen Ańsaǵan Skenderuly Baltabekov QR Іshki ister mınıstriniń orynbasary – Ulttyq ulannyń Bas qolbasshysy laýazymyna taǵaıyndaldy.
A.Baltabekov memlekettik kúzet qyzmeti men ulttyq qaýipsizdik organdarynyń túrli ofıtserlik jáne basshylyq laýazymdarynda qyzmet etken.
Memleket basshysynyń ókimimen Erkin Sovetbekuly Botaqanov QR Іshki ister mınıstriniń orynbasary – Ulttyq ulannyń Bas qolbasshysy laýazymynan bosatyldy.
***
Osy aptada QR Densaýlyq saqtaý mınıstriniń buıryǵymen Sarhat Saǵyntaıqyzy Beısenova Sanıtarııalyq-epıdemıologııalyq baqylaý komıtetiniń tóraǵasy – QR Bas memlekettik sanıtarlyq dárigeri qyzmetine taǵaıyndaldy.
S. Beısenova 1972 jyly Aqmola oblysynda dúnıege kelgen. Qaraǵandy memlekettik medıtsına ınstıtýtyn, Turan-Astana ýnıversıtetin bitirgen. Eńbek jolyn 1989 jyly Aqmola oblystyq onkologııa dıspanserinde sanıtar bolyp bastaǵan. 2020 jyldan bastap qazirgi ýaqytqa deıin Astana qalasy sanıtarııalyq-epıdemıologııalyq baqylaý departamentiniń basshysy qyzmetin atqardy.
***
QR Prezıdenti Ákimshiliginiń jáne qalalyq máslıhat depýtattarynyń kelisimi boıynsha Temirtaý ákimi bolyp Ǵalym Ábihanuly Áshimov taǵaıyndaldy.
Ǵalym Áshimov 1968 jyly týǵan. Eńbek jolyn 1989 jyly bastaǵan. Jáırem taý-ken baıytý kombınatynda túrli laýazymdarda jumys istegen. Osy taǵaıyndaýǵa deıin «Imstalkon» AQ-da jumys istedi.
***
QR Prezıdenti Ákimshiliginiń jáne aýdandyq máslıhat depýtattarynyń kelisimimen, Soltústik Qazaqstan oblysy ákiminiń ókimimen Meıram Meńdibaev Aıyrtaý aýdanynyń ákimi bolyp taǵaıyndaldy.
Meıram Meńdibaev 1971 jyly SQO M.Jumabaev aýdanynda týǵan. Petropavl esep-ekonomıkalyq tehnıkýmyn «Tehnık-qurylysshy», Kókshetaý ýnıversıtetin «ıÝrısprýdentsııa» jáne Soltústik Qazaqstan kásiptik-pedagogıkalyq kolledjin «Jerge ornalastyrýshy» mamandyǵy boıynsha bitirgen. Osy taǵaıyndaýǵa deıin SQO ákimdiginiń aýyl sharýashylyǵy basqarmasynyń basshysy boldy.
***
Qyzylorda oblysy Shıeli aýdanyna jańadan ákim saılandy.
Bul qyzmetke Aıtbaı Jandarbekov keldi. A.Jandarbekov 1974 jyly dúnıege kelgen. Qyzylorda polıtehnıkalyq ınstıtýtyn «Býhgalterlik esep jáne aýdıt» mamandyǵy boıynsha bitirgen. Eńbek jolyn 1992 jyly «Qazaqstannyń 30 jyldyǵy» keńsharynda jumysshy bolyp bastap, ár jyldary túrli salada eńbek etken. 2023 jyldyń naýryz aıynan Shıeli aýdandyq máslıhatynyń tóraǵasy boldy.
***
Bas prokýrordyń buıryǵymen Inder aýdanynyń prokýrory bolyp Narıman Eshmanov taǵaıyndaldy.
Narıman Oljabaıuly 1978 jyly dúnıege kelgen. Elimizdiń prokýratýra organynda 2000 jyldan beri jumys isteıdi. Osy taǵaıyndaýǵa deıin Atyraý oblysyndaǵy Maqat aýdanynyń prokýrory boldy. Synyptyq sheni – aǵa ádilet keńesshisi.
***
Bas prokýrordyń buıryǵymen Atyraý oblysyndaǵy Jylyoı jáne Maqat aýdanynyń jańa prokýrorlary taǵaıyndaldy.
Erkebulan Ermekov Jylyoı aýdandyq prokýratýrasyna jetekshilik etedi. E. Nurymuly 1987 jyly ómirge kelgen. Prokýratýra organynda eńbek ótili – 15 jyl. Osy taǵaıyndaýǵa deıin Atyraý oblysynyń mamandandyrylǵan tabıǵat qorǵaý prokýrory boldy.
Maqat aýdanynyń prokýrory qyzmetine Magılan Rahımov kiristi. M. Erkinuly jasy – 40-ta. Qadaǵalaý organynda 2007 jyldan beri jumys isteıdi. Osy kezge deıin Qurmanǵazy aýdanynyń prokýrory laýazymyn atqaryp keldi.
***
Bas prokýrordyń buıryǵymen Atyraý oblysynyń mamandandyrylǵan tabıǵat qorǵaý prokýrory taǵaıyndaldy. Endi bul laýazymdy Mıras Jalmýrzın atqarýǵa kiristi.
M. Erkebulanuly 1993 jyly týǵan. Prokýratýra organyndaǵy eńbek jolyn 2016 jyly bastaǵan. Osy taǵaıyndaýǵa deıin Atyraý qalasy prokýrorynyń orynbasary boldy.
***
Polıtsııa polkovnıgi Serik Toqtarqanuly Manapov ShQO polıtsııa departamenti bastyǵynyń kadrlyq jumys baǵyty boıynsha orynbasary laýazymyna taǵaıyndaldy.
Serik Manapov Ulan aýdanynda týǵan. Quqyq qorǵaý organdarynda 1992 jyldan beri qyzmet etip keledi. Bul laýazymǵa taǵaıyndalǵanǵa deıin Kúrshim APB jáne Shemonaıha APB bastyǵy qyzmetterin atqarǵan.
***
Qazaqstan boks federatsııasy ulttyq quramanyń jańarǵan bapkerler quramyn tanystyrdy.
Bapkerlik keńestiń sheshimimen jańa tizimge birqatar boks mamandary qosyldy. Komandanyń bapkerler quramy: Qaırat Sátjan - bas jattyqtyrýshy; Asqar Erkebaev - aǵa jattyqtyrýshy. Jattyqtyrýshylar: Іlııas Oralbekov, Nurken Andasov, Azamat Maqajanov, Talǵatbek Jakpekov, Nurjan Nasanov.
