Elimizde alǵash ret sportshylar daıarlaýdyń ǵylymı modeli engizildi
ASTANA. KAZINFORM – Týrızm jáne sport mınıstrligi Qazaqstanda alǵash ret sporttyq bilim berý júıesinde kadr daıarlaýdyń jańa sanattary engizilgenin habarlady.
Buǵan deıin oqytý tek mekteptegi dene shynyqtyrý pánine baǵyttalǵan «Dene shynyqtyrý» mamandyǵy aıasynda júrgizilse, endi jattyqtyrýshy, ádisteme, ońaltý, ınklıýzıvti jáne tsıfrlyq sport baǵyttaryn qamtıtyn arnaıy baǵdarlamalar iske qosyldy.
Bul – elimizde sport mamandaryn daıarlaýǵa júıeli ári ǵylymı tásil qoldanýdyń alǵashqy qadamy.
Dene shynyqtyrý jáne buqaralyq sport akademııasynyń bazasynda mynadaı bilim berý baǵdarlamalary júzege asyrylyp jatyr:
• «Jattyqtyrýshylyq qyzmet (sport túrleri boıynsha)»
• «Sport jáne saýyqtyrý salasyndaǵy nusqaýshy-ádisker»
• «Sporttyq ońaltý»
• «Ústel ústi sport túrlerinen pedagog-jattyqtyrýshy (shahmat, toǵyzqumalaq)»
• «Kıbersport (Esport)»
• «Dene shynyqtyrý jáne sport (IP)»
• «Beıimdelgen dene shynyqtyrý boıynsha pedagog»
• «Qazaq kúresi boıynsha pedagog-jattyqtyrýshy»
Barlyq baǵdarlamada tájirıbege basymdyq berilgen. Stýdentter oqý barysynda sport federatsııalarynda, klýbtarda, ınklıýzıvti jáne ońaltý ortalyqtarynda taǵylymdamadan ótip, naqty jaǵdaılarda kásibı daǵdylaryn jetildiredi.
Oqý modýlderine sporttyq taldaý negizderi, quqyqtyq daıyndyq, jekeleı jattyǵý júıesi, jaraqattyń aldyn alý, alǵashqy kómek jáne sport psıhologııasy sııaqty pánder engizilgen.
Mamandardy daıarlaýdyń jańa júıesindegi mańyzdy jańalyqtyń biri – Qazaqstanda alǵash ret iske qosylǵan Executive MBA Sport Management halyqaralyq qos dıplomdy baǵdarlamasy. Ony Akademııa Frantsııanyń EKLORE-ed School of Management ýnıversıtetimen birlesip ázirlegen.
Bul – eldegi sport salasynyń mamandary men basshylaryna arnalǵan alǵashqy basqarý magıstratýrasy. Baǵdarlama basqarýshylyq oılaý qabiletin, halyqaralyq standarttar men sport ındýstrııasyndaǵy naqty tájirıbelerdi biriktiredi. Sonymen qatar shetelde taǵylymdamadan ótý jáne eýropalyq dıplom alý múmkindigin qarastyrady. Mınıstrlik sportty damytýda ǵylymı negizdelgen, turaqty ári zamanaýı modeldi engizý jumystaryn jalǵastyrady.
Bul rette mamandardy sapaly daıarlaýǵa jáne olardyń kásibı jetistikterin qoldaýǵa basymdyq beriledi.
21–27 shilde kúnderi Qazaqstan sportshylary qandaı iri jarystarǵa qatysatynyn jazǵan bolatynbyz.