Elimizde apta ishinde bolǵan kadrlyq aýys-túıis
ASTANA. KAZINFORM – Ótip bara jatqan apta ishinde elimizdiń ortalyq jáne jergilikti atqarýshy organdarynda birqatar kadrlyq aýys-túıis boldy.
Atap aıtqanda, Memleket basshysy Qasym-Jomart Toqaevtyń ókimderimen:
Serik Jaqsyǵalıuly Borambaev Qazaqstan Respýblıkasy Qorǵanys mınıstriniń orynbasary bolyp taǵaıyndaldy. Ol burynǵy atqarǵan laýazymynan bosatyldy;
Qanat Serikqalıuly Nııazbekov Qazaqstan Respýblıkasynyń Qarýly Kúshteri Áskerı-teńiz kúshteriniń bas qolbasshysy laýazymyna taǵaıyndaldy.
Serik Borambaev 1969 jylǵy 16 sáýirde Pavlodar qalasynda dúnıege kelgen. 1990 jyly Kıev joǵary áskerı-teńiz saıası ýchılışesin támamdaǵan.
Eńbek joly:
1990–1992 jj. – Qyzyl Tý ordendi Kaspıı flotılııasy áskerı bólimderinde qyzmet atqardy;
1992–2004 jj. – jergilikti áskerı basqarý organdarynda qyzmet etti;
2004–2005 jj. – QR QM Áskerı-teńiz ınstıtýty bastyǵynyń tárbıe jáne áleýmettik-quqyqtyq jumystar jónindegi orynbasary – tıisti bólimniń bastyǵy;
2005–2007 jj. – RF Qorǵanys mınıstrligi áskerı oqý ornynda tyńdaýshy;
2007–2008 jj. – «Batys» óńirlik qolbasshylyǵy áskerleriniń qolbasshysy basqarmasynyń aǵa ofıtseri;
2008–2011 jj. – Áskerı-teńiz ınstıtýty bastyǵynyń orynbasary, shtab bastyǵy;
2011–2013 jj. – 29011 áskerı bóliminiń komandıri – Áskerı-teńiz kúshteri Bas qolbasshysynyń orynbasary;
2013–2014 jj. – Áskerı-teńiz kúshteri Bas qolbasshysynyń birinshi orynbasary – Bas shtab bastyǵy;
2014–2015 jj. – QR UQK ÁK akademııasynyń tyńdaýshysy;
2015–2016 jj. – Áskerı-teńiz kúshteri Bas qolbasshysynyń tárbıe jáne ıdeologııalyq jumys jónindegi orynbasary – tıisti bólimniń bastyǵy;
2016–2019 jj. – QR QM Aqparat jáne kommýnıkatsııalar departamentiniń bastyǵy;
2019 j. maýsym – qarasha – QR QK Bas shtabynyń tárbıe jáne ıdeologııalyq jumys departamentiniń bastyǵy;
2019–2022 jj. – QR QK Bas shtaby bastyǵynyń orynbasary – tárbıe jáne ıdeologııalyq jumys departamentiniń bastyǵy;
2022–2023 jj. – QR QM tárbıe jáne ıdeologııalyq jumys departamentiniń bastyǵy;
2023–2024 jj. – QR QK Bas shtaby bastyǵynyń orynbasary – aýmaqtyq qorǵanys departamentiniń bastyǵy.
Qanat Nııazbekov Abaı oblysynyń Aıagóz qalasynda dúnıege kelgen. B.Momyshuly atyndaǵy respýblıkalyq áskerı mektep-ınternetty, Kalınıngrad joǵary áskerı-teńiz ýchılışesin, Sankt-Peterbordaǵy N.Kýznetsov atyndaǵy Áskerı-teńiz akademııasyn bitirgen. QR UQK Shekara qyzmetiniń teńizdegi kúzet kemesi komandıriniń kómekshisi qyzmetinen QR Qarýly kúshteri Áskerı-teńiz kúshteri bas qolbasshysynyń birinshi orynbasary – bas shtab bastyǵy laýazymyna deıingi eńbek jolynan ótken.
Qazaqstan Respýblıkasy Prezıdentiniń baspasóz hatshysy orynbasary qyzmetine Jasyn Birkenov taǵaıyndaldy.
