Elimizde adam aǵzalaryn saýdalaýmen aınalysqan áıel Polshada ustaldy

ASTANA. KAZINFORM — Adam aǵzalaryn saýdalaýmen aınalysqan halyqaralyq qylmystyq toptyń qyzmetine qatysy bar dep aıyptalǵan 35 jastaǵy áıel ustaldy, dep habarlaıdy Polisia.kz.

Преступление Қылмыс наручники задержания Кісен ұсталды МВД РК ҚР ІІМ
Фото: Солтан Жексенбеков/ Kazinform

Quqyq qorǵaý organdary QR Іshki ister mınıstrliginiń Interpol Ulttyq ortalyq bıýrosynyń suranysy boıynsha Polsha quqyq qorǵaý organdary Ýkraına-Polsha shekarasyndaǵy temirjol ótkizý pýnktinde 35 jastaǵy áıeldi ustady. Ol Qazaqstan quqyq qorǵaý organdary tarapynan 2020 jyldan beri halyqaralyq izdeýde bolǵan.

adam aǵzasyn saýdalaýmen aınalysqan áıel ustaldy
Foto: Kazinform

— Ustalǵan azamat adam aǵzalaryn saýdalaýmen aınalysqan halyqaralyq uıymdasqan qylmystyq toptyń qyzmetine qatysy bar degen kúdikke ilingen. Tergeý málimetterine sáıkes, 2017-2018 jyldary bul qylmystyq top Qazaqstandaǵy medıtsınalyq mekemelerde zańsyz transplantatsııa operatsııalaryn uıymdastyrǵan. Qylmystyq shemaǵa Izraıl, Ýkraına, Qyrǵyzstan, Tájikstan jáne Ózbekstan azamattary tartylǵan. Aldyn ala málimetterge súıensek, kúdikti donorlar men retsıpıentterdi qarsy alyp, ornalastyrý, olardyń medıtsınalyq tekseristen ótýin uıymdastyrý, shyǵyndaryn óteý jáne qupııalylyqty saqtaý jumystarymen aınalysqan. Sondaı-aq donorlarǵa retsıpıenttermen týystyq baılanystary týraly jalǵan aqparatty jattatqyzǵan. Qazirgi ýaqytta ustalǵan kúdiktini Qazaqstanǵa ekstradıtsııalaý máselesi qarastyrylyp jatyr. Tergeý amaldary jalǵasyp jatyr, — delingen habarlamada.

Osyǵan deıin Túrkistan oblysynda ekstremıstik materıaldardy taratqan top ustalǵanyn jazǵan edik.

Сейчас читают