Elimizde 732 myńnan astam múgedektigi bar adam turady

ASTANA. KAZINFORM – Qazir elimizde 732 myńnan astam múgedektigi bar adam turady. Bul týraly QR Eńbek jáne halyqty áleýmettik qorǵaý vıtse-mınıstri Asqarbek Ertaev málim etti. 

«Búgingi kúni qoǵamdaǵy ınklıýzııany kóbine ótkir qajet etetin – ol múgedektigi bar adamdar. Qazir elimizde 732 myńnan astam múgedektigi bar adamdar turady.Olardyń ishinde balalar úlesi — 15% (0-den 18 jasqa deıin), 18 asqan adamdar — 85%, onyń ishinde eńbekke qabiletti adamdar — 57,2%, zeınet jasyndaǵy — 27,5% quraıdy.Jyl saıyn múgedektigi bar adamdardy qoldaýǵa shyǵyndar bıýdjettiń áleýmettik kómek jáne áleýmettik qamtamasyz etý shyǵyndarynyń shamamen — 11% quraıdy», — dedi vıtse-mınıstr OKQ alańynda ótken Inklıýzıvti saıasat tujyrymdamasynyń jobasy týraly baspasóz qyzmetinde.

Osy oraıda Asqarbek Ertaev múgedektik boıynsha áleýmettik járdemaqylar tólemine 2024 jyly memlekettik bıýdjetten 624,1 mlrd teńge bólingenin atap ótti (2023 jyly 522,1 mlrd teńge).

Buǵan deıin habarlanǵandaı, Túrkistanda múgedektigi bar jandar úshin kezekti bos jumys oryndary jármeńkesi ótti.