Bul qyzmetke keler aldynda ol 2022–2023 jyldary «Atyraý-Aqparat» medıaholdınginiń bas dırektory boldy, odan deıin «24 KZ» telearnasynyń dırektory qyzmetin atqarǵan.
Jasyn Birkenov 1989 jyly 30 sáýirde týǵan. M. Qozybaev atyndaǵy Soltústik Qazaqstan memlekettik ýnıversıtetinde «Jýrnalıstıka» mamandyǵy boıynsha bilim alǵan.
Jumys tájirıbesi:
2008-2010 jj. – «Qazaqstan» RTRK» AQ Soltústik Qazaqstan oblystyq fılıalynyń redaktory, redaktor-úılestirýshisi
03.2010-09.2010 jj. – «Qazaqstan Respýblıkasy Mádenıet jáne aqparat mınıstrligi Soltústik Qazaqstan oblysy ákimdiginiń mýnıtsıpaldy teleradıokompanııasy» KMM tilshisi
2010-2011 jj. – «Qazaqstan» RTRK» AQ Soltústik Qazaqstan oblystyq fılıalynyń telebaǵdarlamalar shyǵarý boıynsha shyǵarmashylyq qyzmetiniń redaktory
2011-2012 jj. – «Qazaqstan» RTRK» AQ tilshisi
01.2013-10.2013 jj. – «Telekompanııa ERA» JShS aqparattyq baǵdarlamalar departamentiniń tilshisi
2014-2015 jj – «ERA Television Company» JShS aqparattyq baǵdarlamalar bóliminiń tilshisi
2015-2021 jj. – «Habar» Agenttigi» AQ «Habar 24» arnasynyń tilshisi, menshikti tilshisi (Ózbekstan men Ýkraınada), bas redaktory, bas redaktory
2022-2023 jj. – «Atyraý Aqparat» JShS bas dırektory
2023 jyldyń 16 qazanynan «Habar» Agenttigi» AQ «24 KZ» arnasynyń dırektory bolyp taǵaıyndaldy.
Úkimet qaýlysymen Asylbek Amantaıuly Ahmetjanov Oqý-aǵartý vıtse-mınıstri bolyp taǵaıyndaldy.
Ol 1993 jyly Almaty qalasynda dúnıege kelgen. L. Gýmılev atyndaǵy Eýrazııa ulttyq ýnıversıtetin, Qazaq tehnologııa jáne bıznes ýnıversıtetin bitirgen.
Eńbek jolyn 2016 jylǵy qańtarda Investıtsııalar jáne damý mınıstrligi Baılanys, aqparattandyrý jáne aqparat komıtetiniń Memlekettik kórsetiletin qyzmetterdi ońtaılandyrý basqarmasy sarapshysynyń mindetin atqarýshysy retinde bastady.
2016–2018 jyldary — Aqparat jáne kommýnıkatsııalar mınıstrligi «Elektrondyq úkimetti» jáne memlekettik kórsetiletin qyzmetterdi damytý departamenti Memlekettik kórsetiletin qyzmetterdi ońtaılandyrý basqarmasynyń sarapshysy.
2018–2019 jyldary — Tsıfrlyq damý, ınnovatsııalar jáne aeroǵarysh ónerkásibi mınıstrligi «Elektrondyq úkimetti» jáne memlekettik kórsetiletin qyzmetterdi damytý departamenti Memlekettik kórsetiletin qyzmetterdi jetildirý saıasaty basqarmasynyń bas sarapshysy.
2019–2021 jyldary — Ekologııa, geologııa jáne tabıǵı resýrstar mınıstrligi Tsıfrlandyrý jáne aqparattandyrý departamenti Aqparattandyrý jáne memlekettik qyzmeterdi avtomattandyrý basqarmasynyń basshysy.
2021–2024 jyldary — Tsıfrlyq damý, ınnovatsııalar jáne aeroǵarysh ónerkásibi mınıstrligi Tsıfrlyq transformatsııa departamenti dırektorynyń orynbasary.
2024–2025 jyldary — Ónerkásip jáne qurylys mınıstrligi Tsıfrlandyrý jáne memlekettik kórsetiletin qyzmetter departamentiniń dırektory.
