Elimizde altyn baǵasy qansha

ASTANA. KAZINFORM - Qazaqstanda altyn baǵasy bir apta ishinde 7% tómendedi.

altyn saýdasy
Kollaj: Kazinform/ Midjourney

QR Ulttyq bankiniń málimetinshe, 19 qarasha kúni tańerteńgi jaǵdaı boıynsha bir gramm altynnyń quny - 53 839,46 teńge.

Al ótken aptada altynnyń bir gramy 57 916,01 teńgege baǵalanǵan bolatyn. Osylaısha, bir apta ishinde onyń baǵasy 4 076,55 teńgege tómendegen.

Reuters agenttiginiń málimetinshe, 18 qarashada álemdik naryqtaǵy altyn baǵasy 3%-dan astam tómendep, sońǵy bir jarym jyldaǵy eń tómengi deńgeıge jetken.

Atap aıtqanda, altynnyń spottyq baǵasy 3,2% arzandap, bir troı ýntsııasy 3 726,19 dollar boldy. Al AQSh-taǵy altyn fıýchersteriniń baǵasy da 3,2% tómendep, bir ýntsııasy 3 741,90 dollarǵa deıin tústi.

Aıta keteıik, buǵan deıin Qazaqstan qyrkúıek aıynda bes tonna altyn satyp alǵanyn jazǵanbyz.