Elimizde alǵash ret dzıýdodan halyqaralyq oqý-jattyǵý jıyny ótip jatyr
ASTANA. KAZINFORM - Dzıýdodan Qazaqstandaǵy alǵashqy halyqaralyq oqý-jattyǵý jıynyna álemniń 30 elinen 700-den astam sportshy keldi.
El tarıhynda alǵash ret dzıýdodan halyqaralyq oqý-jattyǵý jıyny ótip jatyr. 5-15 tamyz kúnderi Almaty oblysyndaǵy Olımpıadalyq daıarlaý bazasynda álemniń 30 elinen kelgen 700-den astam sportshy birlesken daıyndyq jumystaryn júrgizip jatyr.
Týrızm jáne sport mınıstrligi málimetinshe, halyqaralyq oqý-jattyǵý jıynyna álemdik reıtıngtiń kóshbasshylary, Olımpıada chempıondary men júldegerleri, sondaı-aq álem chempıonattarynyń jeńimpazdary men júldegerleri qatysyp jatyr.
Qatysýshylar qatarynda Olımpıada chempıondary Eldos Smetov (Qazaqstan) pen Lasha Shavdatýashvılı (Grýzııa), Olımpıadanyń qola júldegeri Ǵusman Qyrǵyzbaev (Qazaqstan), álem chempıondary Rıýdzıý Nagaıama, Sanshıro Mýrao (Japonııa), Inal Tasoev, Tımýr Arbýzov (Reseı), Tato Grıgalashvılı (Grýzııa), Mımı Hýh (Koreıa) jáne álemdik dzıýdonyń basqa da tanymal sheberleri bar.
Aıta keteıik, Qazaqstan júzýden AQSh-taǵy halyqaralyq týrnırde 17 medal jeńip aldy.
