Elimizde 97,8 tonna altyn qory bar jańa 5 ken orny esepke qoıyldy
ASTANA. KAZINFORM – Memleket basshysynyń jer qoınaýyn tıimdi ári utymdy paıdalaný jónindegi tapsyrmasyn oryndaý aıasynda Qazaqstanda mıneraldy shıkizat bazasyn keńeıtý boıynsha júıeli jumys júrgizilýde. Jyl basynan beri qatty paıdaly qazbalardyń bes jańa ken orny memlekettik esepke qoıyldy.
Úkimettiń dereginshe, júrgizilgen geologııalyq barlaý jumystarynyń nátıjesinde altyn qory 97,8 tonnaǵa, kúmis qory 11,9 tonnaǵa, al mys qory 36,4 myń tonnaǵa artty. Bul kórsetkishter salanyń ınvestıtsııalyq tartymdylyǵynyń artýyna baılanysty múmkin boldy.
2025 jyly jańa 41 nysanǵa geologııalyq barlaý jumystaryn júrgizýge bıýdjetten 7,6 mlrd teńge bólindi.
- Geologııalyq barlaýdyń ashyqtyǵyn qamtamasyz etýge baǵyttalǵan serpindi qadamdardyń biri – jer qoınaýyn paıdalanýdyń biryńǵaı platformasyn iske qosý boldy. Jańa aqparattyq júıe barlaý jáne óndirý quqyǵyn alý protsesin avtomattandyrady. Platformada áleýetti ınvestorlar úshin qoljetimdi 66 myńnan astam geologııalyq esep ornalastyrylǵan, – delingen resmı habarlamada.
Qazaqstanda altyn baǵasy qandaı ekenin bilgińiz kelse, siltemege ótińiz.