2025 jyldyń aqpan aıynan bastap qazirgi ýaqytqa deıin QR TsDIAÓM Arhıtektýra jáne tsıfrlyq transformatsııa saıasaty departamentiniń dırektory qyzmetin atqardy.
Densaýlyq saqtaý mınıstrligi Qoǵamdyq densaýlyq saqtaý ulttyq ortalyǵynyń basqarma tóraǵasy bolyp Erık Abenuly Baıjúnisov taǵaıyndaldy.
Erık Abenuly 1965 jylǵy 26 sáýirde Almaty oblysynda dúnıege kelgen. Joǵary medıtsınalyq bilimi bar (Almaty memlekettik medıtsına ınstıtýty, 1988 j.), fılosofııa doktory (PhDr) dárejesine jáne iskerlik ákimshilendirý magıstri dárejesine ıe. Aǵylshyn tilin erkin meńgergen.
Jalpy eńbek ótili — shamamen 35 jyl, onyń 11 jyldan astamy memlekettik qyzmette.
Erık Abenuly dáriger-hırýrgten bastap Qazaqstan Respýblıkasy Densaýlyq saqtaý vıtse-mınıstrine deıingi joldan ótti. Oblystyq densaýlyq saqtaý basqarmalarynda, Densaýlyq saqtaý mınıstrliginde jáne áleýmettik medıtsınalyq saqtandyrý júıesinde basshylyq qyzmetter atqardy. Dárilik zattar men medıtsınalyq buıymdardy saraptaý ulttyq ortalyǵyn, sondaı-aq Salıdat Qaıyrbekova atyndaǵy densaýlyq saqtaýdy damytýdyń ulttyq ǵylymı ortalyǵyn basqarǵan.
Qyzmet jolynda «Qazaqstan Respýblıkasy densaýlyq saqtaý isiniń úzdigi» tósbelgisimen, «Qurmet» medalimen, «Qazaqstan Respýblıkasy densaýlyq saqtaý isine qosqan úlesi úshin» tósbelgisimen, sondaı-aq II dárejeli «Eýrazııalyq ekonomıkalyq odaqty qurýǵa qosqan úlesi úshin» medalimen marapattalǵan.
Qaraǵandy oblysy boıynsha ekologııa departamentiniń jańa basshysy qyzmetine Begalı Saparalıev keldi.
Begalı Saparalyýly 1977 jyly Mańǵystaý oblysynda týylǵan. Mansabyn sot júıesinen bastap, Mańǵystaý oblysynyń ádilet departamentterinde túrli basshylyq qyzmetter atqardy.
Batys Qazaqstan oblysy ákiminiń ókimimen Beıimbet Mýsın BQO energetıka jáne turǵyn úı-kommýnaldyq sharýashylyq basqarmasynyń basshysy laýazymyna taǵaıyndaldy.
Beıimbet Málikuly 1985 jyly BQO, Aqjaıyq aýdanynda dúnıege kelgen.
Bilimi joǵary. Jáńgir han atyndaǵy Batys Qazaqstan agrarlyq-tehnıkalyq ýnıversıtetin aýyl sharýashylyǵyn elektrlendirý jáne avtomattandyrý, Batys Qazaqstan ınjenerlik-gýmanıtarlyq ýnıversıtetin ekonomıka, sondaı-aq QR Prezıdentiniń «Bolashaq» halyqaralyq stıpendııasyna sáıkes magıstratýrany elektr energetıkasy jáne turaqty energetıka mamandyǵy boıynsha támamdaǵan. Sonymen qatar QR Prezıdenti janyndaǵy Memlekettik basqarý akademııasynyń memlekettik basqarý mamandyǵy boıynsha doktory.
Ár jyldary «MTS-Qurylys» JShS elektrıgi, «Batys Qazaqstan Qýat Servıs» JShS ınjener-elektrıgi, osy seriktestiktiń materıaldar boıynsha koordınatory jáne sapany baqylaý boıynsha mamany, BQO energetıka jáne turǵyn úı-kommýnaldyq sharýashylyq basqarmasy energetıkany damytý bóliminiń bas mamany boldy. Oǵan qosa Almaty qalasy energetıka jáne kommýnaldyq sharýashylyq basqarmasy perspektıvti damý bóliminiń bas mamany, BQO energetıka jáne turǵyn úı-kommýnaldyq sharýashylyq basqarmasy energetıkany damytý bóliminiń basshysy laýazymynda qyzmet etti.
