Elimizde alkogolsiz sýsyndar shyǵaratyn zaýyttyń qurylysy bastaldy
ASTANA. KAZINFORM – Almaty oblysynda ınvestıtsııalyq kelisimge qol qoıý jáne jańa alkogolsiz sýsyndar shyǵaratyn zaýyttyń irgetasyn qalaý saltanatty rásimi ótti.
Іs-sharaǵa QR Aýyl sharýashylyǵy vıtse-mınıstri Ermek Kenjehanuly, QR SІM Investıtsııalar komıtetiniń tóraǵasy Ǵabıdýlla Ospanqulov, Carlsberg Group kompanııasynyń bas dırektory ıAkob Aarýp-Andersen, Carlsberg Kazakhstan kompanııasynyń bas dırektory Vıacheslav Maltsev qatysty.
– Búgingi kúndi tarıhı dep tolyq aıtýǵa bolady. Óıtkeni biz óńir úshin de, búkil elimiz úshin de mańyzdy úlken joldyń bastaýyna kýá bolyp otyrmyz. Bul jobany júzege asyrý – jaı ǵana zamanaýı kásiporynnyń qurylysy emes. Bul – ınvestorlardyń Qazaqstanǵa degen seniminiń sımvoly, azyq-túlik ónerkásibin nyǵaıtýdyń sımvoly jáne alǵa senimdi qadam jasaýdyń belgisi, – dedi Ermek Kenjehanuly.
Aýyl sharýashylyǵy mınıstrligi málimetinshe, jańa óndiristik nysan 17 gektar aýmaqta salynatyn bolady. Óndiris PepsiCo kompanııasynyń lıtsenzııasy boıynsha júzege asyrylady.
Tolyq óndiristik qýattylyq jylyna shamamen 1 mlrd lıtr sýsyn shyǵarýǵa múmkindik beredi. Negizgi ótkizý naryqtary Qazaqstan men Qyrǵyzstan bolmaq. Jobany iske asyrý aıasynda Qazaqstan ekonomıkasyna shamamen 344 mln AQSh dollary kóleminde ınvestıtsııa quıý josparlanǵan.
– Jańa zaýyt – bul jaı ǵana óndiristik alań emes. Bul – Qazaqstandaǵy bizdiń uzaqmerzimdi mindettemelerimizdiń sımvoly. Bul – jańa jumys oryndaryn ashatyn, zamanaýı tehnologııalardy ákeletin jáne jergilikti ekonomıkany damytýǵa eleýli úles qosatyn ınvestıtsııa. Qurylys aıaqtalǵannan keıin ol aımaqtaǵy eń zamanaýı ári turaqty zaýyttardyń birine aınalyp, halyqaralyq standarttarǵa tolyq sáıkes keletin bolady, – dep atap ótti ıAkob Aarýp-Andersen.
Aıta keteıik, qazaqstandyq zaýyt Louis Vuitton jáne Gucci brendine toqyma ónimderin jetkizedi.