Elimizde anımatordyń qyzmeti qansha
Anımatorlar balalar merekesin qyzyqty ári kóńildi ótkizý úshin birneshe qyzmet túrin usynady, dep Kazinform agenttiginiń tilshisi.
Qaı keıipkerdi shaqyrýǵa bolady?
Qazaqstan qalalarynda anımatorlardyń keıipkerleri bir-birine uqsas bolyp keledi. Balalar arasynda tanymal keıipkerler suranysy joǵary. Qandaı da bir qyzyqty trend kezdesse, kostıým de dereý ózgertip, jańartady. Máselen qazirgi kezde Hagı-Vagı, Masha men aıýdy sırek kezdestiremiz, esesine Sonık, Qutqarýshy patrýl, Úsh mysyq jıi ushyrasady. Tipti Kalmar oıyny, Ýensdeı kostıými de bar.
Sonymen birge sánnen qalmaıtyn keıipkerler de bar. Garrı Potter, trasformer men Elza keıipkeri atalǵan tizimde. Mine, osy keıipkerler elimizdiń balalary arasynda suranysqa ıe.
Tańdaý kezinde keıipker kostıýminiń sapasyna erekshe mán berý kerek. Keıde «Arzannyń sýy tatymastyń» keri kelip, keıipker kostıými kóńil qaldyryp jatady.
Anımatorlar ne usynady?
Eń arzan ári jıi ushyrasatyn qyzmet túri — bir anımatordy shaqyrý. Baǵdarlama 50 mınýtqa, bir saǵatqa, keıde bir jarym saǵatqa sozylady. Ýaqyt — aqsha. Sonymen birge bir emes, birneshe anımatordyń qyzmetine tapsyrys berýge bolady. Mundaıda balalardy úıirip, olardyń ýaqytyn qyzyqty ótkizý áldeqaıda jeńil. Biraq aqysy eki ese qymbattap, orta eseppen 5 000-10 000 teńgege shyǵady.
Kóńildi kesh aıasynda bı, lazerlik shoý, kóbikti kesh, akvagrım, arnaıy baǵdarlama usynady. Ádette ár qosymsha qyzmetke qosymsha aqy tóleýge týra keledi. Keıde baǵdarlamaǵa osy qyzmet túri kiredi.
Eń qymbat qyzmet túri — birneshe keıipkerdiń basyn qosý jáne túrli shoý uıymdastyrý. Mundaı shoý kóp balaǵa arnalady. Bul 3-4 saǵatqa sozylýy múmkin. Sonymen birge qazir Qazaqstanda balalarǵa arnap oıyn alańy jasaqtalyp, sol jerde keıin baǵdarlamany qosýǵa múmkindik beriledi. Munda balalar tamaqtanady, ata-analar túrli sýyn men tiskebasar ákeledi.
Anımator qyzmetiniń quny qansha?
Eń arzany Taraz qalasynda bolyp tur. Munda baǵa — 4 000-33 000 teńge.
Keıingi orynda Petropavl men Kókshetaý qalalary tur. Qyzmet quny 5 000 teńgeden bastalyp, 20 000 teńgege jetedi.
Sodan keıin Qostanaı men Qyzylorda qalalaryn atap ótýge bolady. Munda qyzmet quny 6 000 teńgeden bastalady. Oral qalasynda qyzmet quny 7 000-35 000 teńge aralyǵynda.
Shymkent, Qaraǵandy, Jezqazǵan, Semeı men Almatyda anımatordyń qyzmeti 10 000 teńgeden bastalady. Al qymbaty 40 000 — 150 000 teńge aralyǵynda.
Pavlodar, Aqtóbe men Astanada ata-analar baralary úshin kem degende 15 000 teńge tóleýi tıis. Sonyń ishinde Pavlodarda tolyq baǵdarlama úshin 75 000 teńge, elimizdiń astanasynda 183 000 teńge suraıdy. Sodan keıingi orynda Óskemen qalasy tur. Mundaǵy qyzmet quny 16 000 teńgeden bastalady.
Qyzmet quny qymbat úzdik úshtikke Aqtaý kiredi. Mundaǵy baǵa 20 000 — 80 000 teńge aralyǵynda. Sodan keıingi orynda Atyraý qalasy tur. Mundaǵy baǵa — 25 000-45 000 teńge. Birinshi orynda — Túrkistan qalasy. Munda eń arzany — 26 000 teńge.
Aıta ketelik, elimizdiń qalalarynda bul qyzmet keń taraı qoımaǵan. Básekelestiktiń az bolýy baǵaǵa da áser etedi.
Eske salsaq, buǵan deıingi aptada lanerge joldama alý quny týraly jazǵan edik.