Elimizde Alataý degen jańa qala paıda bolady

Almaty oblysyna qarasty Jetigen aýyly oblystyq mańyzy bar qala sanatyna aýystyrylmaq, dep habarlaıdy Kazinform.

«Almaty oblysy Іle aýdanynyń Jetigen aýyly oblystyq mańyzy bar qala sanatyna jatqyzylsyn. Almaty oblysynda qurylǵan jańa qalaǵa Alataý ataýy berilsin», - delingen ashyq NQA portalynda jarııalanǵan «Almaty oblysynyń ákimshilik-aýmaqtyq qurylysyndaǵy ózgerister týraly» Qazaqstan Respýblıkasy Prezıdenti Jarlyǵynyń jobasynda.

Osy jyldyń 29 qarashasyna deıin jarııa talqylaýǵa shyǵarylyp otyrǵan atalǵan Jarlyqty iske asyrý jónindegi qajetti sharalardy Qazaqstan Respýblıkasynyń Úkimeti qabyldaıdy.

Jetigen — Almaty oblysy Іle aýdanyndaǵy aýyl, Jetigen aýyldyq okrýginiń ortalyǵy, temir jol stansasy.