Elimizde adam papılloma vırýsyna qarsy vaktsınanyń densaýlyqqa áseri zerttelip jatyr
ASTANA. KAZINFORM – Densaýlyq saqtaý mınıstrliginiń uıytqy bolýymen elimizde APV-ǵa qarsy vaktsınatsııasynyń qoǵamdyq densaýlyqqa áseri boıynsha zertteý júrip jatyr. Jumys tobynyń quramynda densaýlyq saqtaý salasyndaǵy quzyrly organdardyń ókilderi bar. Odan bólek shet elden arnaıy ǵalymdar shaqyrtylǵan, sonyń biri London gıgıena jáne tropıkalyq medıtsına ýnıversıtetiniń (Ulybrıtanııa) professory Djordj ıAng agenttik tilshisimen tildesken edi.
Qyrkúıek aıynyń ortasynda Qazaqstanda jatyr moıny obyrynyń negizgi qozdyrǵyshy – adam papılloma vırýsyna (APV) qarsy qyzdardy jalpy vaktsınalaý bastaldy.
«Adam papılloma vırýsyna (APV) qarsy jetkinshek qyzdardy jalpy vaktsınalaý protsesine zertteý júrgizdik. Qazaqstanda vaktsınatsııa barysynyń qalaı júrip jatqanyn biz bilmedik, sondyqtan zertteý jumystarynyń birneshe stsenarııin ázirledik. Zertteýge bıyl naýryzda kiristik, jalǵastyryp jatyrmyz, ázirge bizdiń qolymyzda aldyna ala boljam bar. Aldymen baıqaǵanymyz, vaktsınatsııa aýqymyn keńeıtý kerek, ıaǵnı ekpe alatyndar qataryn arttyrý qajet», - dedi Djordj ıAng APV-ǵa qarsy vaktsınatsııa júrgizý máselelerine arnalǵan semınarda.
Sheteldik meımannyń málimdeýinshe, jetkinshek qyzdardyń arasynda adam papılloma vırýsyna (APV) qarsy vaktsınatsııa sharasynda ata-anamen tyǵyz jumys istep, túsindirý jumystaryn júrgizgen abzal.
«Ata-anaǵa vaktsınanyń qaýipsiz ekenin túsindirip, aqparattandyrý mańyzdy. Buǵan deıin 2013 jyly zertteý júrgizdik, odan uqqanymyz vaktsınatsııa protsesin aýqymdy qamtýda aqparattandyrý jumystary azdyq etedi. Mysaly, Shotlandııa APV-ǵa qarsy vaktsınatsııany 20 jyl buryn bastap ketti, biz ol elde zertteý júrgizdik. Qazir Shotlandııada jatyr moıny obyry tirkelgen joq, ıaǵnı jetkinshek qyzdar ekpeni der kezinde alǵan. Biz halyqaralyq deńgeıde belsendimiz, kóptegen elderde densaýlyq saqtaý salalary, onyń ishinde vaktsına taqyryby boıynsha zertteý júrgizemiz», - dep tolyqtyrdy professor.
Buǵan deıin habarlaǵanymyzdaı, búginde elimizde 5 myńǵa jýyq jetkinshek APV-ǵa qarsy vaktsına aldy.
Aıta keteıik, búgin elordada APV-ǵa qarsy vaktsınatsııasyn júrgizýdiń qoǵamdyq densaýlyqqa áseri boıynsha zertteý barysyna arnalǵan semınar ótti.
Atalǵan shara Dúnıejúzilik densaýlyq saqtaý uıymynyń Qazaqstandaǵy Eldik keńsesi QR Densaýlyq saqtaý mınıstrligimen jáne London gıgıena jáne tropıkalyq medıtsına mektebiniń uıytqy bolýymen ótti.
