Elimizde Turan jolbarystarynyń alǵashqy jónshigi paıda bolýy múmkin

ASTANA. KAZINFORM — 2024 jyldyń qyrkúıeginde Nıderlandydan Іle-Balqash rezervatyna ákelingen Turan jolbarystary Bogdan men Kýma juptasa bastady, dep habarlaıdy Ekologııa mınıstrliginiń baspasóz qyzmeti.

Vedomstvo atap ótkendeı, bul jyrtqyshtardyń jańa ortaǵa sátti beıimdelgenin jáne olardy ustaý jaǵdaılary ómir súrýge jáne kóbeıýge yńǵaıly dep tanylǵanyn bildiredi.

— Jyrtqyshtardyń beıimdelýi — aýmaqty ıgerýdi jáne kúızelis týdyratyn faktorlardy azaıtýdy qamtydy. Juptasý — jolbarystardyń ózderin qaýipsiz sezinetinin meńzeıtin mańyzdy belgi. Endi bolashaqta Qazaqstanda jolbarystardyń jańa popýlıatsııasyn qalyptastyrý úshin negiz bolatyn tuqym paıda bolady degen úmit bar, — delingen mınıstrlik habarlamasynda.

Qazaqstanda jolbarysty reıntrodýktsııalaý baǵdarlamasy 2018 jyly WWF jáne BUU DB qoldaýymen bastaldy. Endi joba jańa kezeńge ótti: olar qorshaýlarda dúnıege kelgen jolbarystardy da, Reseıdiń Qıyr Shyǵysynan ákelingen jolbarystardy da jabaıy tabıǵatqa shyǵarýdy josparlap otyr.

Turan jolbarysynyń oralýy — eldiń ekojúıesin qalpyna keltirýdegi mańyzdy qadam. Mamandar Bogdan men Kýmany baqylaýda ustap otyr. Olar jaqyn arada jolbarystar otbasynda kishkentaı shónjikter paıda bolady dep úmittenedi.

Budan buryn «Іle-Balqash» memlekettik tabıǵı rezervatynda jolbarystar alǵash ret qystap jatqanyn jazǵan edik.