Taǵaıyndaýǵa deıin BQO energetıka jáne turǵyn úı-kommýnaldyq sharýashylyq basqarmasy basshysynyń orynbasary boldy.
Ózbekáli Jánibekov atyndaǵy Ońtústik Qazaqstan pedagogıkalyq ýnıversıtetine jańa basshy taǵaıyndaldy. Basqarma tóraǵasy – rektordyń mindetin atqarýshy qyzmetine Álibek Nurtaev bekitildi.
Álibek Nurtaev 1982 jyly Túrkistan oblysynyń Shardara aýdanynda dúnıege kelgen.
2006 jyly M.Áýezov atyndaǵy Ońtústik Qazaqstan memlekettik ýnıversıtetin, 2021 jyly Shymkent ýnıversıtetin támamdaǵan. Mamandyǵy – dene shynyqtyrý pániniń oqytýshysy jáne sport túrleri boıynsha jattyqtyrýshy, memlekettik basqarý bakalavry, pedagogıka ǵylymdarynyń magıstri.
QR sport sheberi, sondaı-aq jaýyngerlik sambodan Qazaqstannyń eńbek sińirgen jattyqtyrýshysy ataǵyna ıe.
Eńbek jolyn Ońtústik Qazaqstan oblysynyń týrızm jáne sport basqarmasynda bas maman bolyp bastaǵan.
Ońtústik Qazaqstan oblysy, Túrkistan oblysy jáne Shymkent qalasynyń dene shynyqtyrý jáne sport basqarmalaryn basqarǵan.
QR Mádenıet jáne sport mınıstrligine qarasty sharýashylyq júrgizý quqyǵyndaǵy respýblıkalyq memlekettik kásiporyn dırektory, Shymkent qalasyndaǵy Olımpıadalyq rezervti daıarlaý ortalyǵynyń basshysy, sondaı-aq Túrkistan oblysynyń «Turan» fýtbol klýbynyń bas dırektory qyzmetterin atqarǵan.
«Qaırat» fýtzal klýbynyń bas bapkeri qyzmetine brazılııalyq maman Danıel Jýnıor taǵaıyndaldy.
Brazılııalyq maman Brazılııanyń Santa-Katarına shtatyna qarasty Týbaraý qalasynda dúnıege kelgen. Oıynshy retinde mansabyn «Ýnısýl» komandasynda bastady. 2006 jyly atalǵan klýbta bas bapkerdiń kómekshisi boldy. Odan keıin «Ýlbra», klýbynda atalǵan qyzmetin jalǵastyrsa, «ABK», «Shashense», «Mafra», «Kapıvarı» ı «Joınvılle» komandalarynda bas bapker boldy.
Onyń basshylyǵymen komandalar Santa-Katarına jáne Parana shtattarynda chempıon ataǵyn jeńip aldy. Jastar arasynda el birinshiligi men Brazılııa kýbogyn tóbesine kóterdi. Sondaı-aq ol óz eliniń jasóspirimder quramasyna basshylyq etip, Ońtústik Amerıka chempıonaty men Jasóspirimder arasyndaǵy Olımpıada oıyndarynda jeńis tuǵyryna kóterildi.
Bolgarııalyq maman Nıkolaı Kostov «Aqtóbe» fýtbol klýbynyń bas bapkeri atandy.
Buǵan deıin 63 jastaǵy maman tájirıbeli jattyqtyrýshy Kıpr, Ýkraına, Qazaqstan jáne Bolgarııa klýbtarynda qyzmet etti. 2002 jyly «Anortosıspen» Kıpr kýbogyn jeńip alǵan.
Qazaqstanda «Shahter» (Qaraǵandy) men «Kaspıı» (Aqtaý) klýbtaryn jattyqtyrdy.
Buǵan deıingi jumys orny - Bolgarııanyń «Levskı» fýtbol klýby. 2023-2024 jyldary bapker komanda tizgininde 35 oıynnyń 19 jeńip, 7 oıynda teń túsip, 9 oıynda jeńilis tapqan.