Elimizde ana men bala densaýlyǵyn jaqsartý úshin qandaı jumys atqaryldy
ASTANA. KAZINFORM - QR Densaýlyq saqtaý mınıstrligi ana men bala densaýlyǵyn saqtaý salasyndaǵy oń ózgerister týraly habarlady.
Áıelder men júkti áıelderdi qoldaý:
- áıelder konsýltatsııalarynyń jumysy qalpyna keltirildi;
- «Analar saýlyǵy» baǵdarlamasy iske qosyldy: 5,1 mlrd teńge júktilikke deıingi zerttep-qaraýlardyń 12 túrine bólindi;
- shalǵaı aýdandardan kelgen joǵary qaýip tobyndaǵy júkti áıelderge arnalǵan «Salaýatty Ana» pansıonattary quryldy;
- qurylǵan 22 Uryqty saqtaý ortalyǵy men bir kúndik 18 klınıka prenataldyq skrınıngpen qamtýdy 8%-ǵa, týa bitken kemistikti anyqtaýdy 13%-ǵa arttyrýǵa múmkindik berdi. Nátıjesinde 978 jaǵdaıda aýyr kemistigi bar balalardyń týylýyna jol berilmedi.
Bul nárestelerdiń kemistikterden bolatyn ólimniń 15%-ǵa, al bastapqy múgedektiktiń 7,5%-ǵa tómendeýine yqpal etti.
Infraqurylymdy damytý jáne kadr saıasaty:
- óńirlerde júkti áıelderdiń jaǵdaıyn monıtorıngileý jáne medıtsına qyzmetkerlerin úzdiksiz oqytý úshin 20 sıtýatsııalyq jáne oqý-trenıngtik ortalyq uıymdastyryldy;
- 2025 jyly MSAK uıymdarynda pedıatrııalyq bólimsheler ashyldy, 3 jasqa deıingi balalarǵa arnalǵan 100 damý jáne erte aralasý ortalyǵy uıymdastyryldy: nátıjesinde úıde sábıler ólimi 22%-ǵa tómendedi;
- 2024 jyly «Fetaldyq medıtsına» ınnovatsııalyq tehnologııasy engizildi;
- jyl saıyn elimizde balalarǵa 2000-ǵa jýyq ashyq júrekke operatsııa jasalady;
- pedıatrııada 19 ınnovatsııalyq tehnologııany engizý balalardyń shetelge emdelýge jiberilýin 2 ese qysqartýǵa múmkindik berdi.
Qarjylandyrý:
- 2024 jylǵy 1 maýsymnan bastap bosandyrý jáne bala kútimi qyzmetterine tarıfter ulǵaıtyldy;
- 20 mlrd teńge medıtsınalyq uıymdardyń shyǵyndaryn jabýǵa, qymbat preparattarǵa qol jetkizýge jáne mamandardy ustap qalýǵa baǵyttaldy.
Aıta keteıik, ana men bala ólimi 6 ese tómendedi.