Qazaqstanda altynnyń nebary 20 myń tonnadaı qory bar

ASTANA. KAZINFORM – Elimizde jyl saıyn óndiriletin altynnyń kólemi belgili boldy. 

«Qazir elimizde 2300 tonna altyn qory bar. Bul – geologııalyq zapas. Qazaqstanda jylyna 90 tonna altyn óndiriledi. Jalpy 20-25 jylǵa jetetin altyn qory bar. Bizdiń boljam boıynsha elimizde altynnyń qory 20 myń tonnaǵa jetedi. Bul degenimiz búginde barlaý jumystary bitip, óńdelip jatqan altyn qory», - dedi Ónerkásip jáne qurylys mınıstrligi Geologııa komıtetiniń tóraǵasy Erlan Aqbarov OQK-de ótken brıfıngi barysynda saýalǵa jaýap bere turyp.

Sondaı-aq, Geologııa komıteti tóraǵasy orynbasarynyń mindetin atqarýshy Qanat Erýbaev altyndy barlaý kezinde onyń qory qaıta tolyǵatynyn aıtty.

«Jeke jer qoınaýyn paıdalanýshylar barlaý kezinde altynnyń qory únemi tolyqtyrylyp otyratynyn atap ótý qajet. ıAǵnı, altyndy óndirgen kezde, sol sátte onyń qory jańartylady», - dep tolyqtyrdy.

Aıta ketsek, brıfıng barysynda elimizde geologııalyq zertteýlerge jylyna qansha qarjy bólinetini aıtyldy.